但馬屋 (V City)

营业中

休息中

未試過食個飯都咁受到不尊重對待！！！！！員工態度超差！！！！！怒到要寫評論，從來未寫過當日食一人一窩，最後15分鐘埋單之後，就繼續lala聲清埋煲上食物，費事浪費，到超準時夠鐘嘅時候，突然行埋話夠鐘，佢話口未完，隻手已經即刻收曬台上全部野，係我面前倒曬落垃圾盤，連個煲都收埋倒曬d野，我筷子都未放低，呆左，勁吾尊重！！！！！你大可以夠鍾嘅時候，同我講聲，夠鐘要即刻收台，我可以即刻放低，比1分鐘時間我戴好口罩我可以即刻走，而唔係行埋來，即刻收走d野！！！！仲係面前倒入垃圾盤！！！！呢下好怒！！！！！而且係冇人等緊位，當時有好多位！！！！完全諗唔明呢d行為lor！！！！😡😡😡😡😡😡😡😡😡😡😡

今次係第N次食但馬屋，因為佢性價比好高。午餐晚餐都食過，依然係叫我最愛嘅美肌湯底，不過朋友叫嘅麻辣湯底一樣吸引，唔算好辣，唔係好食得辣嘅朋友都可以試一試。午餐任食最平$99，不過牛、豬係定量嘅。而夜晚任食最平$249，包括牛、豬。我哋一行10人都叫咗午市最平嘅套餐🤤服務貼心，經常問我哋要唔要加湯😂可能因為人太多，輪住加🤣佢哋嘅蔬菜，款式算多👍👍中意吃草嘅健康人士大愛😋😋因為呢個套餐係最平，所以只有一款基本牛肉，呢款牛唔會太肥，但有要求嘅朋友就唔太建議試呢個套餐，呢個套餐係豚肉正過牛肉嘅😂😂最後係要強烈推薦佢嘅任食Häagen-Dazs雪糕🤤仲要係最邪惡嘅朱古力雪糕，入面有脆脆，餐前2球，餐後2球，已經回本🤣🤣晚餐建議大家book定位，拎定飛，唔係就排到變長頸鹿都未有得食🤣

午餐經常黎但馬屋邊爐！通常都會叫定量牛肉豚肉+甘露鍋，由$79食到$99😂 定量set除左肉係固定份量，蔬菜/丸/飲品/雪糕都係任食的~我就覺得佢既豚肉優勝過牛肉！雖然配料款式唔多，但係都唔錯，特別係有好多蔬菜同菇類，羽衣甘藍係其他火鍋店都比較少見，另外佢既蛋餃同蛋麵亦都係每次必食的！另外一定要食佢既雪糕~通常係出面都有四款Haagen dazs比你簡，都係大路口味朱古力/士多啤梨嗰啲，但係亦都試過哈密瓜/抹茶Twist口味。每次黎食都好飽捧住個肚走🤣

一個月連續食兩次，仲要大熱天時。食完第一次之後真係念念不忘🥰👍🏼原因乾淨企理，坐得舒服，牛肉又薄又有牛味🥰一灼即食，同老公每人消左6-7盤呀！甘露鍋配牛肉係最好味架😍大推美肌鍋都幾好，蕃茄芝士個人就麻麻哋火鍋配料方面，蔬菜好多種類，洗得好乾淨。肉類配料方面選擇唔多，其中花枝丸、蛋餃都好驚喜好好食！另外驚喜嘅係蘸醬，柚子醬油加青檸仲有花生碎，同埋個18禁辣椒醬真係好正，點牛肉好好味。哈根大師雪糕雖然得四款但可以任食。搞笑嘅係但馬屋對面就有間Häagen-Dazs，不過啲雪糕就賣得勁貴。我哋寧願喺但馬屋度食返夠本😂😂會再嚟第三次

是晚開ot相約同事在v city打邊爐但馬屋都要排隊兵分兩路同事拎定飛跟住我哋再嚟再join任食和牛係幾好味最鍾意有得食飲食蟲草花羽衣甘藍其他都好好食啲配料丸類都唔差。最好係一人一喎如果唔使排隊v city但馬屋都唔錯可惜長期要作戰狀態排定先如果時間緊張真係唔方便食

今日去食日式火鍋shabu shabu黎到呢間但馬屋 叫咗日本和牛餐睇個樣都知勁靚啦 油花分佈 均勻 而且肉質紅潤淥幾秒已經食得 重點係入口即溶而且不失牛肉香氣 點埋秘製醬油就一流啦

放假當然要大吃大喝先得啦😂今次就去近近地位於屯門V City嘅「但馬屋」😋其實小編好鍾意食放題/Buffet類型的！可以好滿足地食到飽😬北海道夢之大地豚肉放題套餐$298套餐已包任食豬肉牛肉😋只要想食嘅時候，同店員講聲，就會將美味嘅豬肉同牛肉送到面前！👍啲牛都算幾嫩！啲豬腩片相當滑！入口即溶！多多都食得哂呀🤤😆其他配料 同 飲品就可以自己出去拎，都係果句啦，食得哂先好拎呀😝唔好做大哂鬼🤪

北海道夢之大地豚放題套餐 $298一直都好想冬天去北海道睇雪❄️☃️ 可惜疫情下番日本鄉下遙遙無期🥲 唯有去但馬屋嘆下冬の白雪鍋❄️ 估唔到又幾有驚喜，仲有得「嚐雪👅」期間限定既冬の白雪鍋，除咗有由大量象徵冬日雪花嘅白蘿蔔蓉組成小小雪山🗻仲有特別準備既日本直送✈️ 日本年糕片😍第一次食Shabu Shabu會日本年糕，店員仲有特別講解點食🤓首先要將日本年糕片放入湯內4-5秒涮至軟身，之後卷著北海道夢之大地豚腩肉、三色野菜、同白蘿蔔蓉，再沾上柚子醋食👍 依個食法好特別，口感煙韌、爽口、柔軟集於一體，真心推介俾大家😻 索曬清甜既鰹魚湯，正呀😋冬の白雪鍋內所有食材，包埋日本年糕都可以免費追加😍 除左北海道夢之大地豚腩肉，以下肉類都係仼食:🐂澳洲產 長期穀飼牛🐂嚴選牛肉🐖丹麥皇冠豚肉自助區有大量新鮮食材，仲有仼食Häagen Dazs雪糕，至愛焦糖脆餅味🍦私心推介墨魚丸、芋頭、南瓜、包心貢丸、魚豆腐🥰

首先我哋去嗰日係平日嘅下午茶時段，因此入去都唔算好多人，入到去都有幾多選擇，不過就得60分鐘左右，可能就會食得有啲急。-嚴選牛肉套餐$159我哋就揀咗兩個湯底就係甘露鍋同美肌鍋，咁老撾就係類似壽喜燒湯底，美肌鍋就好香雞味。-肉類🥩首先我覺得啲牛肉紋路都唔錯，但係食落去係比較肥少少，建議大家唔好一開始就食咁多牛，會好快膩，豬肉我就覺得唔柴亦都唔算嫩。-蔬菜類及丸類個人覺得蔬菜就有好多選擇，而且都幾新鮮，甚至有啲菜式都幾特別，丸類都幾好食，唔腥亦都冇臭味。-甜品及飲品類最surprise係呢度午市居然有Häagen-Dazs雪糕🍦，仲要有四隻味可以揀，最鍾意係食朱古力同埋雲呢拿，飲品就有桂花烏龍茶同埋雜果賓治呢啲特色嘢飲，仲有一啲平時放題店嘅罐裝飲品。-最後我哋買單就175一個人，都OK嘅個價錢，CP值一般。

旅行遙遙無期🥺不能去北海道旅行，就吃北海道名物「夢之大地豚肉」放題吧！「夢之大地北海道豚」是由日本四個最佳豬種（長白豬，大約克郡，杜洛克和伯克郡）混種育成。其色澤光鮮紅潤，肉味濃而沒有豬羶味，肉質幼嫩，帶獨有的甘甜味，而且油花均勻，作為火鍋配料真的一流！今日去了但馬屋吃期間限定的みぞれ鍋。みぞれ鍋即是雪見鍋，特點是大量的蘿蔔泥，配以鰹魚湯底，再加上蘿蔔絲和蔥絲，跟豚肉味道很搭配！而且附有任添的日本年糕。薄薄的日本年糕輕輕灼10-20秒便開始進入半溶狀態，煙煙韌韌的口感配豚肉和蘿蔔絲蔥絲一起吃，口感和味道層次也非常豐富。$289（加一）可以食90分鐘，還包了可任點任食的澳洲產長期穀飼牛、嚴選牛肉、丹麥皇冠豚肉、各種蔬菜、丸類、果汁、汽水和哈根達斯雪糕。仲有朝日啤酒任飲！一邊喝著朝日啤酒，一邊吃雪見鍋，真有種回到日本的感覺！

📣📣📣但馬屋是我最喜歡的火鍋店之一，服務有禮，食物質素高，而且整體乾淨衛生！今次來吃他們限定的雪白鍋！🌈🌈🌈📌冬の白雪鍋 - 北海道夢之大地豚套餐🐖 $289/ 90 mins📌呢款冬の白雪鍋係用鰹魚清湯底🐟，上面有雪白蘿蔔蓉，好似冬日裡賞雪咁❄️☃️！我最鍾意用年糕片卷起野菜絲和呢個套餐獨有的北海道夢之大地豚腩肉🐖😋👍🏻，豚肉甘甜鮮味好吃！📌一如以往，所有食物都係無限追加😋👍🏻，我最愛就係呢個套餐獨有的日本年糕片、北海道夢之大地豚腩肉同野菜絲❤️❤️❤️

天氣一轉凍，又係時候打邊爐喇～ 之前食火鍋放題多數都係食牛肉類，今次想試下豬肉類~所以同男朋友去咗「但馬屋」試佢個冬の白雪鍋 - 北海道夢之大地豚放題套餐！ 🧡冬の白雪鍋 - 北海道夢之大地豚放題套餐（$289/位） 「冬の白雪鍋」配有日式年糕片，鍋入面鋪滿夢之大地豚、蘿蔔絲同蘿蔔蓉，上到嚟外觀好吸晴！ 店員介紹年糕片只需輕輕煮一下，之後用「夢之大地豚」包住年糕片同蘿蔔絲一齊享用！外層嘅大地豚甘香幼嫩，中層年糕片煙煙韌韌，內層蘿蔔絲清甜爽脆，成個組合好夾好好食！ 呢次都係第一次試「夢之大地豚」，肉質好幼嫩，完全無豬羶味，油脂帶有甘甜味，好正！鍾意食豬肉嘅朋友仔一定要試下~ 除咗夢之大地豚之外，個放題仲跟有澳洲產長期穀飼牛同丹麥皇冠豚肉，兩款肉同樣高質！另外配菜吧都仲有好多唔同丸丸、菜菜、麵類、Häagen-Dazs雪糕等任君挑選~成餐飯真係食得超飽超滿足！

『豬肉打邊邊都可以好好食🤤同年糕一齊食』屯門間但馬屋開左咁耐都係第一次去，因為次次經過都排好長龍，睇到廣告話宜家做日北海道大地豚肉主動，即刻約人去食！！因為我唔食得牛，有時打邊爐都要朋友就我唔好食牛，但呢度係一人一鍋，唔會唔小心破戒！『 期間限定 • 冬の白雪鍋 』白雪湯底都幾特別，有好多野菜絲，鋪左四片豚肉，中間再加個白蘿蔔蓉波波，好似一個雪球咁，蘿蔔吸收左鏗魚湯汁變得非常美味。另外仲有一盤日本年糕，店員教我地用日本年糕片卷住野菜絲同北海道夢之大地豚腩肉一齊食，年糕只需烚數秒就變得很軟糯，和豚肉野絲很夾，第一次咁食，感覺好新鮮。日本年糕片，北海道夢之大地豚腩肉，野菜絲都係無限refill架。$289嘅套餐有澳洲產長期穀飼牛，嚴選牛肉同丹麥皇冠豚肉，一共兩款牛兩款豬揀，另外出面仲有自助吧，提供蔬菜丸類同Häagen-Dazs雪糕任食。任飲飲品自己係雪櫃拎，要asahi啤酒同肉類直接同侍應講，上菜都幾快，所以90分鐘其實都足夠，時間一夠就會有店員提醒，所以如果想食多杯雪糕就要早少少去拎，因為要排隊。

第一次係open rice寫評語，係因為咁大個人未試過去一間餐廳，俾人不停趕走，今日1:44分入座，當還有15鐘時，短短15鐘內俾人催5次，但其實舖頭3成人都無，使唔使係咁催呢！最興係10分鐘內攞碟麵（兩啖生麵）俾呀女，左邊擺低，侍應生右邊攞走，1個鐘內要打邊爐食埋野，本應都已作好準備，但筆1球雪糕都用3分鐘啦！最慘係返到屋企痾到我死死吓！！！我自問係一個細食嘅人，係咁短時間出去攞吓野食，攞吓飲品，筆埋雪糕....攪到打邊爐時，都唔知熟未就要擺哂落口最後，真心覺得係到做嘅員工，應該想間舖頭執笠，咁得閒催人，不如叫佢地學吓點樣笑，個個都黑口黑面，無水洗面

食神駕到。緊係要試新野。等位唔算耐，星期日繁忙時間都係15至30分鍾，人流控制唔錯。叫左3個美肌一個麻辣美肌雞肉夠滑。麻辣藥味唔重，不麻不辣，只得一種味……咸味。湯底味精過重。香港做生意味精無可厚非，但唔使咁重手既。食物種類唔多，同牛一差不多。飲品亦比較少。服務態度好好。亦夠衛生。身為食環都比佢中上分數。揀左個中級牛肉餐。不過不失。但都係有香港人做生意既陋習。頭兩轉比中級牛，跟住俾一轉平價牛，再俾番中級牛。我叫左4轉。做生意怕蝕本好正常，做呢啲小動作佢都唔係第一間。普通人未必食得出睇得出，我食神級就睇得出分別。中級勉強食得入口。但低價個隻肥肉多過瘦肉。色澤淡。落單算快，每一轉大約5分鐘。不拖波鍾。每場45分鍾勉強夠時間。