佳佳二姐甜品

营业中

休息中

土瓜灣北帝街既呢間佳佳二姐糖水，之前係佐敦總站都有食過，今次去左土瓜灣分店，佢呢度既裝修同佐敦總店個間係差唔多，都係用左一般傳統糖水既裝潢，木枱同埋木櫈，地方都好乾淨，同埋糖水既價錢都算合理。今次入去試左佢呢個老薑蕃薯糖水，28蚊，個薑汁都好濃，好夠辣味，唔食辣既人 可能真係未必食到，食完係覺得個身暖左，仲流埋汗添。另外啲番薯都有原味，都食到係新鮮嘅黃心蕃薯，不過有個少少建議，如果可以切細舊啲番薯就更加好。

有幫襯開佳佳佐敦總店，由佢入選米芝蓮，米芝蓮死亡之吻被迫搬鋪，被小紅書追捧，到而家回歸由治入興狀態。 一直好想支持呢類唔靠花巧野，而靠質素取勝嘅傳統中式糖水舖。偶爾見到土瓜灣開左間佳佳二姐，雖然冇認真考究佢同總店嘅關係係點樣，但都即管入嚟試下。試咗個杏仁糊。 杏仁磨得好細滑，入口有香濃嘅杏仁味。 甜度適中唔會搶咗杏仁味。 質感稍稍偏薄，但仍屬於可接受水平。整體感覺，都對得住佳佳個名。 而由於位置，就多返一份街坊味。 得閒都可以嚟支持下。

當晚冬至唸住買兩碗糖水番屋企同老公應下節，熱綠豆沙+湯丸，熱芝麻糊，+湯丸，番到去打開食咗一啖瀨嘢，有西米露。。本人好討厭食西米露，佢餐牌寫係百合綠豆沙無唸過會加西米露，老公個芝麻糊又稀到乜，呢間無下次。。我最後係有打電話去同商家講，問佢哋做咩加西米露又唔標明，我話其實有啲人係唔食西米露嫁，我要食西米露就揀西米露糖水啦，綠豆又無幾多粒，佢仲問我有冇食過佢哋啲紅豆沙，我話無，知道係咁食過一次唔會再幫襯，佢哋話會標明番綠豆沙有西米露喎。。。。。。。。。

幾次想買都沒有喳喳，已經好幾個月時間，問題還是少人吃所以不製作？改叫芋蓉西米露，同樣地兩三年前食，有一粒粒芋蓉咬口，近兩年每次吃都只是有西米露及幾粒蓮子若果說煮得芋頭也融掉，但甜品中芋頭的味道又不足夠。西米露亦比以前少，是因為名氣奠定了地位，所以開始疏忽？看來還是要找其他甜品店了

土瓜灣舊區重建, 去影相兼睇下新舊區變遷, 難得經過 佳佳(二姐店), 中午時間都照食返碗糖水清涼下蛋花馬蹄西米露馬蹄清甜爽口,加上西米及蛋花,口感順滑,容易入口,喜歡食馬蹄一定要試百合西米綠豆沙百合配綠豆,又幾夾喎, 感覺滋潤啲,西米真係好適合加入任何一款糖水,增加了層次感, 整體唔錯, 但綠豆就少左啲两款糖水都不太甜, 比佐敦的淡馬蹄露用嘅糖, 明顯同佐敦店不同個人得係覺得佐敦店啱口味啲好處係不用QR code 先比錢, 隨口叫便有人應, 多了一點人情味

聽講呢間甜品店好出名，好多街坊鍾意，所以嚟外賣咗芒果涼粉同合桃露。合桃露未食，所以唔comment 住，但係嗰芒果涼粉好失望。首先，嗰質感已經唔係涼粉，而係大菜糕嘅感覺，跟住係甜到不得了，完全沒有涼粉嘅甘味，得個甜字，我自問從來未食過甜嘅涼粉（而我係極愛涼粉，周圍去食嗰啲）。我食咗兩啖頂唔順倒咗，浪費咗$40。其實你唔係整緊涼粉就唔好用個名賣喇，名不副實，更加影響咗你店舖嘅聲譽，減低顧客返轉頭嘅機會...

🥣 踏入這家店，環境清爽，閒適得嚟唔失格調。首先點咗碗滑得离弦嘅黑芝麻糊，每一啖都係濃郁香甜，滋味正！再加嗰啲QQ嘅汤圆，啱晒鐘意口感層次嘅食友。咀嚼之間，個汤圆彈牙到不得了噃！🥄 然後試咗精致杏仁露，杏仁味細緻得嚟又唔會膩，溫度掌握得宜，熱笠笠地飲落，只係輕度甜，啱晒唔鍾意嘢太甜嘅人。🍵 冰糖炖木瓜，個名聽落好有補嘅樣，呢個俾我驚喜到！木瓜質感幼滑，口感綿長，絲毫冇過多的纖維感，同嗰冰糖湯底一齊入口，甜美得嚟又清爽。食得我心滿意足，呢啲甜品真係幫我滿足咗攞下午茶嘅心愿。順帶一提，收銀嘅速度都快過風，無需多等，嗰種親切感令人食咗仲想再食。額外贊嘅係佢哋嘅鄰里情懷，感覺好過百貨公司嗰種生意味重，正！轉頭再嚟，梗係要試埋其他款，未食過嘅朋友仲唔快啲嚟一試？💯

今次食評主角係佳佳嘅合桃糊啊！東西真心唔錯，每次食都有種暖笠笠嘅感覺，就好似啲合桃香氣溫暖咗成個晚上咁。合桃糊順滑到爆炸，啖啖濃郁嘅合桃味，完全嗌到我心頭好，令我不禁嘆為觀止。佢哋嘅湯圓亦都係另一大賣點，芝麻湯圓嘅皮薄餡多，啲芝麻醬香得嚟唔膩口，芝實得滯，簡直係完美組合。我諗啲食嘅時候，那種滑唔溜手、綿密得嚟又唔會太稠嘅質感，的確係一流。與朋友分享呢個小確幸，不禁感慨食物真係可以療癒人心。哎呀，簡單啲嚟講啦，佳佳呢度嘅合桃糊真係可以儂得嗰啱啱好，啱晒呢啲愛嘆甜品嘅夜晚。由於有時候夜晚啲街市小食檔已經收檔，嚟到佳佳就成為我哋最好嘅選擇。店員服務都闊氣得嚟親切，等你一坐落就覺得舒服，彷彿係嚟咗第二個屋企。總括嚟講，佳佳呢間幾有人情味，甜品夠水準，環境過得去，值得一嚐再嚐㗎！👌🍰🥣

星期日晚上，叫了蕃薯糖水同湯丸，$26@，前者薑味濃，蕃薯又夠粉，同伴說比總店佳，人手就少d同無咁快手，但同樣地無咁趕住食完feel，空間會細d。而且不用排隊喎，不過湯丸就普通，八小粒，芝麻味ok，但個皮有少少實，唔知係咪因為煮得未夠耐還是材料原因，個薑汁糖水底係一樣的。如果再開拓一些新選擇會更好，無理由每次叫同一樣嘛～

The best dessert in To Kwa WanComing to Kai Kai Sister Dessert with my girlfriend at night. There were mainly either neighbours come and go to have a Chinese sweet soup quickly or order takeaway. The price is so cheap and the dessert taste very good too! No Complaint.Highly recommended!!

无意间发现家楼下忽然有个网红店？这不是好多游客排队的“佳佳甜品”吗？居然开到我家楼下了？门口也贴着老板和发哥的照片，走近一看，招牌上写着“佳佳二姐甜品”，什么意思？不管了，先进去吃一顿再说。-环境很宽敞，不用排队等位，没什么态度好与不好，正常点完单，她一个转身就把甜品端上来了，前后不超过30秒，感叹这个上菜速度可能是历史之最😅😅-😻香滑芝麻糊，27hkd➕汤圆8hkd，也算经典了，很多人点，香滑，浓郁，厚重，很扎实的口感，香死我了。-😻精致杏仁露，29hkd，我喝过杏仁露，液体的那种，但没吃过杏仁露甜品，这是那种很浓稠很厚重的感觉，不太甜腻，淡淡的，给人刚刚好很舒服的感觉。我选择的是热的，喝完感觉胃口很舒服。-😻冰糖炖木瓜，29hkd，女生们的最爱！木瓜炖得很软烂，里面的冰糖水也很好喝！甜兮兮，美滋滋～-店内坐的舒服，位置宽敞明亮，可以zfb付款，不用等位，咱也不知道这家和佐敦的佳佳甜品有啥关系，但可以看到来这家店的大部分是周围的街坊邻居，很少见到游客，很正宗的中式糖水店，好吃！抵食！来香港旅行的朋友们也可以来土瓜湾试试这家店！

蓮子紅豆沙$26，芋茸蓮子西米露$26，以26蚊嚟講，呢兩碗糖水份量唔算太細。糖水唔會好甜，紅豆沙真係煲到起沙，唔似其他餐廳咁糖水溝紅豆，西米露食得到淡淡芋香味。26蚊嚟講物有所值。

平時多數食開油麻地間佳佳甜品，呢間叫二姐出邊仲貼咗好多發哥嘅相片，睇落格局同油麻地一樣。呢度個招牌特濃薑味番薯糖水都好出名，鍾意薑汁嘅一定食。最後，我哋叫咗叫咗招牌芝麻糊拼合桃露，仲加咗湯圓。呢個組合真係無敵好好味😌😌非常之濃厚香滑，芝麻同合桃味好有層次，食完都幾飽🤣略嫌湯圓太細粒，口感唔夠。另外，仲叫凍腐竹白果蛋糖水，呢個有驚喜！！佢比出面嘅腐竹糖水，厚身香濃，可以用糊嚟形容。如果鍾意香濃腐竹未嘅就一定要試！

同屋企人食飯，限時一個半鐘，意猶未盡，所以再去食糖水下半場。老人家唔鍾意食新潮甜品，就喺附近搵咗間中式糖水舖。佳佳(二姐）甜品 KAI KAI (SISTER) DESSERT九龍士瓜灣北帝街57號 唔知道大姐二姐三姐有咩分別呢？質素一般，甜度適中，冇話好大驚喜，我老頂話芝麻糊、合桃露、都似係用粉開，冇乜香味，但價錢都唔係貴28至$30一碗。可以接受！芝麻糊併杏仁露Black Sesame & Almond Soup杏仁露併合桃露Almond & Walnut Soup芝麻糊併合桃露Black Sesame & Walnut Soup楊枝甘露 凍 $ 39Chilled Mango Sago Cream with Pomelo楊枝甘露相對比較甜，芒果冇乜香味，可以做得更好！

芝麻糊係我最鍾意食嘅傳統中式糖水，但係真心而家要搵一間做得好嘅芝麻糊糖水鋪真係唔係咁容易，之前食過翠苑都覺得質素已經冇以前咁好，亦都試過研香，雷聲大雨點小，令人非常失望今次經過土瓜灣發現原來佳佳都開咗分店，所以就去試下熱芝麻糊係必點既，而且真係冇令人失望，相比起其他中式糖水舖，我覺得佳佳嘅質素仍然保持得到芝麻糊好濃郁，好滑，唔會有一pat pat或者一粒粒嘅問題，質地非常好，甜度適中，絕對係會想食曬成碗嘅味道喺未搵到另一間更好嘅糖水舖之前，我諗以後如果想食芝麻糊，都只會去佳佳分享返件趣事，有位客人叫合桃露溝紅豆沙，老闆娘話：咁樣溝好味咩？完全忍唔到,笑咗😂搞到我都好想知其實到底好唔好味