影片
17/5 9楼伊甸园婚宴今日系我表弟结婚既日子, 可能太急啦揾唔到其他酒楼就喺9楼伊甸园到注册兼摆埋酒, 我见佢地啲广告纸系有得摆酒既4188起, 不过得4个婚宴菜单, 其实大部份菜式都一样, 只系条鱼同某啲菜式唔同啫, 广告仲话可以攞到30围添! 不过我去到现场发觉并唔系啰, 9楼果个摆酒宴会廰系喺9楼, 左转右转先上到去, 又冇指示牌, 其实果到只系一个商场既大舖位用左黎摆酒, 门口左手边系婚宴接待处, 右手边系伊甸园既办事处, 有3,4个counter, 虽然装饰到同婚宴既装饰一样, 但其实仲会有其他街外人黎办手续租场做婚姻见证, 入到里面个个坐好晒, 见到每张枱都好迫, 自己张椅与后面果枱张椅之间只可以过到一个人, 我表弟摆左24围, 都有咁既情况, 我都唔明点可以摆到30围啰! 食物方面, 真系一般啰, 唔热既, 碗翅呢唔系翅黎家, 系水状好似饮汤咁, 仲有糖水系红豆沙, 每碗只得4,5粒红豆咋, 可能佢地买唔够红豆啦, 又系一样饮红豆水, 生果呢系橙到好似染色既橙咁大陆果啲假橙一样, 冇人敢食! 最后讲多几句如果要摆酒去其他酒楼啦, 呢到真系唔掂!
继续阅读
已经是两个星期前的事了，印象都好糢糊但记得食物唔差。是晚因为要去尖东睇灯饰所以呢度食晚餐。食三个晚餐，分别有牛、鸡同猪。南瓜汤唔系咁浓但都OK，件蒜茸都几好食。人少少所以服务都唔差，整体讲算唔错。如果红馆冇show开，成个商场好似鬼城，个客睇都难，都唔知D食肆点挨。
继续阅读
中秋节当晚, 大约8:15pm到, 真系一台客都冇, 感觉似包场. Order两个Set Dinner.- 龙利柳龙虾汁天使面- 焗椰丝猪柳意粉 先讲南瓜汤: 比较甜左少少.1/4片蒜蓉方包: OK! 但1/4片太少呢! 龙利柳龙虾汁天使面: 卖相唔错! 龙利柳龙煎得较干身, 天使面比较黏. 焗椰丝猪柳意粉: 个汁几好, 猪柳好淋. 餐茶: 冻啡少甜- 都好甜吓! 环境真系较细, 服务一般.
继续阅读
叹完一个舒服tea,肚仔未满足,趁未太晏快d揾地方食晚餐先。七楼里面除左日本菜之外,其他都好多人,行过呢度见到门口个餐牌有样我好钟意既食物,而且阿老板又几热情,就呢度啦。餐厅面积好细,唔知系咪有concert关系,座位摆得相当迫,我张凳已经被waitress踢左唔知几多次lu,不过相对黎讲,我呢个位已经算阔落,无入面d咁迫狭。杂菜汤: 可能呢款汤比南瓜汤受欢迎,所以我同隔离位小姐碗汤都系菜多过汤;我碗多红萝卜,佢个碗多西芹。味道偏酸,应该仲未沟水,但都唔算好浓,作为开胃汤胜任有余。跟餐有1/4片蒜蓉方包,味道唔错但得1/4片好似小家d㖞,初头以为系牛油包,食落至知系蒜蓉都算比到少少惊喜。辣肉肠蕃茄汁长通粉: 份量几多,长通粉煮得唔错,有口感,唔会太淋;蕃茄汁都好多鲜茄,酸酸甜甜好开胃;辣肉肠就有d取巧,食落只系普通鸡肉肠,同辣肉肠系两回事bor!冻奶茶: 水吧得一位小姐处理,要佢有时间至会冲饮品,所以都要客人催下至有野饮。冻奶茶好茶包味,完全系纯茶包冲出黎既味道,唔似某d餐厅会沟下茶叶咁,又系唔好饮啰。唔知撞什么鬼,连饮2杯唔好饮既咖啡、奶茶!!>_<服务方面普通啦,人少d可能会好d;呢度有度好处系供应暖水,咁肯定唔会饮水喉水,免加一某d晚餐有concert飞仲有9折;唔好处系好大油烟味,唔系一个好坐既地方,下次再黎呢头,呢间不用考虑。食饱饱join埋朋友仔,一齐同草蜢一起森巴舞.......
继续阅读
前晚同朋友E去左呢度食饭，好似包场一样，正值食饭时间都系一台客都冇。见老细诚意拳拳，我地就胆粗粗入去试下。叫左两个set dinner一个系香橙龙利柳龙虾汁天使面，另一个系白菌虾意粉（本来想转宽条面，但佢话要加$6，所以唔想转）。南瓜汤：太甜蒜蓉包：不过不失白菌虾意粉：d虾细得可怜，个意粉整体黎讲都算ok！香橙龙利柳龙虾汁天使面：个dish整体都几好，龙利柳有橙味，可惜天使面好"粉"好难食！！餐茶我饮热柠水（好难会难饮），朋友E饮冻啡，佢话过份甜！因为食物一般，虽然服务都还可以，下次都未必会再黎。
继续阅读