你好！茶飯

营业中

休息中

喺葵芳眾多茶飲店之中，呢間嘅台式飲品都算幾正宗，次次都飲寶島水果茶，入面好多生果，而且唔太甜，又大杯，用網上外賣平台外賣自取仲有九折，真係抵好多，下次會試下甜品。

在我最近的用餐體驗中，呢家台式餐廳給我留下了深刻的印象。走進餐廳，溫馨的裝潢和親切的服務讓我感到賓至如歸。菜單上琳瑯滿目的台灣經典美食，讓我忍不住想一一嘗試。我點了酸菜魚，肉質鮮嫩，醬汁香濃，與白飯的搭配恰到好處。每一口都讓我想起媽媽的味道，讓人懷念。接著是外酥內嫩的炸豆腐，皮脆肉多，搭配特製醬料，讓人停不下來。此外，涼拌小菜清爽可口，完美解膩。同朋友一齊食左好多野食，十分之好味。這家餐廳的環境舒適，適合和家人朋友聚餐。服務人員態度親切，讓整個用餐過程更為愉快。無論是想要享受台灣傳統美食，還是尋找一個放鬆的用餐場所，這裡都絕對是不二之選。我強烈推薦給所有喜愛台灣料理的朋友們，絕對值得一試！

今天過來葵芳邨辦事，葵涌廣場就多人知，原來葵芳廣場也是在葵芳地鐵站另外一邊上橋，通過屋邨⋯⋯諗住簡單嚟過下午茶⋯⋯單是下午茶已有很多選擇自助餐具一應俱全，當中最喜歡就是有紙巾，方便抹餐具，其間店員還有Refill 紙巾⋯⋯一讚排骨蔥油拌麵~估唔到下午茶份量絕不馬虎，豬扒都算脆口，至於依碟酸菜有點遜色，不過套餐包埋，要求又唔好咁高啦！整體來說食店內多卡位，方便傾計。以$52 來說，有飲品會令你飽飽的，滿足。

坐位舒服，設計風格清新的台式茶餐廳午餐點了瑤柱花膠雞湯配新竹米粉湯底雖然不可以說是很出色但至少不像一般味精湯，吃完不會口渴瑤柱，花膠及雞很足料，配菜娃娃菜及冬菇味道也夠出，而且全部都炆得很腍，跟餐附送多款台式飲品是一份不錯的午餐。

日日都來食早餐，反旦變炸乾旦，但一時又正常番。留面態度就不得了。黑曬面唔知好似欠佢錢。點解咁多人番大陸消費。真係有原因。好在仲有一個半個有禮貌。如果唔係真係唔會再來。檸檬茶有改善空間。豬扒碎上真係有啲問題🤨。整體來說食物不是差，但睇下個日廚房心情如何。多士叫大火，唔知廚房個日火夠唔夠。落單選擇好多多士可大火小半，但有沒有火睇命運。腸仔不是炸出來，是烚熟再炸。都希望支持香港食肆。減$3優惠其實真係吸引到食客再來。

員工服務態度差，明明有空位，但還是指定客人位置由於坐位太近，環境十份嘈價錢唔算特別便宜俾錢貼難受。加上食物質數差，永遠不會再來如果想找好食的冰室老港比佢好食十倍。

經網上外賣平台叫了兩個不同的早餐， 價錢不一樣的， 送到來發現是兩款相同的早餐， 並且有一個餐價錢的差額是HK$6.00，付多了款但食物不符， 聯絡餐廳要求退回差價， 但餐廳回覆不會退回差價， 其實這間餐廳都不是第一次送餐有錯漏， 就算堂食員工態度都不太好， 以後都唔會再幫襯

諗住夜晚試吓幫襯呢間台式野，其實都黎左兩次，今次係第二次。叫左個套餐，有肉餅飯 湯 野飲。盛惠91蚊，真心算唔平。咁正常程序肉餅連埋飯一齊上都好合理。但係呢佢上完個肉餅，難食都係其次。催左兩次都唔肯黎個飯 足足等左十分鐘，乜都凍晒啦 最後尾要大聲啲都肯黎，黎到又係凍既，真係食到一肚氣。仲要話個湯都冇，我話 下 咁你唔洗講聲？ 要問先講？ 可一不可再呢間野，上次個野飲又係三催四請先到！！之後仲聽到格離問個湯黎未，個職員竟然話送完就無，夠究明唔明咩叫套餐 係寫明有湯，冇你要同個客講冇，唔係問你先話送完就冇.

大年初三葵芳許多食店都沒有開，知道這店冇開便來，平時多光顧平餐，是日與家人來試晚餐。我感覺午餐選擇更合自己，二人餐的蒸品不吸引。五時半到店，空空如也，我哋二人帶著背包、物品等，想坐鬆啲，但店員堅持只給二人枱，明白二人坐二位正常，但店內空空，不能協調？ 就是這位置，更加唔食二人餐，也不願食鍋或羊腩煲，求其食個牛肉麵，但我自己都食過百元。牛肉麵湯底不錯，不只有鹹。牛肉又軟林又有口感及入味，正！加了鹽酥雞，賣相好，但肉質差，肉硬粉厚，感覺很化學。用餐環境很不爽，我哋離座，還有半間店是空的。店播的音樂太大聲，很嘈。最差就是廚房，不斷傳出一把又大又吵耳，又唔知罵乜的男聲。如果下次都這樣不爽，就不光顧了

本人從來冇寫過食評！但今次必需要提出，點解香港喺餐飲業會結業！今早同家人去食早餐，送餐已經好混亂，人手不足是一回事，而所有員工服務態度都一樣差，你又你追，唔會回覆你有冇跟進！由我好有耐性等…..（30分鐘） 杯咖啡都未到，但原來而家喺唔會有人會理你，最後我決定放棄出去埋單走人時，同收銀櫃檯職員講聲：我杯咖啡到而家都未有，她回我一句而家出返俾你（態度極差）！什麼回事？將心比己如果你哋出去食嘢覺得咁樣都冇問題嗎？

我是今天於葵芳分店消費的顧客。今早我在該分店外賣點餐，點了包括兩份炒蛋在內的幾樣食品。回家後，我發現訂單中的兩份炒蛋沒有隨外賣一起送達。隨即於上午10點35分致電23509268分店，客服人員告知會安排工作人員將漏掉的炒蛋送到我家。然而，我等了一個小時之後仍未見有人送達。於是，我再次於11點35分多次致電同一分店，希望能了解送餐的進度和情況。不過，這次電話卻多次被對方掛斷，無法取得進一步的聯繫。對於此事，我感到非常不滿和失望。我期待貴司能夠迅速調查此事件，並作出相應回應。同時，請幫助我安排退款，以彌補這次的疏漏和不便。希望能在最短時間內收到貴司的回覆和處理結果。

煲仔飯即時除蓋再淋豉油，等30秒就岩岩好，啲飯蕉唔會太蕉食落（圖片2），係岩岩好，然後就係啲肉餅好有彈性，個蛋唔係好咸個款，係淡味既，可空口咁食，好岩冬天食。咁煲仔飯本身會令喉嚨乾乾地，我嗌左杯台式紅茶，啲茶味好重，幾消滯。新店環境好靚，有樹竹裝飾，啲凳好好坐唔會逼。服務好好，員工反應快。其實岩岩開業都有黎試過個新竹炒米粉，感覺好新鮮，第二度食唔到，然後個小農珍珠奶茶都幾台式，感覺係台灣個啲入貨既茶，不過個次無影相，就放唔到叁考相了。

葵芳廣場新開嘅餐廳，主打台灣菜，新屎坑好多人，全場都爆晒！新開來講出菜接待樣樣都唔錯，間中有點混亂都屬正常！我哋一班同事一行4人去食晏，我點了台式牛肉麵配蝦卷、兩個同事都點乾拌麵再配炸豬排及炸雞扒，另一位就點了酸菜魚配白飯。牛肉麵唔錯，牛肉份量唔算多，微微辣，反而我鍾意食蝦卷，好味！同事就指炸物比較乾身，所以佢哋都食唔晒，酸菜魚以茶餐廳水準就尚可接受！飲品方面都有台式飲品可選擇，但要加價，以午餐來講每人平均$68，算是比較貴了一點，間唔中食一次可接受！