令和居酒屋

营业中

休息中

令和居酒屋係一間充滿日式風味嘅小店，牆上亦貼有各種展現日本文化嘅標貼或句子，唔講以為自己置身於日本。本肥毒熱愛刺身，點咗份四色刺身，有厚切嘅三文魚、吞拿魚、油甘魚同石蝦，每款都非常新鮮，個人最鍾意佢嘅油甘魚同蝦，好鮮甜好肥美。燒鳥拼盤有手羽、雞皮、雞軟骨、白蔥雞肉串同埋免治雞肉串，個人就覺得手羽同雞皮燒得有啲乾，反而係白蔥雞肉串同埋免治雞肉串比較多汁有驚喜。最後仲試咗個燒飯糰，望落普普通通但燒到有焦嘅香味，食落好香脆！後尾睇返燒飯糰原來適合放落火鍋或加茶當茶漬飯咁食咗佢。

雖然有限聚令，但今日與三位朋友去左旺角洗衣街嘅令和居酒屋用膳，剛好唔超過四人。餐廳有幫客人量體驗，亦有為每一位客人準備放口罩嘅一次性紙袋，服務都唔錯。但生意真係基做，自己能做到嘅就係寫篇文，分享一下經歷，支持一下... 晚上九時後加$48可任飲梅酒、清酒及啤酒，當然$48肯定要將貨就價，雖然我並非識酒之人，但其實質素真心唔錯，例如，梅酒而言，只係無$68/杯果啲咁濃郁，但梅香、濃度等等都適中；至於朋友飲嘅清酒仲係用一個晶瑩剔透嘅壺裝住，仲加左冰黎冰鎮，味道都okay澳洲M6和牛石板燒 ($188/200g): 石板燒係必食之選，採用嘅澳洲和牛非常優質，牛味濃郁，亦帶油香，令人回味無窮。仲有店員係旁邊即埸燒製，唔需要自己落手。串燒拼盤 ($138): 拼盤共有七款，分別係燒手羽、雞皮、雞軟骨、大蔥豚肉串、金菇牛肉卷、秋葵及大蔥各一串，款式都幾Common，唔洗諗之餘，價錢又平啲。其中，金菇牛肉卷幾惹味，而且非常juicy，肉汁滿瀉；大蔥豚肉串都幾香口。什錦天婦羅 ($68): 除了三件大蝦天婦羅，其餘嘅都係蔬菜類，例如南瓜及秋葵等，炸粉厚薄適中，味道都幾酥香，而且並唔油膩。蝦天婦羅嘅肉質

有一段時間冇去居酒屋食野啦，由於疫情關係，一進入餐廳，店員會先量體溫，之後要用搓手液先可以入餐廳，坐低後，店員會比紙袋裝口罩，餐廳防疫措施做得好又貼心門口已經勁有日本feel ，好有日本居酒屋風格。燒原條粟米日本黑毛和牛串-油份重，和牛串好有咬口，入口肉味香濃燒飯糰-飯糰外面燒到微微焦香，食落又香又脆和牛鍋燒烏冬-和牛有兩大片，和牛肉質軟腍，烏冬不會煮到太腍，個湯底味道都幾濃，同朋友一齊share 食，份量岩岩好原板海膽-一黎到嘩左聲，海膽好新鮮，而且肥大肉厚，海膽味道甘甜，一D都唔腥，質感綿密細膩，差不多入口即溶，大大啖，口感超級滿足。巨峰乳酸梳打幻彩藍碟花檸檬梳打-原本藍色加上檸檬汁就變夢幻紫色，入面加了閃燈，變得更加夢幻

今日同老公黎左一間超黃既居酒屋，亦都係朋友推介我地黎。一入餐廳，侍應會擊一下鼓，好有日本feel 餐廳種類多元化，一品、壽喜燒、炸物、前菜小食、沙律、燒物、刺物、丼、石板燒，石板燒分唔同gram 數，最平$108蚊100g就可以食到M6和牛啦，好抵食四色刺身拼盤（$126）有三文魚、油甘魚、石蝦、吞拿魚各3片，刺身非常新鮮，而且仲要係厚切，由其油甘魚，魚肉細緻甘甜，另外石蝦亦係我至愛，蝦肉鮮甜爽口石板燒-日本A5和牛100g（$128）侍應幫我地燒至5成熟，日本A5和牛油花細緻均勻，入口軟嫩。日式炸雞（$48）每次去餐廳都會必點，炸得不會太乾，而且雞肉嫩滑燒冰火菠蘿（$28）好正既一款甜品，菠蘿一早已經冰好，再係菠蘿上加上糖水，要用火槍燒蕉糖水，最正就係出面個層糖，菠蘿鮮甜多汁，又凍又熱，冰火交融的口感蜜桃乳酸梳打（$28）乳酸燒酎梳打（$48）乳酸味濃，好易入口，好岩女士飲，唔經唔覺飲晒成杯

之前見到朋友嚟呢間居酒屋食石燒和牛，所以忍唔住有機會都嚟試一試😁入面好有日本feel~蟹肉可樂餅（$38）唔大件，但熱辣辣入口creamy，兩個人share淺嚐剛剛好～玉子燒（$38）上枱時仲出緊煙，口感偏實，重蛋香味～日式炸雞（$48）十分香脆，配沙律醬一流，但我覺得佢今次炸得乾咗少少😂清酒煮蜆（$68）十分出色！首先好入味，仲要啲蜆又多又大隻！連海苔都好好食！推介！最後就係呢個邪惡嘅A5和牛（200g，$238）🤤 我哋加多咗$20 要沙律、味增湯同埋蟹膏飯～A5真係A5，好香牛肉味同埋爆多油脂🤣 送飯可以減輕返少少油膩感👍🏻 以200g和牛嚟講價錢並唔貴，大家可以試吓👍🏻

如果你有一個鐘空檔，相信諗都唔會諗粉麵以外嘅黃店，但實驗證明，一個鐘其實夠係間爆滿嘅黃店居酒屋享受圓滿嘅一餐。 四點幾做個樣book咗位，用餐限時個半鐘一般黎講都食到趕頭趕命咁，但呢度上菜快得黎節奏控制得好好，絕對唔會成枱餸擺到凍哂，食到咁上下先黎下一道菜，快食都可以食得好。先黎石燒A5日本黑毛和牛，好鍾意呢度可以自選唔同產地同gram數嘅牛，最平$100有交易，叫到最貴嘅組合200g A5和牛都只係$238，性價比好高。 和牛油脂同牛味都好足，厚切啖啖肉好滿足，輕輕燒兩面再點鹽已經好好味。 不過呢度係預熱石板，底下冇火，頭幾分鐘就要一次過燒晒所有牛，冇得慢慢燒有少少扣分。味噌廣島蠔($88)係一大驚喜，難得係美國桶蠔嘅尺寸仲好有蠔味，新鮮飽滿creamy。 雖然唔係好靚嘅味噌湯底，但每一啖都係廣島蠔嘅精華，忍唔住狂用嚟撈飯同烏冬。不得不讚炸物好有水準。 蟹肉可樂餅($38)同牛肉可樂餅($28)熱辣辣脆卜卜，矇眼食都貼題講得出菜名，同日本街頭大排長龍嘅金賞薯餅有過之而無不及。 串燒不過不失，最欣賞芝士豚肉串，包住軟滑咸香嘅cream cheese，冇可能唔岩食。特別推介鮮檸檬威士忌梳

朋友仔約我哋去旺角支持一下黃店，當然馬上響應啦！居酒屋的裝修格調都係十足日本風格，每一項細節都同真正的日式居酒屋好接近，令人好relax。充滿清酒招紙的特色牆本來已經好吸睛，加上種種「文化氣息」後更加賞心悅目。餐廳食物的選擇都唔少，而且價錢都幾親民。作為居酒屋，酒水價錢絕對會吸引人飲多幾杯。食物當中比較有特色的就是石板燒，我哋當然唔放過，叫咗一客最高級的日式和牛。A5和牛的油脂分佈好靚，油花好均勻，令人睇見都流晒口水。放喺熱辣辣的石板上面，飄來陣陣香味，真係色香味俱全！魚生方面，我哋三個人share左一盒雜錦刺身丼，份量好足。沙律菜新鮮爽脆。炸蠔熱辣辣，外脆內軟，係我當晚最喜歡的小食。其他串燒同小食，整體質素都唔錯，令人飲得杯落。舒適的地方撐同路人，食得好飲得落，價錢又合理，值得支持。

同朋友reu聚會，見到黃店加上食評都讚好，所以book左8位黎試下...見到餐牌都幾多選擇，所以就叫左玉子、串燒拼盤、刺身拼盤、牛肉烏冬咁share食整體食物味道普通甚至難食，特別刺身冇冰底墊住，而且不太新鮮同凍，但為免浪費都照食...重點係有位朋友食完即刻肚屙，而其他4-5位朋友食完都有唔舒服同腸胃炎，甚至全身發熱... 懷疑是食物有問題，永不再光顧！

上次朋友介紹，所以同寶仔黎左「令和居酒屋」食二人前套餐，都真係幾扺食，食物又有質素！所以今次就再同朋友嚟食過返尋味～呢到嘅清酒、梅酒做緊買一送一優惠，都幾抵，同朋友黎飲兩杯就啱晒啦！😏上次見到隔離枱食呢個和牛鍋燒烏冬（$98）好似幾吸引，所以今次我地就order左啦！鍋燒烏冬原鍋上陣，賣相還可以，一片片半生熟和牛舖係面，份量都算適量，咁就可以比食客自己決定牛肉嘅熟成度，肉質更嫩滑，味道更鮮香，不過烏冬就煮得腍得濟，湯底味道普通，但小妹幾欣賞佢加左溫泉蛋，同鍋燒烏冬都幾夾，不過整體嚟講有改善嘅空間。

之前去過「令和居酒屋」三次， 每次都係食二人前超抵食套餐， 不過今次我地倆口子就想試吓單點， 因為單點會有好多套餐唔包嘅菜式～😆 就好似是日精選限定推介，套餐一定唔包嘅， 仲要數量有限，想食就要快啲order啦！😏 而家加$48，就可以任飲清酒、梅酒、啤酒， 咁抵，酒鬼點可以錯過！😎 未上菜之前，先上個開胃菜—芝麻鹽醬椰菜， 椰菜爽脆新鮮，混合了酸酸甜甜嘅醬汁，幾開胃！ 小編係酒鬼，又鐘意食生蠔， 見到清酒廣島生蠔（$28）呢個配搭幾有趣， 就試下啦！ 上枱嘅時候生蠔同清酒係分開嘅， 等食客自己將新鮮嘅生蠔放入清酒杯到， 然後浸一陣，再一整杯啪左去，好似飲shot咁，好正呀！😎 生蠔都幾新鮮，配上清酒，生蠔嘅鮮甜更突出～🌟推薦❗️ 🌟推薦❗️石燒美國安格斯肉眼片250g（$168） 肉眼扒切成10片，而且成塊都好厚肉！ 足足有1cm厚！😍 店家好貼心地教我地幫我地燒～ 肉眼扒油脂分佈都算平均，唔會太肥，口感有嚼勁，肉香味美，不錯吃！😋 🌟推薦❗️鹽燒油甘魚鮫（$128） 油甘魚鮫好大件， 外皮焦香，裏面嘅肉質肥美嫩滑，魚

🟡一入到餐廳，店員會敲幾下太鼓，感覺幾得意，看看鼓上貼住敲鼓請全場客人$10, 都幾搞笑。但餐廳坐位有d迫，枱同枱既距離好短，而且很多人食石燒，所以餐廳油煙味都會幾重。不過餐廳裝修佈置得好好，亦有幾面牆比人寫低字句，實在要支持！我見很多人都把sake樽上既貼紙貼在牆身，在旁寫上字句鼓勵香港👍🏼一坐低店員送上沙律前菜我叫左Santory 個杯比平時既大，泡都較多，正！之後我叫左令和玉子燒，但略嫌有d太熟，不夠滑之後叫了石板燒，日本A5和手,油份充足，但沒有入口即溶感覺加了一個蟹’高’飯，份量很小，但都幾香和牛他他，配搭很一般，黑松露牛肉加酸菜底，味道比黑松露同酸菜搶哂串燒方面都是一般，醬汁都是普通食物味道一般但香港味道濃厚，如果愛香港就要珍惜呢種味道！日本酒既選擇都不少再加上價錢亦不算貴！

平時好少去旺角既我，每次去旺角都唔知食咩好。咁岩經過呢間令和居酒屋，比門鐵板燒和牛嘅餐牌吸引左入去。因為唔係好肚餓所以唔係order左好多野。串燒食左黑毛和牛，牛舌，雞翼同多春魚，調味做得幾好唔會太鹹，但和牛同牛舌因為太多肥膏所以口感一般，有少少太油。燒牛油什菌唔錯，味道正常。本來想要石板燒和牛但係見到好多人都叫壽喜燒所以就轉左做壽喜燒和牛，個人建議揀黑毛和牛，因為價錢唔係相差好遠但望落明顯質素好好多，性價比高。比較扣分既位係餐廳通風系統唔係咁好，一入到去已經好大陣味，所以要有心理準備食完之後全身都係油煙味😂

雖然喺武漢肺炎既肆虐之下，但仍無損我地去令和去食大餐既心情。之前已經去過太子号一鋪，好評如潮。今次旺角新鋪闊落，更係要加以逞罰。叫左一個有海鮮有燒牛既set。前菜一定有，呢隻菜非常爽甜脆口，加埋酸醋極開胃。餐飲點了自家製梅酒，由威士忌調製，加入梅香，甜甜酸酸地好易入口，又夠烈。碟豆花檸檬汁特飲，紫色好靚，好有少女心，係甜左啲。前菜海葡萄三文魚子豆腐，芝麻醬口感同鹹咪既海葡萄同三文魚子好夾，好開胃。食完前菜食小食，枝豆都好新鮮，配酒飲食得好過癮。味道就都一樣吧。 反要一定要讚個炸雞，唔會好似雞店咁咁多炸粉，而且個雞炸完係超嫩滑，口感已經一流。再加上沙律醬真係無敵。個餐送埋三文魚刺身，新鮮肥美，肉質又彈口鮮甜。自己叫既三色刺身，有三文魚，吞拿魚同油甘魚。全部厚切冇欺場，味道鮮味口感足。油甘魚最好食，充滿魚油香。即場燒日本和牛，正呀！熱辣辣端上，口感極軟嫩又富油脂，濃郁既和牛味，有人幫我地燒埋，唔怕燒濃。最後食埋呢個海鮮窩係大滿足，蟹腳大大件，啖啖肉有3大條，值回票價。其他海鮮都好新鮮，唔係cheap野，帶子大大年夠彈牙鮮甜，生蠔都係入口鮮味滿溢。湯底為日本甜豉油，入面有好多蔬菜，食到我地飽

令和呢間餐廳開了不久，上次經過已經想試，不過有d多人，今日咁啱早嚟到旺角就試一試佢嘅食物先。食嘢之前首先叫嘢飲我就叫咗一個$68買一送一任飲清酒梅酒嘅套餐，佢嘅清酒同梅酒都另外有冰凍住，用黎襯串燒一絕。食物方面首先我哋叫咗一個二人石燒火鍋刺身套餐，包括沙律前菜，一個日本和牛150g鐵板燒，一客天婦羅同埋一個海鮮鍋物。呢個餐既份量都幾多，男仔食都覺得好飽！我個人覺得超值！佢用熱石板燒熟和牛，既保留到和牛肉汁又有脂肪甘香。呢到既和牛質素比得上日本食到既和牛，性價比好高。天婦羅有野菜同埋蝦，粉唔厚，有鮮味，隻蝦超大隻，比起一般居酒屋都來得好食。海鮮鍋既料有蠔，帶子，蜆等等海鮮，全部都十分新鮮，食完料佢仲會用個吸曬味既海鮮鍋煮粥，鮮甜可口。來得居酒屋，點少得試下佢既串燒。我地叫左一個串燒拼盤，有成八串，包括雞翼雞軟骨，秋葵等等都只係$138 計番都係15蚊串，呢個價街邊都未必食到，認真抵食。佢仲要燒得岩岩好，送酒一流。下次一定要再來！

令和居酒屋除咗裝修非常日式😍😍 牆身有好多唔同嘅酒樽貼紙🍶🍶再加上好多手寫嘅畫同字句，好有特色 💛💛💛menu選擇好多選擇，刺身🐟丼飯🍚燒肉🍖串燒 🍢天婦羅🦐日式小食......應有盡有😍😍🐬🐟🐠🐡首先點咗一個五色刺身，魚類都非常厚切新鮮😋 帶子好鮮甜 。最愛係佢個生蝦🦐🦐🦐拆咗頭仍然非常巨型，啖啖肉啖啖鮮味😋😋清酒生蠔初初以為係清酒煮蜆嘅生蠔版本😂😂點知上到枱先至發現同我想像中嘅完全唔同😝😝😝係一隻生蠔(新鮮嘅)配一杯sake 🍶將隻生蠔浸入sake入面一分鐘，之後直接飲用😆😆😆非常驚喜!!!! 生蠔嘅鮮甜又唔會畀sake嘅酒味冚到 👍👍呢個配搭好新鮮值得一試❤清酒煮蜆 🐚蜆嘅數量多而且夠大隻😄😄 每隻啲肉都脹卜卜，好juicy!! 而且清酒味都濃，忍唔住一隻隻係咁拍落咀 😂串燒方面就試咗燒美國露筍，一碟三條不過比我想像中份量大😳😳😳燒完依然爽脆好味🌿松露牛他他🐮🐮🐮可能松露落得好大方有少少冚咗啲牛味😂😂 牛下面嘅係酸嘅蘿蔔絲， 又有啲咁咗松露味🤣🤣🤣 但係呢個價錢可以食到高質食材，都算唔錯啦!!