影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
打工仔日日收工返黎已经好攰🥱根本唔会有时间心机去买送煮饭兼洗碗。两𩠌饭呢个时候简直系我地平民福音，简单方便快捷又似住家饭，最紧要系平！唔系点顶得住日日出去食饭一般两𩠌饭就33蚊，可以➕嘢饮（可乐、雪碧、芬达或者汤）就加三蚊。净系收现金💰，最好带定散纸啦。打包外卖拎走一样价钱。亦都可以堂食，记得自备纸巾啊🧻佳记已经系长沙湾附近周边两𩠌饭做得比较好嘅啦，因为菜品多，而且新鲜。见到门口排长龙就知几受欢迎。
继续阅读
是日由于同亲戚有交收，所以，沿青山道由深水埗行到去长沙湾一头，并且，顺住路揾食。原本都打算揾间茶记或快餐店搞掂，因为得一支公，可以简单啲，但经过「佳记美食」铺面，见好多人排队，睇睇究竟，一个字：「平」！点平法？两𩠌饭，包例汤或啡茶，只收$32，每额外加一款𩠌就+$8，另外拣蒸鱼亦需加钱。唔少街坊嚟食两𩠌饭，或者买净𩠌攞走。而𩠌菜嘅选择非常多，全部放晒晌门口橱窗后，目测大概有成廿款，不少见惯见熟嘅小炒菜式。店内环境就好街坊，简单装修，似饭堂咁。好多枱都隔住块大胶板，防疫方面就喺咁多，所以，有唔少一个人嚟嘅客就喜欢拣啲面壁位，此外，啲客都好自动自觉隔开坐，尽量都唔会坐埋一齐。由排队，嗌咩𩠌，要汤定嘢饮，到俾钱都一条龙晌柜枱顺住落。餐具放晒晌枱面，而热水、厕纸晌出面，总之就一切都自己顾自己，零招呼。生炒骨、椒盐猪扒饭+热奶茶 $32由于得我一个，完全唔使就老婆，所以，拣两款都喺肉，仲喺浓味系列，师傅仔真喺唔手紧，饭多，𩠌亦多，更可以讲𩠌多个啲饭，我见啲人大食嘅仲可以加饭添。老实讲，呢类大制作，就唔好抱太大期望，再者，包埋嘢饮，只收你32蚊，就唔好要求太多喇，总之生炒骨做到酸酸甜甜（粉浆少少厚），椒盐猪扒咸香惹味（有点油），撑得饱饱都收货啦。不过，好老实，杯奶茶就真喺无乜茶味，得个样而已。摆到明，呢类街坊店主要就喺靠薄利多销，质素唔会喺卖点，纯粹平平哋等大家有饭开，可以喺唔少打工仔、基层嘅开饭救星。
继续阅读
经过好多次，都是有人在排队，谂住罢工唔煮，去试下呢间下午6点半左右已经要排队，食物款式很多。眼见好好单身汉叫三𩠌饭堂食，大大碟，分量够。店员做野也快手快脚, 快餐的感觉, 食物大大盘,好快卖哂又要加.晚饭时段真的新鲜出炉.而我，买咗3个𩠌返屋企，大大盒，味道都不错。最好食是豆腐, 生炒骨不太硬,适中.猪扒味道也不错.买到返屋企(行10分钟), 仲系热呀, 唔似其他店, 由头到尾都是冻/暖的, 要回家加热才食得. 同区有好同类型食店，要突围，要 keep住。唔好hea 做。
继续阅读