影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
买左几个月佳记，第一次比个中年内地阿姐员工闹，话我讲双𩠌饭唔啱，会令佢误会系三𩠌饭，一定要讲两𩠌饭… 就算系听错都好小事，我又唔会怪你广东话唔好，你讲两句咪算，点解要咁恶闹人呢？ 希望呢位姐姐可以改善下佢既服务态度啦
继续阅读
天气又湿又冻，最好梗系食羊腩煲🐑，食几旧个人由心底暖出黎。呢间餐厅次次经过都见好多人买两𩠌饭，但原来唔止两𩠌饭，羊腩煲都有得卖，价钱相宜，得两个人食懒得炆，咁样买返去仲平过买料+炉火！外卖羊腩煲🐑 ($108)大大盒，羊腩都有十几旧，份量算多，加上冬菇、腐竹、马蹄等配料，个盒差啲闩唔埋。酱汁调校得好惹味，火候十足，羊肉都好入味，唔算好膻，不过我都好钟意食膻味重嘅羊肉。冬菇腐竹马蹄都系炆到入味，非常好食。自己适量加入茼蒿、乌冬、丸物等配料，又可以将羊腩煲升华，好丰富嘅一餐！超正！值得一提系西环我都试过几间羊腩煲，暂时最啱口味系呢间！
继续阅读
前排两𩠌饭大行其道我都食过一间抵食、味道又好嘅两𩠌饭😋佳记系连锁餐厅 睇见外卖袋有好多分店地址先知原来咁多地方都有.门口有窗 客人可以一边排队、一边谂下点咩𩠌💭仲可以见到𩠌嘅实物.呢日我买左咕噜肉同梅菜扣肉店员俾左劲多𩠌我 好似唔使钱咁🤩成个饭盒装得劲满份量多到女士同细食嘅人未必食得晒 真系好抵🤪.小菜煮得有镬气 够味又足料不过好食就当然落得比较多油.另一样好野就系会包埋饮品☕如果唔饮普通饮品都可以拣例汤🥣.除左外卖之外 店铺亦都有位置可以堂食
继续阅读
话说帮屋企人去买两𩠌饭，咁佢一盘盘我都唔太知道系有咩𩠌，之后见到墙上面有个餐牌，就写住啲𩠌名咁，其中一个叫枝竹牛腩，咁我就叫咗枝竹牛腩啦，之后分𩠌个女人就发脾气问我要牛定羊腩㗎，枝竹系跟羊腩，牛腩系跟萝卜，语气极差，表情都极差。然后我话餐牌上面写住𠮶个枝竹牛腩，有个男人就走出嚟话，佢系咁写姐但我哋今日冇。咁我心谂我点知啫，你可以直接话俾我听冇，但唔洗咁样嘅语气。以后唔会帮衬，除咗平又唔系特别好食。
继续阅读
6点后晚市禁堂食，就唯有逼住要买外卖食！呢间佳记美食真系超级无敌咁抵食！2个𩠌都只不过系$36！！！👉🏻菠萝咕噜肉超级多件，而且一d都唔粉，啖啖都系肉，屋企4个人都唔使争食！菠萝好甜，正！👉🏻红酒烩牛尾同样分量好多，大大旧牛尾全部都非常之入味，红萝卜亦好淋，好岀息！仲有大约10款8款唔同嘅家常小菜可以拣，姐姐好爽手真系比好多𩠌，呢个价钱真系好抵食，唔想煮野食系度买真系非常之方便！正宗嘅平、靓、正！
继续阅读
您可能会有兴趣的...