伊利沙伯醫院新恆輝食堂

中午食飯，美心飯堂，排隊買票，排隊領餐，等絕小的位，一小時的餐時，根本不可能。幸好有此隱世地道餐館，即抄粉麵飯，效率高，味道好，價錢職員價，隱於急症室對面的小角落，為眾多職員急命餐食。雖環境一般，但服務員有禮，熱心，作份限時用餐的職員，真心存感激。…查看更多

醫院餐就一定唔好食？一直聽朋友講呢間餐廳平得黎好食，夠鍋氣！果然名不虛傳，肉絲炒麵（$30），味道幾好，好有鍋氣！雖然平，但不欺場，肉絲真係好多，食完麵仲見到肉絲👍🏻👍🏻我叫左杯飲品，埋單$41，真心推薦！…查看更多

這個星期來到伊利沙伯醫院實習和參觀，我們食足一星期這個canteen。初初來到呢間醫院，完全不知道有什麼好食，覺得醫院的飯堂普普通通，吃來吃去都係咁，但有同事推介這個食堂，估唔到呢度都有個飯堂是可以食到小炒，一星期我們同行幾人都試左超過廿十款小炒，正！😋👍🏻有同事話食完會肚痛肚屙，但我們完全無事，而且仲覺得炒得好夠獲氣好好食！仲有支裝維他奶，好似去左出面茶餐廳食咁！真的想與大家分享！而且這裡的伙記都好認得人和好好傾！為工作減減壓，帶點放鬆！…查看更多

今日去醫院探朋友，經過呢間恆輝，見到好多醫院職員都係到食早餐，就諗住試一試佢嘅早餐啦！叫左呢個早餐有豬仔包、炒蛋、火腿、腸仔、茄汁豆，好豐富嘅早餐！豬仔包哎落去外脆內軟，炒蛋夠滑！20幾蚊食到一個咁豐富嘅早餐真係好抵！…查看更多

呢日約咗舊朋友聚會, 由於佢哋係醫院返工, 於是就下佢哋, 去醫院飯堂食佢哋一直同我推介醫院嘅醉雞煲非常好味, 終於有機會試到呢度嘅雞煲同市面嘅雞煲唔同, 佢主打嘅係藥膳雞煲, 湯底有濃濃嘅藥材味, 加上酒香, 非常吸引😍可能朋友同店員比較熟, 仲另外送上一碗酒俾我哋額外再加難怪朋友成日同我講, 雞煲滾一滾神仙都企唔穩😂我哋叫咗一隻全雞加一碟拼盤拼盤材料非常豐富, 有肥牛, 花枝片, 魷魚, 鮑片, 牛肉, 雞肉, 魚肉, 丸類, 生菜, 粉絲最估唔到嘅係! 佢居然仲有鴕鳥肉😨由於朋友只有一個鐘頭食飯時間, 基本上我哋係直接將全部材料車晒入去個煲到, 然後爭分奪秒咁食😂雖然時間好趕, 但係意外地食得非常盡興, 可能因為飲咗一碗藥材湯,同埋食得好急, 食完個人真係昏昏欲睡🙈好彩我唔使返工可以返屋企大覺瞓😂…查看更多

冬天個陣嚟呢邊醫院實習，留意到老師佢地成日早午晚餐，下午茶都係會叫恆輝食。都跟過佢地叫過早餐，的確比其他醫院只係得大家樂飯堂嘅選擇多啦，食物質素仲唔錯添。老師話一定要帶我地嚟試下最出名嘅雞煲，無食過雞煲等如無嚟過呢間醫院！要預先打落去訂左張枱同雞煲同，要老闆預先熱好，落到去就有得食，如果唔係短短嘅食飯時間係會趕唔切。醉雞煲熱辣辣滾呀滾，一打開個蓋就已經嗅到好香嘅藥材同花雕酒味，聞聞都知到好足料呀！個下撞正天氣有啲凍，飲下個湯食啲雞成個人都暖番曬！呢到嘅小菜亦都好得，醫院入面竟然有小炒類嘅高質小菜，簡直係不得了呀！大推介椒鹽雙拼同沙爹牛肉煲呀！好興幸可以有機會嚟呢到品嘗雞煲同小菜呀，係到做嘅員工好幸福呀！…查看更多

醫院有雞煲食真係行內人先會知 ，好彩今次有朋友介紹，聞名不如見面！見到好多醫生都護士食！一行十人叫左一個雞煲同兩份併盤！雞夠嫩滑！藥膳湯底濃郁，好補既感覺！併盤就大路野，乜都有d，味道正常。加埋支經典玻璃樽埋可樂，埋單每人$70！真係好過自己買料！由於太抵食，一定有下次。…查看更多

通常醫院嘅canteen 都係可以用難食黎形容。。但恒輝應該係醫院中最好食嘅一間啦。但可能位置唔近主座所以好少訪客知道呢度。。 地方帶同多位但好多職員同醫生食。叫左個梅子排骨飯外賣，同蒸鯇魚飯。排骨份量喺勁多都幾好味，喺濃味左啲，不送飯一流~ 鯇魚飯又係大件夾抵食。魚都幾新鮮，價錢又平。絕對CP超值呀！…查看更多

新鴻輝食堂似乎係伊利沙伯醫院員工心目中的一股清泉，冇他的，主要嘅飯堂唔爭氣，又貴又唔好食，所以如果時間許可嘅話通常都會行遠少少過恒輝嗰邊食。今日接要輪班的老婆收工所以一齊食下午茶，唔係好肚餓所以只係叫咗奶油多。奶油多外層烘得好香脆，入面塗滿了牛油和加了煉奶，真係好好食！其實恒輝差不多日日一日三餐都有供應，以前我仲有喺度做嘅時候夜晚放dinner會過去食羊腩煲添！所以雖然今次只係幫襯奶油多，但值得開一篇食評話畀大家聽，恒輝其實真的很不錯！…查看更多

講起醫院飯，好多人都諗起大家樂。但係今次我就食咗一間好好味嘅餐廳，呢間餐廳嘅位置唔起眼，但係有好多醫院職工喺度用膳，證明質素有返咁上下。我叫咗個霸王雞、腐乳炒通菜。呢兩個數冇令我失望，個雞好滑，完全係超越心裏面嘅標準。而腐乳炒通菜嘅腐乳唔會炒到一舊舊，分部得好均勻。…查看更多

今日到紅十字會出差，貪方便去咗隔離嘅伊利沙伯醫院食堂開餐。叫咗個好少出事嘅午餐肉炒蛋飯。一味簡嘅炒飯，煮到好似芙蓉蛋飯一樣咁正實在驚喜！飯身軟硬適中，有飯香。個炒蛋有蛋味又爽口，午餐肉冇搶走蛋香。無得頂！小弟為人麻煩要多汁，老板更特意為我加添一碟蒸飯豉油，完全唔咸重帶少許甜味，非常精彩！…查看更多

大部份醫院通常得d 連鎖快餐店選擇……價錢又貴。點知QEH有多一間你選擇！就係急症室附近。餐廳有室外內。見餐廳都有好多小菜你揀。價錢又唔會好貴！點知仲有藥膳醉雞鍋食！！見近日天氣凍凍地，就試下啦！ 😁餐廳充滿左一陣陣既藥膳醉雞味，令人食欲大增！😍個湯底好足料。好多唔同既藥材煲成。唔似出面咁，只係得好少藥材，落好多既花雕酒就算！👍👍而雞既份量都好多。唔會話好少。唔鐘意食皮，仲可以去皮！👍幾好！雞唔會好老。食落啲雞肉好嫩滑。估唔到一間醫院既餐廳可以做到呢個質素！😃另外可以叫埋其他配料。質素亦唔差。😁火鍋併盤，好多料 ！😍😍正！食完好滿足！👍😆…查看更多