伯伯加奴專門店 (已結業)

還記得若干年前，要帶朋友去箱根的小王子博物館「朝聖」，去「朝」的當然不是一介莽夫的我，我只坐在博物館外吃雪糕等人。就如今晚的「小王子」一樣，對於我的意義，也只是雪糕。晚飯吃得不太滿意，大家當然將注意力放在餐後的雪糕上。這個中秋節禮盒，一盒六件，三款味道，分別是朱古力之吻、草莓戀人及云呢拿曲奇。個個獨立包裝，賣相十分精美，送禮比自用更適合。吃過其中的云呢拿曲奇及草莓味道，兩者皆平平無奇。前者是Galeto，不夠香，也不夠滑，應該與其標榜低脂也有點關係，始終低脂的Galeto，跟平常的Galeto，分別都幾大；草莓的是雪葩，吃落便知是紅莓而非草莓，反而酸酸的幾醒胃，較為喜歡；至於朱古力，吃不到了。至於外面的朱古力，一致公認，是沒有的比較好，大家也將之拿開，直接吃雪糕/雪葩。特此鳴謝年青食友携來跟大家分享，聽聞價錢是接近三百大元，用來送禮，幾有體面的。

4-9-2005 1715趁同時間搏老命中有比較長的休息時段時，落黎食番杯雪糕，食了杯忌廉芝士加窩夫，窩夫係即整，不過甜左少少，但係個雪糕幾香，絕對係釣魚時起番身的一個好幫手。

金鐘廊o既分店呢排成日切d cheesecakes俾人試食, 我亦唔執輸, 試過cookies n' cream. 呢個係baked cheesecake, 質地較實, 芝士味好濃, 但係無甜味, 直頭好似食緊磚芝士咁! 可能呢個會o岩好鍾意食cheese 但又唔太好甜o既朋友, 但係就唔適合我!

自從朗豪坊同公司樓下都開左新店後, 無論放假或者返工, 都好容易assess到pappagallo, 所以近排常常幫趁佢地o既華夫筒, 大大話話都食左十幾種味道. 就趁今次一次過寫晒幾種較深印象o既味道啦!1) 榛子果仁-- 正! 好香榛子味, 而且有杏仁chunk(唔係碎)增加口感!2) 士多啤梨-- 有士多啤梨果肉o係裡面增强食味, 可惜帶少少藥水味.3) 甘栗碎杏仁-- 栗子味幾香, 杏仁碎無chunk咁有口感, 但都好食!4) 忌廉芝士-- 似雪得好凍, 溝淡左o既忌廉芝士, 感覺上怪怪地.5) 意大利咖啡(tiramisu) -- 睇中文名仲以為係cappuccino添! 裡面真係食到浸左酒o既海綿蛋糕, 但係作為雪糕個味濃得滯, 唔太討好!6) 拿破崙足印-- 朱古力雪糕加左d酥皮, 無乜特別.7) 意大利呍呢拿-- 聲稱無漂白, 所以雪糕係黃色o既. 食唔到呍呢拿味, 似食緊原味雪糕.8) 玫瑰士多啤梨-- 有玫瑰香味, 不過比Relaxing Tea House o既玫瑰味gelato淡. 食到士多啤梨果肉, 但食唔到士多啤梨味, 反而食到荔枝味pappagallo o