佛卡夏餅店 (已結業)

從未食過如此難食你蛋撻，一拿上手便覺得像浸了水的，黃色部分完全無味，餅色部分爛熔熔。無論餅皮同蘇皮都是如此，咁嘅產品都賣得？大家千萬別買！千萬別買！千萬一定不要買。

今日為囡兒慶祝4歲生日，於此麵包店內買咗一個比卡超造型嘅生日蛋糕，於切蛋糕時發現蛋糕上嘅士多啤梨好唔新鮮(已變暗紅，葉已謝),蛋糕面嘅裝飾好硬，小朋友根本食唔到，最離譜係蛋糕入面啲生果有烈酒嘅味道, 食咗 一啖掉咗，真係未食過一個咁難食嘅蛋糕，以後都唔會再幫襯

呢一篇食評我是想來投訴的我至少幫襯過呢間麵包店3次3次佢地個名稱牌都係錯的明明牌上寫上「迷你紅豆菠蘿」一咬落去唔係奶皇就係椰絲🤬究竟有無其他人都出現我呢個情況呢？我唔食奶皇的一咬落去發現唔係我想要的餡真係好嬲好嬲早餐都無得食我想我以後都唔會幫襯佢地佢地既麵包又唔係特別好食我已經好耐無買過今日想食麵包就買來食點知.....好嬲好嬲我諗有機會我會直接再同佢地講不過同佢地講都無用可以回贈我3個包嗎？😤

行過見啲蛋糕好靚又唔貴，突然就好想食蛋糕，順便滿足下小朋友吹蠟燭嘅欲望，一舉兩得。買左呢個芒果海綿蛋糕，細細個一家人食啱啱好。賣相都幾精緻吖，厚厚嘅芒果切片，上層有幾粒士多啤梨同藍莓，一粒龍珠果同兩個朱古力圈。內裏忌廉同蛋糕比例唔錯，蛋糕軟綿綿夠濕潤，似乎不是造定幾日嘅貨仔。中間都有芒果肉，芒果幾甜唔錯喎。個人鍾意呢啲傳統啲嘅生果蛋糕多過新興嘅立體蛋糕，立體啲係靚又多造型，但好睇唔好食呢。哈哈，小朋友唱左三次生日歌先比切，買個蛋糕返黎哄下佢開心咩都值得啦。

香港，有各式各樣的麵包店，比起那些著名的麵包店，這些小店更能吸引我。這間佛卡夏麵包店位於屯門建生邨，經過時已聞到很香麵包味道，往往被吸引過去。裡面的裝飾應該都花了不少心思 店裡有很多麵包的款式，有中式傳統餅類(e.g.老婆餅、合桃酥），還有西式麵包（e.g.丹麥條、Pizza包），當然唔少得港人最常吃的腸仔包，菠蘿包，甚麼類型的麵包都應有盡有，給我們很多選擇。為了增加款式多樣性，很多麵包店都會售賣甜點類。這裡是我看過有最多甜點售賣的麵包店。蛋糕有很多選擇，大蛋糕主要都是普遍的黑森林/雜果蛋糕，價錢$100以下就有交易，用作生日蛋糕十分適合。最吸引到我的是西餅類，有藍莓鐽和士多啤梨鐽另外還有杯類甜品如木槺布甸、芒果奶凍等。瑞士卷有六種口味，最吸引我的是抹茶，最特別的是黑芝麻和香橙。這些小蛋糕和餅乾是其他傳統麵包店少之有少的，而且還出了很多口味！！包裝又可愛，很適合送禮 在眾多選擇之中，我們挑選了蛋鐽($10@3，$3.5@1)，和朱古力糖環($8)。店員親切的幫我夾蛋鐽，態度很好。最愛的牛油皮蛋鐽！現在香港有的地方不多了，很多店已在買酥皮蛋鐽，這次看到實在激動！！蛋鐽聞落去沒有太大香味，

大約一個月前，發現屯門寶怡商場地下的 <拓比歷麵包西餅專門店 Top Bread> 結業！ 在 8月頭經過，見到圍板即將開另一間麵包店 Focaccia，媽咪也有留意！甚至知道哪天開業！ 卻是她覺得店名只有英文名，恐怕賣貴到飛起的高級麵包而令她卻步！最近經過，見到間麵包店 Focaccia 開業，中文名 <佛卡夏餅店>， 原來是 <拓比歷麵包西餅專門店 Top Bread> 轉名為 <Focaccia 佛卡夏餅店>！真是換湯不換藥！見其裝潢、價錢及麵包貨色...跟以前的 <拓比歷> 差不多！就連麵包託盤都是舊的！我買了麵包留待翌日做早餐！沙律芝士條 $5 白雪雪的包身，包質密度高！鹹度適中！忌廉奶皇鮮奶球 $7.2一夾已經夾扁，包身鬆軟，軟滑的奶皇餡不甜膩！迷你鬆餅 $11/ 3個分別是原味合桃、綠茶紅豆及咖啡，媽咪想試原味合桃，另外兩個食完麵包才食！綠茶紅豆迷你鬆餅質感鬆軟，只有綠茶的青綠色，卻缺乏綠茶味！咖啡迷你鬆餅散發甘香及香甜，口味最為突出！麵包整體不過不失！勝在街坊價！