影片
以上资料只供参考，请与餐厅确认详情
好耐无食过车仔面了!祟洁街喜喜车仔面质素唔错，想话去帮衬，但女友小熊话北帝街新开咗间车仔面想试吓，于是转场去北帝街.门口招牌叫何B，但员工制服同落单纸叫喜一，上网睇睇原来唔系新开张，话何B已结业，现时再开张，但如果啱啱顶嚟做又唔改店名就好奇怪! 究竟叫何B定喜一呀? 好混乱!落单纸上𩠌菜选择尚算多，连淮山面都有提供.𩠌菜点咗午餐肉，鱼皮鲛，牛栢叶，生炸猪扒，生菜，萝白，冬菇，瑞士汁鸡中翼，猪大肥，咖哩鱿鱼，当然要多葱啦!重点有....1, 汤底清甜，唔系D普普通通清鸡汤，相信汤底心机不少.2, 午餐肉太细件啦....其实.... 每款𩠌都偏少....3, 猪大肠系最出色，入味又够冧.4, 我点冻菜密，味道太淡，要求加甜，侍应同老板都好乐意加甜，服务态度良好! 唔似得一家茶室，要求佢地加沙爹汁都俾说话我听! 仲要沙爹牛得果两旧牛肉! 偷工减料过份!5, 最后系价钱，同小熊帮衬开喜喜，两个人都系约百二百三蚊，但今次埋单成157蚊! 隔离枱一家四口好似系老板D朋友，老板话新开张一星期，朋友专程落去新开张嘅店舖帮衬支持吓，四个大人埋单只系140蚊咋! 我同小熊两个人埋单仲贵过佢地四个大人呀!小熊你食穷我喇!
继续阅读
一个人赶时间随便食，入到去坐咗张二人细枱，因为赶时间已食得极快，几分钟后已食咗大半，呢个时候职员突然走过来问我可唔可以转枱，我劲不悦地叫咗声「下？」然后就唔理我意愿拎走我碗面。明明都就快食完，洗唔洗咁？未入门口嘅客就系尊贵客人一秒都唔等得，食紧嘅客人就系地底泥未试过食到一半俾人夹硬迫转枱，极不尊重，永不回头叫咗三个𩠌：鸡翼、鱼蛋、萝白，都中上水平。但米线同个汤较差，而且一条菜都无呢下较失色。三𩠌面+豆浆$51，正常价位食物整体正常，但服务态度极差，唔识尊重客人
继续阅读
经过试吓下午茶最少三𩠌先有嘢饮嗌咗水鱿, 牛腩, 自家韭菜饺分量十足, 牛腩适中 d水鱿都新鲜味道 6.5/10 个汤同个汁可以浓味d 5/10$46 市区价, 冇下午茶饮埋嘢就可能$60+
继续阅读
今次系第二次帮衬由于本人偏向钟意食菜类，所以叫嘅𩠌都系蔬菜类系主。今次叫左四𩠌： 云耳、冬菇、萝卜、韭菜饺 米粉𩠌同米粉畀得足料，无因为叫多𩠌而扣减分量韭菜饺有三粒，新鲜冬菇萝卜都鲜甜入味，萝卜有成四、五件，正云耳就正常发挥埋单$50
继续阅读
想食车仔面但又唔想因为啲汤攻上块面而食到滴晒汗，于是买左萝卜鱼肉牛腩鸡中翼腩汁捞米线，好好食既配搭鱼肉系鲮鱼肉黎，我知有啲人会唔钟意食，我自己就还好，另外萝卜，鸡中翼同牛腩全部都好入味，高质
继续阅读