會聚 (已結業)

店員有禮。我叫左一個鄉下佬炒飯。50蚊。好夠飽。可以揀豬肉或牛肉。我揀左豬肉。飯內有咸蛋黃碎、蔥碎、叉燒粒。叉燒粒軟硬度適中。飯粒乾爽而且好食。雖然係堂食，但水係由紙杯載住。餐具，檯面都乾淨。

呢個飯40蚊，塊三文魚扒細過手掌。飯就大大兜，不過比起15蚊盅飯更乾，乾到好難食。佢又灑椒鹽落兜飯，搞到一係冇味一係好咸。。。好劣啊！！個菜普通冇乜特別，要20蚊。留意返明明冇叫米粉但有條米粉喺上邊我諗係正常掛最後講下張單，我知外賣加一蚊，但係點解計左2個外賣盒2蚊？個餐牌只係寫左外賣加1蚊喎，1蚊你都呃？有講明真係唔緊要架，但係冇囉。打得預左冇下次，講真西環間間餐廳都做外賣，做到咁點再嚟食，少個街坊真係唔多架，no thx la

一星期內試咗佢嘅芫荽湯米粉同埋胡椒湯銀針粉，兩個湯底味道濃，好溫暖有家嘅感覺，冇味精。試咗泰式牛丸，豚肉餃，魚片頭，男仔可能覺得份量唔夠，女仔就啱啱好春菜味道OK但不是我杯茶。嚟兩次有唔同男女職員招呼，全部都好Nice，會再來試其他嘢支持小店

聽朋友介紹話呢間新店的肉餅飯和芫荽皮蛋湯底超正，今日和朋友終於試下，果然喜出望外肉餅煎香，結實冇粉，有肉味，加埋1隻太陽旦和甜豉油，平民的人間勁品朋友點了芫荽皮蛋湯底銀針粉，湯底有豐富芫荽味，加了鮮牛肉魚蛋，特別夾，冇乜地方食到疫症橫行，小店生存空間非常困難，難得小店用心製作，非常支持。眼見食物種類不多，但每樣都是特別的小食和飯類唯獨只提供汽水和瓶裝飲品，沒有奶茶咖啡檸檬茶，略感不足。定必翻食，加油！

因為好味嘅關係我好快就食完, 唔記得咗影相🤣呢張係我好快清晒之後先醒起要留影一張寫下食評🤣成日經過見佢新開但冇入去試, 直到最近見佢每日都有唔同湯水所以試吓(本人鍾意飲湯☺️）我叫咗一個香煎手打肉餅飯(唔記得叫佢加蛋(加$5)所以番到屋企自己加左隻蛋), 菜心走蠔油走豉油, 是日既湯係蘋果雪梨馬蹄仲有其他配料而家唔記得左😅總之總括嚟講所有野都滿意, 鐘意佢個湯夠清甜飯又多蔥, 最重要係佢應該冇加味精, 所有食物既味道恰到好處, 係住家飯既味道, 我鐘意! 會常來幫襯😍

呢間店星期日晏晝都有唔少外賣訂單，我等左大約十八分鐘，可以接受。醉雞嘅酒味實在太濃了！醉雞嘅飯嘅份量非常大，驟眼睇以為有兩碗呀！店員盡責，有比到蔥油。叉燒蛋飯我將飯改左做銀針粉。銀針粉質地無問題。份量真係抵食夾大份。店員比左兩盒豉油，唔知係咪一盒比個雞飯，一盒比叉蛋銀針粉。不過，個叉蛋銀針粉落左少少豉油，就已經好夠味。菜心可以選擇少蠔油，更加健康。呢間店歡迎自攜盒，每帶一個盒就可以慳返一蚊，支持環保。