仝堂茶聚

营业中

休息中

五色炒飯，食過返尋味食材：米，黑米，紅米，胡蘿蔔，菜心，蛋白，蔥花，瑤柱！這些食材，都是我喜歡的。炒得有擭氣，非常啱我口味！份量：單食一份炒飯外賣，完全飽肚！建議兩人一份。

星期六晚飯，又一城，兩個人......「無 時 限」，任坐。❤️❤️已經無敵，贏哂✌🏻我會狠狠地送上5分、5⭐️⭐️⭐️⭐️⭐️再加上BB鴿、豉油雞半隻、啫啫生菜煲、蝦多士、乾炒牛河及橙汁卷。味道不錯，Above average 呢！😉5:30pm 坐到9:30pm 有食、有坐，比起限坐1.5小時.......今晚，我滿意到不得了😄😄

勁嬲囉…本身都中意呢間覺得佢好好味但係個炸鮮奶食哂都冇黎，原來佢溜單…唔緊要我再叫但係等左廿分鐘都冇，趕睇戲…唔緊要叫佢未整就cancel但同左3個waiter講都冇反應…今次唔惦啦蜘蛛俠唔等人要走啦等左半粒鐘問佢可唔可以cancel埋單，呢次個waitress講哂唔好意思對唔住咁話幫我地cancel, 前一秒我俾張單佢cancel個炸鮮奶，佢後一秒加左個涼伴三拼落去咁得意wow~但趕睇戲冇睇清楚…唉…俾佢收左錢冇check單…事後個 fd 都話諗返起佢摺埋張單塞過黎🤬明玩野，真係多謝哂囉

Fusion 點心 - 仝堂茶聚 同朋友午間聚會好多時都會去飲茶嘆下一盅兩件嘆下茶今次由朋友揀左九龍塘又一城嘅Fusion點心餐廳環境都靚靚有特式不過座位有d逼茶 - 冇乜特別，普通茶點心有啲非常有特色仲有卡通造型中式麵包，小朋友勁中意奶黃小豬包叫比小朋友食，賣相可愛奶黃量適中不會太滯黑金流沙包熱辣辣上台非常好食燒腩仔配埋芥茉醬好好味惹味而不油膩椒鹽白飯魚之前食打冷食過之後上左癮白飯魚好適合椒鹽粉醬厚度啱啱好食起來冇骨百花蘿蔔糕蘿蔔糕配上一層薄薄地嘅蝦滑脆炸口感特別更添咬口不過略嫌油左少少其他點心包括排骨、鳳爪、牛肉球、蝦餃、金錢肚都十分好味！值得再次幫襯！PS 當日全部職員都十分Nice !!

之前有朋友講過，呢間餐廳D食物唔錯，我上來Openrice睇過，見佢D點心幾特別，於是就來呢度食飯😂去到餐廳大概係六點九左右，唔洗等位，直接入座~餐廳環境幾大，裝修得又靚又舒服，大部份位都係梳化，小量木凳😙隻碗仔好靚，兩條金魚細細條咁，我好鍾意😍🥛炸脆皮鮮奶 ($39)呢個係朋友話一定要嗌嘅😂但佢冇講錯，好有驚喜😝炸鮮奶唔係度度地方有，好食嘅更加少之有少，我之前食過一間，入面D鮮奶凝固成一塊，完全伏😩但呢間皮薄，鮮奶又夠滑，幾正😎上面仲有D粉，可能因為想賣相靚D？不過我覺得有D多餘😂🐷星級蜜叉燒、塔門蠔仔泡飯🦪 ($96、$93)🐷叉燒，餐牌寫得8件，但上枱又唔止8件😂厚切大大舊，唔韌，幾好咬口，正😋D汁好多，就係差碗白飯😂🦪塔門蠔仔泡飯，蠔仔又多又大隻，隻隻飽滿😏成個泡飯好夠味，唔洗再加胡椒粉🧂如果可以加埋方魚，咁就完美😋🥬雞油炒豆苗 ($89)豆苗係冬天當造嘅菜，仲要唔係其他時間食到，所以緊係叫佢😝炒得幾好，夠味之餘又唔會好鹹，正！同埋，睇落細細碟，但實質都幾多下😚🐷奶黃小豬包 ($59)見賣相幾得意，所以叫😂味道中規中矩，因為唔係流心奶黃包，所以唔會流心🤣但$59三個包，略貴，純

食物水準都可以，價錢比較貴，分量少.11月17號2:45分.過咗中午食飯時間，我地一共五個人，見到大把位諗住坐五個人卡位。但是服務員又話留左比人，有啲位又話留比員工食飯，叫我地坐普通四人台.後來我親戚來到是常客就乜都可以坐，食店這樣待客是有啲問題.

今日嚟又一城同屋企人飲茶，係OpenRice見到呢間未食過，就嚟食下。過左晏就最繁忙嘅食飯時間，兩點幾先嚟到，唔洗等位就可以入座。打開menu發覺都好多選擇，有燒味，小食，點心，小菜飯麵等。因為得兩個人，所以只係嗌左4樣野食。👍🏻鳥巢芋角($39)依家有好多酒樓都冇做芋角，呢到嘅芋角幾新鮮又好有心思係上面放咗半舊鵪鶉蛋。上到枱因為係即炸，食落幾脆口同熱辣辣。咖喱魷魚($43)食落咖喱汁比較濃稠，同有少少辣，魷魚都有少少韌。黑金流沙包($49)流沙包唔算好流沙，味道一般。👍🏻塔門蠔仔泡飯($93)蠔仔泡食落都幾多隻蠔仔，湯飯入面仲有肉碎，芫荽，炸蒜。鹹淡適中。如果有多啲湯就更好。餐廳整體感覺座位舒適，食物都多選擇，下次應該會同屋企人再過嚟試。

係又一城行下街,見大部分都係連鎖,咁岩路過呢間見有人排隊,傳出黎d味又好香,所以就試試!清酒醉雞翼雖然唔似清酒味,但入口個皮都係彈,肉比較實心,有點過熟應該,但夏天食好岩炸鮮奶入口即溶,比較小食所以比較唔到,但係味道唔會甜,淡淡奶味八味豆腐呢個極力推介!外脆又惹味,咬入去豆腐味又出,好濃豆味,唔覺意就食晒!咕嚕肉正常偏酸,脆口,但係個汁同平時有d唔同,但有飯伴就一流奶皇豬仔包見造型可愛而點,皮太厚,奶黃淡純食外形佢大部分菜式都有分1-2人份/3-4人份,好貼心呢個安排

星期六日要去九龍塘，都會有啲惆悵。因為又一城食肆多數都貴，同埋好多西餐。所以畀我發現咗呢間點心，就衝咗去。假日見其他餐廳無咩人排，但呢間就要等位。事實證明因為啲嘢食相對係性價比高。我哋兩個人叫咗唔係好多嘢，但食到超飽都只係百五蚊。先嚟咗兩樣我至愛嘅濃味脆口嘢～我去飲茶最鍾意叫椒鹽豆腐粒，痴線呢間唔至合格，仲超班咁好味，係我想要嘅嗰種豆腐粒！個皮夠薄又夠脆㗎嘛！！！跟住整個黑松露蝦多士，好脆身又唔會超多油飛出嚟，食咗兩件都唔覺油膩！之後食奶黃包，貪佢個造型，否則我會試流沙包。呢個無想像中咁香口，但勝在過癮！總結而言，咁耐無食點心下，呢啲都有驚喜！豆腐粒可以再encore😎

仝堂茶聚 @ 九龍塘又一城西式裝修既茶樓❤️呢間其實菜單同茶樓一樣都係食點心同小菜 而且食物質素都好好 環境舒服👍🏻仝堂六小福 $99有六個唔同味道既包又可愛 味道又唔差 可以叫黎打下卡😂 (記得襯熱食)👍🏻叉燒，燒腩仔都好出色 味道好好味 其他野食都OK甜品我就覺得一般可以唔食都得不過呢間可以encore👀

星期六同屋企人去完拜山之後就去咗又一城搵食！一向都好少去又一城所以都冇乜特別好提議，上咗Open rice睇吓有邊間酒樓飲茶啦！始終同老人家一齊都係比較鍾意食一盅兩件！見到八月花排晒長龍，之後又再搵吓其他啦！見到呢間個名幾特別又走去睇吓啦，點知完全唔使排隊，二話不說即刻入座啦！因為食咗早餐唔太餓，所以只係叫咗8個點心！當時舖頭冇乜人，但係點心等咗好耐，等咗大概20分鐘先上咗一碟腸粉，腸粉比較厚皮，蝦仁亦不彈牙！之後再上其他點心，我哋都覺得最好味就係酥皮叉燒包，皮薄餡靚，而且熱辣辣好正呢～另外黑松露鐵觀音素粉果亦有濃濃黑松露味，感覺唔錯⋯⋯其他點心亦不過不失，但鮑魚燒賣$76/2卻有啲貴，因為完全冇鮑魚味，燒賣的豬肉亦不彈牙香口，失望！總括來說，樓面店員很有禮勤力，只係出菜時間比較慢，茶錢$9來說亦算抵呢！

高質素的服務今日帶埋屋企人食晚餐 覺得啲嘢食都幾好味 ，都食過一次 之前買coupon 仲有$600諗住黎用埋佢 我地叫左好多野食 搵左一個叫BObo嘅侍應生黎推介食物 介紹左好多好味嘅野食 因為同屋企人一齊食想叫多啲嘢食 我地叫左好多嘢食， 佢好細心咁提醒我驚會太多。已經覺得好窩心 ，期間仔仔因為食雞搞到成手都係佢都好細心咁開定濕紙巾比佢擦手 睇得出佢雖然好忙 都依然好細心留意我們的需求。 由於佢招呼太好連我Daddy都叫我要一定要同佢買coupon 買左coupon 結果下次都係要繼續幫襯了 其實本身只係諗住用埋之前的$600就算了 結果又帶多$3800返屋企 之後我老公因為Airport搵唔到 以為漏左係餐廳返去搵 老公話Bobo好細心好有耐性咁話俾佢知點樣喺個電話度尋找返自己嘅Airport 最後發現原來係自己大懵留咗喺屋企 。 冇辦法買咗coupon下次都係要來食 ，食物方面都算OK 但服務真的好出色。令到我同我嘅屋企人都覺得被重視嘅感覺。希望下次黎食飯都係會搵返佢嚟招呼我們。

首先，呢間餐廳成日排長龍，因為菜式選擇多，而且味道唔錯，上菜又快，飲茶都算係新一派，所以都多人！所以我以為自己好醒，早幾日已經book 定位，去到當然好似平時多人等位，我亦早到左，理應book 左位唔應該有位都要等太耐，門口個帶位要我等20 分鐘才比位我，見住一張又一張枱比其他人入而要我呆等，而且態度惡劣，真係好想投訴，要等唔緊要，但應該有禮貌請客人等兩三張枱後到我，而唔係不停入枱都唔比，話哂都訂咗枱！至於食物，其實真係幾好食，炸豆腐外脆內軟，腸粉又薄又滑，芋頭酥10分鬆脆香口，黑松露蝦多士亦好特別，值得一試！

差不多晚飯時候，又係開始要搵食啦！喺佢門口個Menu，啲點心好似幾吸引，本身抱住冇乜期望嘅心態試一次，因為通常啲得意嘅點心都係得個樣，不過出乎意料👍🏻一個小茶壺🫖，兩條金魚碗🥣桃膠杏汁豬肺湯$59如果以呢個價錢，5分有4分，杏汁味唔夠濃，但味道適中，個湯細細碗都好足料，有五-六件豬肺，有兩隻鳳爪，都煲得入味。桃膠份量👌🏻炸脆皮鮮奶$39甜度啱啱好，脆皮唔會太厚，炸鮮奶上面嘅係黃豆粉主要用嚟裝飾無味嘅😆仝堂六小福$99其實六個都係包，都唔同餡料雞仔：奶皇包，奶滑香壽桃：蓮蓉包，蓮蓉唔漿口，有小蛋黃黑金：流沙包，有流沙咸蛋黃冬菇：紫薯包，好香日本紫薯味豬仔、小女孩：豆沙包，唔太甜👌🏻熱辣辣新鮮蒸，賣相真係好吸引😍塔門蠔仔泡飯$93湯底唔錯，食完唔會頸渴，蠔仔大大隻，成個碗都係😲唯一一樣敗筆就係冇方魚，唔夠香。

星期六試吓嚟飲茶，walk-in等位，大約等咗半個鐘。店員叫我哋入去嘅時候有啲呼呼喝喝，服務態度唔係幾好🙄一路等都有睇吓有咩食，見佢都唔平，估唔到一坐低竟然比對木筷子，成個level即刻降咗一級。蟹肉扒伊麵 $143都幾細份，四個人一人都食唔到一碗，不過啲蟹肉都唔少嘅蝦餃 $49普普通通，啲蝦都大粒橙汁卷 $36幾特別，有淡淡嘅橙味，個質地有少少似水晶腸粉，好滑而且擺得幾靚蝦卷炸兩 $49腸粉皮好滑，唔錯安格斯炒河 其實同乾炒牛河冇乜分別，只係用咗安格斯炸鮮奶$39一嚟到熱辣辣👍🏻流沙包$49一啲都唔流沙😵總括嚟講，佢啲嘢食有啲唔錯，但有啲真係唔得，但係價錢就偏貴。啲嘢食係擺得幾靚嘅，不過得個樣，味道唔OK幾靚都無用。服務態度真係麻麻地，我哋想攞多對筷子做公筷，店員都黑口黑面。加上收得呢個價錢，真係冇諗過會比木筷子🤧