影片
相关文章
呢间分店嘅酸辣薯粉同其他分店嘅味道差唔多，薯粉几Q弹，汤低都够酸辣。最钟意食佢嘅花生，够脆！份量唔太多，刚刚好。腐竹就普通啦，都有挂到汁水，汤底系叫左BB辣，无论外卖定堂食，都觉得D汤好热，要吹几下先得，但系D薯粉好滑，所以到最后成个嘴都好烫，不过都可以接受。平时会系店内堂食，店铺入面环境都算干净。因为今日赶时间就叫左外卖，外卖自取有8折，等嘅时间大概10分钟左右，店员又负责收银同楼面，人手稍微不足。之前几次都系堂食仲等得耐D，可能要做左外卖生意先。总括而言，外卖会比堂食更省时，食物质素同其他店舖都差不多水准。
继续阅读
伤心酸辣粉 $30味：几好------薯粉正常好食嘅，但份量较少，谭仔少米再要少个种，唔会好饱。------里面有芫茜，肉酱，葱，炸菜，花生🥜，辣椒油🌶️，𠮶味整体几好------不过肉酱基本全部都系肥膏，应该都系比个味你，唔预你放落口。而花生嘅质量堪忧，我建议都系走咗佢啦------二人枱上面无额外放辣椒油，其他枱有服务：ok ------有水提供嘅环境：有点脏------餐厅有类似漂白水味，但同时又有多只虫飞来飞去，我估系厨房较脏？------餐厅播住啲广告嘅音乐😅，有广东话同普通话嘅------间餐厅较细，两枱之间隔得小小，要打侧身出入
继续阅读
近年香港都迎来大量的麻辣酸辣风味嘅餐厅, 而且都好受大众欢迎, 甚或至已走向精品化嘅道路上, 不过当初响香港卷起呢股浪潮嘅, 就唔可以唔讲下伤心酸辣粉了, 谂起最初我系响深水埗食过一次外卖, 真系酸辣到流哂眼水鼻水, 生人勿近, 但近年为左要迎合普罗大众嘅口味都将口味减轻左唔少, 而且都提供埋堂食, 不过环境问题一直都比人垢病, 所以我黎食亲都会快快手食完就走, 唔会有太耐逗留本身套餐系会包含小食同冰粉, 但冰粉好快就已经停止提供, 而小食就咁岩今次去食就停埋, 依家得番碗粉, 碟𩠌, 另外加钱就有饮品我同女友分别都叫左酸辣粉加底, 一个叫小辣, 一个叫中辣, 好明显地中辣嘅辣油分量比小辣多好多, 味道方面小辣嘅味道略嫌不足, 沟埋中辣嘅油就岩岩好, 本身试过屋企整红薯粉都觉得系一件麻烦事, 所以响呢度加埋底其实好抵食, 配料方面有泡菜, 花生同肉碎, 如果辣度愈高, 配料都会相对地多d, 碗底重会有生菜垫底, 加埋辣油果时食真系辣到飞起, 而红薯粉本身比较粗身, 所以未必有好好嘅挂汤效果, 要麻烦一匙汤一匙粉咁先食到果种美味汤底方面, 本人觉得佢嘅酸比辣更加值得嘉奖, 因为有佢嘅酸衬底之下佢嘅辣先更立体碟𩠌方面都有得分辣度, 最好都系叫左小辣先, 因为𩠌嘅辣度比粉面高, 小辣已经够令人辣到头痛, 呢碟系麻辣肚丝, 肚丝切得整齐, 大小一致, 所以酱料均匀, 而且上面布满辣椒籽, 底层又垫有青瓜同花生, 麻度好高, 食到头都痕埋呢个系夫妻肺片, 老实讲 觉得做法同麻辣肚丝一样, 不过选用嘅部份不同, 系转用金钱肚, 牛展同肺片, 不过比较干身, 酱料冇咁多冻柠茶, 呢度系偏甜, 就算叫左少甜都系, 同埋个杯感觉有点洗唔干净埋单132 蚊, 睇住呢间餐厅嘅套餐愈cut 愈少野, 但价钱又冇相应调整, 不过都好多人光顾, 但我就会避免了
继续阅读
我一路都好少写一间餐厅有几差，因为我知道要经营一间餐厅真系好难，对于餐厅衞生，唔太过份既其实都算，只眼开只眼闭，但我想讲今日一个好恐怖既经历首先，其实我真系好欣赏呢间餐厅既口水鸡，所以我今日都专登出黎食晏。黎到一点半，因为疫情关系，每张台只可以坐2个人，所以餐厅虽然唔多人，但都full晒一入到去坐，就即刻order野食，order完就已经见到台面有只反左肚既小强，我冇理叫侍应执走佢算到等紧野食，有一只bb小强爬上台面，另一只爬去台角，佢地爬走我都当睇唔到，啰左张湿纸巾抹抹台就算到食紧野，可能野食太香，又有2只走埋黎，忍唔住用纸巾压扁佢，继续食，好啦，而家由我坐底到食野已经5只隔离台哥哥走左（我地系拍埋2张台），台面又有3只曱甴同时间爬左上黎，差唔多2点，d人走左开始走，同侍应讲佢地舖头好多曱甴，佢唔理，哦完就算。真系顶唔顺，点解佢唔主动叫我转台？ 咁算啦，我自己开声自己拎埋野食转台。到我转台后，餐厅经理行去张台睇睇，抹抹台继续serve下一台客可能大家都会问点解我仲食得落唔即刻走人？ 一：因为我真系好钟意呢间口水鸡既味道，我系专登出黎食二：野食见唔到曱甴就算返到去我都系忍唔住同佢地office投诉，一间餐厅系啰晒牌，我好唔明点解衞生情况可以咁差？讲真我唔系系后巷食晏啰.. 希望餐厅注重食物味既同时，都可以注重下餐厅衞生情况我只系想表达个人意见，不喜勿插。谢谢
继续阅读
以前去亲旺角，印象深刻的一定系伤心酸辣粉，梗有一间系左近 不过都有一段时间无来，唔知旺角而家变成点呢？门面好似比之前细左？！ 虽然受疫情同限聚令影响，但依然都多人食吖，要等位。入到去见张张坐得的枱都有人，无职员招呼，揾唔到位自己就要等下Menu同其他分店一样，有小食，餐，下午茶食物试过其他非旺角的分店，味道好一致，今次叫饺子酸辣粉，味道唔错，d粉有口感！饺子配上酸甜酱，好夹，皮都够脆饺子迷可以试，不过馅料唔系好特别，不过不失
继续阅读