影片
港铁太子站 E 出口, 步行约7分钟
继续阅读
开饭介绍
艺人杜大伟开设的火锅店。鸡煲、火锅一应俱全。海鲜拼盘、刺身拼盘等食材新鲜而且份量十足。
继续阅读
营业时间
星期一至日
18:00 - 01:00
以上资料只供参考，请与餐厅确认详情
hotpot hotpot , gonna write a song and poem to workship 唱完歌仔，入返正题，呢间是任食hotpot ,一个价钱全包，有东西饮。但留意部分食物如高级肉同海鲜有限加点次数,需要加钱付多些先食到啦有唱啫鸡，海鲜，会系先食完再倒入汤，开始打边炉啦！心血来潮想食海鲜，好丰盛又多海鲜料，靠海鲜阵鲜甜，汤底无需加太多调味肉片对食肉兽，食几碟都没问题。肉类基本的猪牛鸡都有，任君选择。有我最爱架鱼皮同响铃成有近70款配料，一于拎多 香脆些菜食先。除了汽水及菜，啤酒也有哦！ 有足足120分钟任食呀，充裕时间唔急慢慢打边炉。
继续阅读
年几前朋友生日入过元朗食一次伦哥私房菜，朋友们都激赞以致今日仍念念不忘，终于同朋友趁礼拜book左深水埗嘅伦哥私房菜食多一次。最先上盘嘅系前菜沙律菜、红肉火龙果，小辣木耳开胃兼刺激味蕾，准备大快朵颐哈哈～第一道头盘有鲍鱼、花胶，仲要大大只一d都唔欺场～随后主角火辣辣嘅鸡煲登场，我地order左唔辣，果然唔会失望，鸡煲保持一贯水准，鸡肉嫩滑且吸睛，香味扑鼻～鸡煲入面仲有加鲜鱿同牛柏叶，非常之入味～食完鸡煲已经半饱咁滞，然后到边炉登场，有大虾，蟹、各式海鲜类，重要嘅系全部都几新鲜～牛肉脂肪纹路清晰平均，一睇就知正嘢，食落口果然嫩滑，唔错～打边炉点可以缺少虾滑同墨鱼滑喔～虽然系食肉兽但都要食返d蔬菜菇类平衡返嘅，蔬菜颜色鲜艳种类齐全～食饱饱后仲要送埋甜品一份，椰汁雪燕清润怡人，食完鸡煲后就啱晒～果然贴心！食到好饱且满足，值得一试再试嘅私房菜～
继续阅读
朋友生日决定去伦哥食，其实一直都想去食，终于因为朋友生日可以去试下，呢间有个好处系任饮任食唔限时，我同朋友7:00去到，因为未齐人，侍应问要唔要上住鸡煲食住先，D鸡煲系任食嘅，同埋鸡煲份量唔算大，我见第二张枱叫左4转鸡煲！但我哋只系食左一煲啫，味道唔错，等齐人后就开始上菜，先嚟过北寄贝沙律，花胶鲍鱼，蒸圣子，我自己就觉得花胶冇乜味！汤底我就一早book定温泉鸡汤，中间放个冬瓜加小半只鸡同椰青肉，我地先飮碗汤，味道唔错，不过只鸡肉就鞋左D，同埋有个唔好处系中间个位太细，放唔得太多嘢入去打边炉，之后就有牛肉啦、海鲜盆、蔬菜盆、炸鱼皮响铃、云吞九菜饺同鱼皮饺、黑墨鱼滑、虾滑等等...海鲜盆有虾、蟹、蚬、青口、鱼，海鲜都新鲜！特别要讲下黑墨鱼滑同虾滑，坚好味，虾滑入面有成只虾，而鱼皮同响铃就有D失望，唔够脆！如果唔够食可以再叫，仲有甜品，不过我哋实在太饱，所以连甜品都冇食！店内得2个侍应，见佢地忙于出菜、执嘢、落单，真系好忙
继续阅读
最近去试试一间位于深水埗的火锅私房菜餐厅，质素唔错，想推介一下。餐厅采用半任食形式，部份高质素贵价食材只有一次性，另外火锅配料及基本汽水任饮任食。仲有一碟刺身沙律及每人半只龙虾，都几揼本！有款花胶扣鲍鱼熟食，食落去个调味适中，每位都有一只鲍鱼，都几弹牙。牛颈脊就咁睇已经见到啲花纹分布够靓，颜色都好新鲜，食落去有好香嘅牛味。鸡煲选小辣，啲好香嘅辣味同埋芫荽以及香滑嘅鸡肉饱肚又醒胃。之后就拣咗芫荽皮蛋汤，都几清新可以令到啲海鲜更加鲜味粉丝蒸蛏子蒸蚌仔象拔蚌BB海虾钻石蚬刀贝蚬白鳝龙趸鱿鱼 鲩鱼有部份系一次性，有部份就可以任点任食，见到啲色泽都好新鲜，食落冇沙好干净，真系好吸引！另外同时佢会上俾你嘅虾滑 墨鱼滑 云吞水饺响铃 蔬菜滑类质素都几吸引架，好爽口弹牙，水饺云吞个皮都好薄，其实食完都已经好饱！最后仲有甜品，食到捧腹而归。
继续阅读
以前仲系收夜嘅时候，同同事食过旺角嘅伦哥，当时印象唔算好好；事隔几年，我地终于再访喇。因为朋友生日拣左最方便嘅深水埗店，并且一早预约。到店时客人唔多，店员招待殷勤，初始印象良好，不过坐低冇耐，就见到地下有只反肚曱甴…虽然我个人唔惊，不过餐厅都要多啲注意卫生。餐厅面积唔大，周末到左接近8点已经近乎满座，可惜店员人手不足，黎黎去去得两位店员，落单又要等、收拾又要等。关于收费我地都唔系太清楚，离开时先留意到店门外嘅banner，周末每位收费$303，另收加一，只收现金。每位包括秘制鸡煲任食、汤底、海鲜盘人头份量、牛颈脊人头份量、清蒸海上鲜、「鲍你上位」同约50款配料任食、饮品任饮。前菜几好食，木耳辣辣地，几爽。酱油沙律好快店员就上左鸡煲，由于佢地唔限时，所以就算我地仲有一位朋友未到，都可以食住先。一共食左四煲，鸡煲份量不少，酱炒入味，亦都唔会好多骨，几好肉地。少辣唔够喉，如果钟意食辣嘅，最少要中辣以上任食黎讲，都算有诚意。附上猪皮、鱿鱼，部份猪皮好多毛，其实几倒胃口，要注意鲍鱼即食，味道唔错。清蒸龙虾质素都可以，大只肉唔霉，截至呢度我都仲觉得可以一试。食完鸡煲，可以转汤底打边炉，有芫茜皮蛋、蕃茄浓汤、麻辣汤、3.6牛乳猪骨汤、什菌菇汤、酸菜鱼头汤等免费项目，鸳鸯锅则要加30蚊。我地点左酸菜鱼头锅拼蕃茄浓汤锅；另一煲芫茜皮蛋锅拼猪骨锅。汤底整体质责素可以，都算足料唔hea，酸菜鱼头汤几入味，酸度刚好海鲜拼盘冇指定款式，按时令啦都系，每日有6-9款，例如象拔蚌仔、蛏子、沙井蚝、龙趸片、元贝、脆鲩鱼、鱿鱼、刀贝、钻石蚬、沙白等。我地呢盘就有蟹、虾、蛏子、花甲、象拔蚌仔、沙白、脆鲩鱼、龙趸片、鱿鱼等咁上下。海鲜质素平平，蟹就8个人得两只(?)，仲要好细只，而且非常唔新鲜虾不过不失，唔算爽口。蛏子细只，冇鲜味；象拔蚌仔表现较好，起码新鲜啲。沙白肉质饱满无沙，对海鲜方面略为失望啦。最值得一赞就系牛颈脊，大大盘够霸气，砌得几靓。而且肉质软腍，有牛味。其他任食配料同一般平价火锅店无异。饮品都系基本野，汽水、罐装饮品，仲有自家制凉茶。以人均3百3蚊黎讲，虽然系无限时任食，但整体质素不如食评所言般咁高水准，二访之后，应该唔会再次三访了。
继续阅读