影片
更多
2023-04-04
191 浏览
入口即溶三角嫩肌🥓招牌壺漬封門柳🍗少有靚赤雞！-出邊任唧乳酪雪糕越黎越少，好多都變哂普通雪糕，不過都唔係重點，田中主要係想Show off一下，睇下尾圖唧到幾高，如有更高請DM挑機。而呢間燒肉走中高檔路線，價錢範圍超大，高級可以上到黑毛和牛，同時都有最平$298起，亦有一定水準，啱哂想食燒肉放題，又唔想太廉價(或太伏)嘅朋友。-🥓牛肩胛肉海鮮放題 - 54品 ($298)🥩日本九州產黑毛和牛海鮮放題 - 117品 ($688)120分鐘任食，而除咗最平同最貴呢兩款，中間仲有三個Level，安格斯牛/澳洲和牛都有，就算唔食最貴果款，都有超多靚牛。❇️而117品真係超級豐富，除咗重點日本黑毛和牛，仲有任食原隻生蠔(燒)、超多靚海鮮、日本赤雞、甜品小食等等。-🥩牛肉(重點)：🔸究極日本和牛三角嫩肌🔹極上黑毛和牛薄炙牛肋肉、角切、牛肋條、牛肩胛、牛小排和牛都有成6款部位，而三角嫩肌最肥美，接近入口即溶，沾埋日本生蛋壽喜燒汁，牛脂香同蛋甘香混和，真係超誘人邪惡。🔸煙燻壺漬封門柳 (醬油味)被稱為鎮店之寶，價錢第二抵嘅LV.2就食到，原條封門柳放入壺漬，外形超霸氣，肉質醃腍又味道濃郁。🔹嚴選牛肩里肌
-
出邊任唧乳酪雪糕越黎越少，好多都變哂普通雪糕，不過都唔係重點，田中主要係想Show off一下，睇下尾圖唧到幾高，如有更高請DM挑機。
而呢間燒肉走中高檔路線，價錢範圍超大，高級可以上到黑毛和牛，同時都有最平$298起，亦有一定水準，啱哂想食燒肉放題，又唔想太廉價(或太伏)嘅朋友。
-
🥓牛肩胛肉海鮮放題 - 54品 ($298)
🥩日本九州產黑毛和牛海鮮放題 - 117品 ($688)
120分鐘任食，而除咗最平同最貴呢兩款，中間仲有三個Level，安格斯牛/澳洲和牛都有，就算唔食最貴果款，都有超多靚牛。
❇️而117品真係超級豐富，除咗重點日本黑毛和牛，仲有任食原隻生蠔(燒)、超多靚海鮮、日本赤雞、甜品小食等等。
-
🥩牛肉(重點)：
🔸究極日本和牛三角嫩肌
🔹極上黑毛和牛薄炙牛肋肉、角切、牛肋條、牛肩胛、牛小排
和牛都有成6款部位，而三角嫩肌最肥美，接近入口即溶，沾埋日本生蛋壽喜燒汁，牛脂香同蛋甘香混和，真係超誘人邪惡。
🔸煙燻壺漬封門柳 (醬油味)
被稱為鎮店之寶，價錢第二抵嘅LV.2就食到，原條封門柳放入壺漬，外形超霸氣，肉質醃腍又味道濃郁。
🔹嚴選牛肩里肌肉
🔸特上肩胛翼板肉
🔹霜降一口牛
而就算最平LV.1嘅呢3款，都唔係普通款式，靚牛肩胛全部任食，肉感脂香平衡。
-
🦐海鮮(重點)：
🔸日本宮城縣原隻生蠔 (燒)
LV.4已經有任食燒原隻生蠔，睇相都見飽滿肥美，而且鮮甜唔腥，燒到剛熟真係超Juicy嫩滑，真係係咁掃入口。
🔹原隻鮑魚燒 🔸照燒帆立貝 🔹醬燒廣島蠔
🔸清酒煮蜆 🔹大海老 🔸蒲燒鰻魚
田中數過海鮮超過10款，而呢到幾款係其中必食，帆立貝鮮甜又燒汁醃過，廣島蠔同樣飽滿，鮑魚海老更加係大大隻超正。
-
🍗其他肉類(重點)：
🔹赤雞雞腿肉 (醬油/雙重芝士)
🔸炭火赤雞燒
除咗大路豚肉雞肉，赤雞絕對係必食，肉質超有驚喜，肥美香嫩Juicy，田中食得仲多過和牛，而雙重芝士更加係超邪惡 (亦可以用其他肉拉芝)。
🍨呢到仲有唔少小食料理，例如邪惡炸雞、海膽忌廉流心餅，而甜品方面亦有唔少，除咗自助區同任唧乳酪雪糕，仲有少見嘅燒朱古力棉花糖。
张贴
