來泰巷

营业中

休息中

土瓜灣的這間餐廳，在新華園附近，新華園又大又闊，偏偏它細細間，門面都不太看得見。資料搜尋時看見這間店舖的面書專頁，看見它的職員或老闆的攝影作品挺好看，有時間看見專業有拍攝店舖或街景的好相，推薦大家可以一看。它的餐牌獨特，有就有、冇就冇，例如我們在言談間談及有沒有菠蘿炒飯，店員一口說「無!」。又好似我話要梳打水，店員亦都是一口就說只有青檸梳打，沒有就咁梳打汽水。什麼都試一下，點了一個海南雞，份量不太少，不過雞沒有什麼脂肪，亦都不多油分，因此吃起上來都不覺得可口。串燒就更加差，豬肉勉強還可以，反而串燒雞，雞肉燒得非常之乾，沒有留下什麼肉汁，又乾又瘦，怎會好吃。人們覺得芒果糯米飯不太特別，反而認為這次的芒果沒有怪味，已經算好，因為之前到其他餐廳的芒果糯米飯，芒果有點像鹼液、洗衣粉的味道，一係就吃到起骨的芒果，這次的已經算較好。不過就這間店舖的味道、價格、以及份量，我不太傾向會再來這間餐廳。

今日叫咗一個海南雞飯，味道可以，個飯太濕，一個香辣肉碎生菜包，幾好味，一個冬陰功湯，超濃湯，比想像中多料，一個青木瓜沙律，好味，一個椰青，街坊生意，人流都多，冷氣要大dd

經過餐廳門口, 坦白說先被價錢吸引，因為土瓜灣有許多小店, 而且很迷你，裝潢非常簡單，豪不起眼，都是帶著半信半疑的心態一試。餐廳經理或老闆都非常之好客，熱切地介紹餐牌上的特色菜式，原來Thai Style Noodle Salad (HK$56) 本應是泰國廚師的日常用膳，其後經過鑽研，無意中發現其實是一個非常特色且香港少有的泰國地道少菜，才決定加入餐牌呢！不過，這個菜式對於我來說，真的是非常辣，剛入口的時候是不覺，辣味是慢慢的滲出來，是有層次的那種，很惹味的一個菜式。Curry Chicken Noodles (HK$59)是招牌菜，用泰國全蛋麵配上濃郁的咖哩和軟腍的雞脾，有椰香味，帶點微微的辣。Spicy and Sour Boneless Chicken Feet (跟餐只需加HK$20)酸辣鳳爪咬下去都不覺硬，且很入味啊！Minced Pork Lettuce Wrap (HK$75) 這個是我去每一間泰式餐廳必點的菜式，直到遇到這個辣肉碎，才能令我一試難忘！肉碎肥瘦恰到好處，辣味調得非常好，令人欲罷不能! 如果大家有經過土瓜環一定要來試這間有水準的小小泰國餐廳，絕對能令你眼前

看到一間小店，門口不顯眼的泰國餐廳，入去試試，環境街坊感覺，沒有華麗裝修，但坐得舒服，店員招呼也有禮。但係食物比想像好，食過炒金邊粉，味道適中，不會太辣，酸辣鳳爪好味道，炸墨魚餅也可以，價錢平民化，可以推介大家一試

今日意外發現一間幾好味嘅泰國菜！😍 本身想食隔離嗰間茶餐廳，不過滿晒座冇位...🥲 呢間泰國菜嗰唔使等位，而且menu選擇都幾多所以就試吓～🍴中午出黎食飯又曬又熱，唔使諗就叫咗杯青檸梳打先～🌞叫咗碟海南雞飯，因為趕時間諗住海南雞唔使等好耐～😆 果然好快就有得食！👍🏼海南雞去晒骨，估唔到都幾大份，而且肉質好嫩滑、雞皮好薄，好耐冇食過咁正嘅海南雞！😍 黃油飯亦好味道，食落好香口、油香十足，但唔會過分油膩～ 附送嘅湯飲落幾清淡～🐔

我以前母校都在土瓜灣，这區一向是住宅学校区，但近來開了很多食肆。这天來辦點事，到午餐時間就找地方食。这間是泰國菜小店，有2張圓枱，其他都是细枱，牆壁畫了九龍城特式街道，很別緻。我叫了香葉辣肉碎飯，送1碗湯，餐飲要加錢。我特別提出少辣，因不知食物辣的程度,食物的味道都OK，但份量偏少，女士食尚可，男士不夠，这区收差不多$60，算是中高價。值得一提的是这店很識做生意，離開時我取了1份外賣纸，由4－6人，甚至20多人餐都有，家庭或朋友聚會都適合，吾洗成日叫pizza 了。

high potential - need some small adjustment! 👍curry noodle:1) need thai basil, galangal!!! please add.2) more chicken, less noodle. 3) Try small bowl for separate pickle and beansprout. allow for cleaner flavourpickle very good idea 👍 i like.soup nice idea, very clean flavouradd oil 💪💪💪

見到食評唔錯所以入咗黎試，小店無乜人，環境細細，但坐位都唔窄。order咗3樣嘢，咖喱麵+炒金邊粉+所謂嘅招牌芒果糯米飯，前兩者好睇又好食，但食物偏鹹，送嘅例湯仲鹹，我對MSG有敏感，食完就知出事啦！ 芒果暗淡且未夠熟，所以都硬中帶酸，糯米飯椰汁味都夠香濃多汁。可以用octopus比錢方便

隱世高質泰式小店❤️​門面唔突出，沒有招牌，諗住試一試點知有驚喜🥰​​✨雞肉/豬肉沙嗲串 (各3串)​超級香嘅沙嗲串燒‼️肉質好嫩又易咬😋 個沙嗲醬真係好好味👍👍​​✨咖哩軟殼蟹+薄餅​軟殼蟹份量都唔少，咖哩汁有點辣，不過味道好香口，好creamy👍 唔送飯食改為薄餅都係一個好選擇😍​​✨蝦餅​皮薄脆卜卜熱辣辣大大舊嘅蝦餅十分足料🤗👍​​✨泰式炒通菜​又夠辣又有鑊氣嘅小菜值得一試👍​​臨尾老闆仲送咗甜品我地吃🤤​店內有霓虹燈打卡位 坐得舒服 食得開心🥰​​味道👅👅👅👅​抵食🤑🤑🤑🤑​環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​

我同朋友訂了泰式到會, 由落單到送貨服務十分好, 一直怕到會食物送貨時會變凍, 收到後食物還暖, 拆開時份量真的有點嚇一跳, 比想像中多, 我Order是8人餐, 我們一行七個大人兩個小朋友, 訂了這個餐再另叫了一份泰式炒金邊粉食物質素高, 串燒🍢同魚餅第一輪已經食晒了🤣鐘意食串燒的記得要Order多點份量, 附上有多無少的漿汁, 撈埋飯食好正, 炒飯炒得乾身, 酸辣鳳爪味道剛剛好, 不會一味偏酸, 值得一讚👍🏻烏頭魚送來的時候用錫紙包好, 打開還熱辣辣大家到會唔想叫西餐, 泰國菜都是不錯的選擇😋8人餐到會套餐包括：1）海南雞（全隻）2）泰式肉碎生菜包3）泰式火車炒飯4）鹽燒烏頭魚（原條）5）泰式炒通菜6）泰式炒芥蘭7）串燒18串8）炸魚餅10件9）酸辣鳳爪***奉送泰式甜品***

土瓜灣搵到一個環境好,舒服坐得好既泰國餐廳!大碗又抵食..忍唔住影相😅!!真係第一次寫食評呀!!!點左個黑船湯粉,仲有清湯送,好開心,成間店坐左好多年輕顧客!!下次會再黎幫襯!!!

土瓜灣屬於舊區，所以大部份餐廳都係茶餐廳、車仔麵較多，想食有質素既泰國菜都要去到9龍城果頭，但尼間又近又平又有質素💕-👅：香葉辣肉碎飯+例湯 $55 尼個反食左無數次依舊係咁出色好食💕💕佢係炒到粒粒分明仲配有紅椒去昇華味道，咩都唔會話太鹹或者太辣，滿足大眾口味👅👅-👅：泰式火車炒飯 $58佢居然有臘腸喺入面，好少見到泰式菜式有臘腸，同埋食得出佢獲氣好足，炒到粒粒分明。-👅： 椰汁西米露 1/$6內有粟米， 唔會話太甜，但椰汁味道唔太突出。

路過眼見店內環境舒適, 打算入內吃個便飯然後上班去,叫了一碟香葉辣肉碎飯, 起初見枱面有張卡寫著 '即叫即整, 請耐心等候約10-20分鐘',  講到咁堅, 咪等下囉, 時光飛逝, 20分鐘已過, 食物還是唔見影, 我以為廚房師傅去左屠場,為我嚴選靚豬製成肉碎, 滿心歡喜期待.點知抬頭一望先發現,樓面同事不停在處理到會食物, 我見唔對路,所以友善同樓面講,可唔可以整左我碟飯先, 趕住番工, 點知樓面女士一句埋黎'你等唔到我可以幫你取消張單架!我地搞緊到會, 唔可以騷擾廚房!'原來係我錯, 我唯有謹此向貴店全體同人道歉.其實做到會外賣做唔切樓面客, 點解唔可以一開始就講清楚? 講清楚我就不用白等了一個溫馨提示, 要入去食野, 記住要睇下廚房佬面色最後, 我飲過幾口超甜凍奶茶(職員聲稱奶茶一早溝好, 冇得tune 甜度), 吃了一肚氣, 就去上班去..... 

上星期五點了 酸辣鳳爪， 炸魚餅， 冬陰功湯， 咖哩軟殼蟹， 火車頭炒飯。 鳳爪根本就係街市買回來即食嗰隻， 完全沒有好嘅酸辣味。 炸魚餅就係超市買20蚊一包， 炸一炸就畀你食。 冬陰功湯有海鮮， 不過竟然冇香茅 ，好似椰奶湯咁。 推介嘅炸軟腳蟹， 都唔知雪咗幾耐， 一啲蟹味同咖哩味都冇。 火車頭炒飯就係茶記嘅濕炒飯。 大家千祈唔好中伏

小店在家附近，經過多次都未幫襯過，看完朋友轉發雜誌介紹後，今日放假專乘去吃午餐。試過咖喱雞麵和泰式濕炒河，前者咖喱汁香微辣不嗆口，後者有煙火味鑊氣夠。價錢合理，員工友善有禮。一定會再幫襯