影片
对赛马兴趣不大, 今次再来是要支持香港精神 巴基之星选了近冲线位置, 但最后还是会被他人遮住今次有蛇羹, 原来羹叫potage羊要丸有风味上次吃鸭脾, 今次喻鹅脾salmonsteak and lamp chop自制三文鱼海鲜粥最重要是见证了巴基之星Pakistan Star再创历史, 支持香港精神!!!
继续阅读
在SASA银袋日, 有幸被邀请去食自助餐同感受下当日各美女悉心打扮, 同马场气氛坐底无耐, 每人有半只大龙虾, - 味道略淡, 肉质爽口, 膏好多, 好甘刺身: 甜虾, 三文鱼, 鲷鱼,, 螺片- 三文鱼肥美, 油香丰富, 螺片最惊喜, 比外面食的大件, 好爽口, 仲要食到鲜甜, 鲷鱼肥美, 但有D漏, 甜虾鲜味烧和牛- 全埸最正, 肉幼嫩, 大部份位置3-5成熟, 对我刚好, 肉味香, 浓和牛骨- 抢手货, 每次得几件, 手快有啦, 我排左两次先拎到. 食落五话得, 好似蚊念左手尾, 但系又有烧烤香味, 食到五停得.虾汤面 - 我叫左米粉同油面两沟, 汤底香, 但五够浓, 面同𩠌是一般货式生蚝 - 好细只, 鲜味够, 食落又滑又爽口烧肉,白切鸡 - 一般货式, 鸡最出色是够滑, 但没有什么味道沙律 - 款式算多, 几新鲜, 菜够爽脆最后重有我最爱的DRYER'S雪糕啦
继续阅读
从不赌马的我竟然入左马场? 你没听错, 而且, 一向唔钟意赌马的我竟然有个赌马的男朋友, 意外吧? 因为他的关系, 我有日经过马会见到马场开锣日的海报, 突然间心血来潮要佢带我去见识一下, 当时的佢都愕左一然, 最后, 佢为左令我可以舒舒服服的看跑马, 上网揾资料订了呢个会骏厅的自助餐, 佢话要让我在舒舒服服的环境下, 一路食野一路观看, 因为傻猫咪最喜欢食了当天, 因为服装方面限制, 佢逼不得巳放弃佢平日穿开的T-shirt及牛仔裤, 而佢的一身装束亦令我多次忍俊不住发笑. 当我们去到会骏厅时, 入面巳坐满人, 有些甚至巳食饱系度睇紧马经, 我急不及待出去睇下有咩野食, 我祇可以说这是我食过咁多次自助餐最少野食的一次, 我行了一转只碟上祇有一件勉为其难夹的蒸鱼, 唔见刺身寿司, 熟食祇有几样极平凡的炒饭面, 菜, 牛(我唔食牛), 蒸鱼及一两样炸的食物, 长脚蟹及烟三文鱼被人锣剩两三条, 见到都唔想锣, 反而煮面的摊前排左几个人, 甜品祇有几样平凡到极点的蛋糕, 真的令我好失望, 四百几元就食呢d? 佢见到我只碟巳心知不妙, 即刻出去再帮我, 最后锣左一碟甜品返黎, 佢好抱歉的对住我说: 估唔到真系咁少野食, 你会唔会唔开心? 其实当我出去行左个圈睇晒所有野食时心情的确不太好, 但见到佢咁紧张的样, 我反而没有再计较食物多少与质素了, 好与丑都系咁食, 咪食少d啰, 其实都无咩大不了者, 所以当佢问我时, 我真的巳没有不开心了, 最后佢多次出入帮我张罗食物, 自己反而无咩点食, 所以后来, 我索性去煮面档前排隧锣左碗面俾佢, 我觉得反而呢样系全场最好味的食物, 当快开跑时, 我们会一齐走出厅系外面的观众席观赛, 等比实完毕才再返黎去继续食, 我唔知佢都选左咩马, 所以每次都会先问佢买左边只, 然后紧张的睇住跑道留意住佢选的马匹是否跑出, 佢还笑我比佢更紧张最后我们由一点一路坐到五点钟, 虽然食物不太满意, 但我巳觉好开心, 始终咁样的形式相处都不是太多机会, 而好难得佢全程都一路照顾我所需, 祇是偶尔行出去买马.希望再有机会陪你入马场, 但下次不用再安排厅房了.
继续阅读
寻日系跑马仔既日子,小妹因为有朋友仔系会员,所以有幸被邀请去马场食自助餐,dress code系唔俾牛仔裤入场,咁就要拣番条靓裙去!不过大家都唔好以为我食得好好,因为d食物实在系太失望了,首先系刺身,有吞拿鱼,立鱼同甜虾,但系唔新鲜,特别系吞拿鱼,d肉系梅既,而且食既时候好似有d黏黏地既感觉,有d呕心...生蚝就新鲜,不过因为我唔系特别钟意食,所以只系食左两只,青口同虾系冻食,一般而已...热盘选择唔多,而且两点后好多款都唔再re-fill...可能d人已经要赌马仔而唔再食野挂!比较好食只有个羊仔肉...沙律吧𠮶面,都唔系好多野食,沙律菜只系得西生菜见得吓人,有一款带子沙律见到以为好味,点知食落d肉又系梅梅地,味道又系怪怪地...结果要食碗鱼旦河填饱个肚,可幸既系佢地d服务员service都几好,不过食物就真系要改善一,见隔离枱招呼外国朋友嚟食,心谂..真系失礼,唔知d外国人咩感受??不过可能大家入场唔系要食好野,而系要赢马仔啦!埋单要会员卡先得,朋友仔话请我食,我问番佢几钱个人,佢话三百蚊一位,有无搞错?三百蚊食d咁野?
继续阅读
成日入场都会在快活谷那边，因为沙田呢边几吊脚，所以一年都唔来一次。是日要应酬几位外宾，就在这里订了一席，实行边赌边吃边倾。十二点已率领大军进场，第一场未跑就已经有野食。仍然是自助餐形式，冷盘、热盘、甜点，加埋粉面台、沙律台及烧味台，格局都同上次来一样。不过看来，这里食物比以前进步，如冷盘的生蚝，以前是开定，家阵都玩即开。有英国的马蹄及美国大西洋，个人当然属意前者，新鲜爽脆，又有淡淡的海水味，都吃了好几只；沙律台有一位妹妹在即捞凯撒沙律，胜在够新鲜，位妹妹虽然惊惊青青，但几好礼貌；而同台有炸软壳蟹，大只又多羔，脆浆不厚但又够脆口，几正；对自助餐的寿司刺身一点兴趣都没有，另外的沙律吧都算新鲜又不错；烧味台的烧肉是烧腩，皮脆卜卜，肉又好味，而烧鹅都几好；在粉面台要了碗灼菜，加几旧柱侯猪脚筋，又系唔错；甜品中，以柠檬批比较好，其他如德国芝士饼及蔗汁糕等都不太好味，去雀巢雪柜拿个朱古力甜筒吃好过。跑到第5场，照例会变身做下午茶自助餐。沙律台变了供应蜜饯桃，配上云念拿雪糕，不错；烧味台又变成供应奶茶咖啡，杯茶估不到都不错。其他还有不少的下午茶小吃，不过已吃得十足十咁饱，没有再吃了。最正的，还是红酒/白酒/啤酒/汽水/果汁任饮，单是此点，同外宾去食饭张单就悭唔少。另外最正的，就当然是煲中「心福」搭「醒飞飞」的位置连嬴，都叫做袋到钱走。食物是源源供应，侍应服务及招呼都好，老板前老板后的，马会水准，都不差。一行八人，埋单二千三百几，任食任饮，又玩左成个下昼，来这里招呼客人，都米话唔好。如想看多一点食物相片，可以来这里：http://www.imagestation.com/album/pictures.html?id=2107749948题外话：来这里一各都有dress code的，不能穿无领衫及牛仔裤。如果真系咁著住来也不会赶你走，因为佢都有衫/裤俾人换的。
继续阅读