仁沙洞

营业中

休息中

侍應態度差劣 打電話叫外賣時 叫我盡快去拎十分鐘後去到又未拎得 淨係叫我再等下收錢又收錯將外賣拎到返屋企後收到侍應打黎話我冇俾錢竟然叫我將差額拎返去餐廳又話買野食俾小錢咁都得無下次

土瓜灣街坊韓國料理🇰🇷平靚正之選💜芝士海鮮炒年糕$128 以為只係普通海鮮＋年糕 一上菜時嚇一嚇 份量好大 仲有麵底😍芝士多到一個點😂😂反而海鮮吾多😅 個醬汁甜甜地 幾好味🎈

約兩年前來的周五晚市，6點左右進場，但眼見7點幾門外已聚一堆人在等位，侍應也是快手快腳幫你急燒收碗好等你盡快離場。剛才重臨，5:30到，是晚首枱客，整餐飯吃畢也只得5枱客左右，今時唔同往日。點了個$308餐二人份，竟送了6小碟前菜，包括 大豆芽、豆乾、薯仔、醃青瓜、泡菜、煎蛋捲，嚇一嚇，每碟份量十足不欺場，而且也味道絕非隨便充斥，姐說是點套餐才有這麼多碟。套餐有牛仔骨、調味豬肉、牛肉石鍋伴飯，燒肉有後生仔代勞，只間中自己手癢翻翻肉，牛仔骨肥肉少近乎無，薄嫩；調味豬肉一大碟，以為跟餐會較次等實情是脆嫩有嚼口；本不打算吃鍋飯，但生蛋撈了熱燙的飯餸，模樣，脆肉瓜、青瓜、木耳、蘿蔔等切絲很讓人指動，最後也吃至見鍋底；蒸菜肉餃，皮薄不穿、餡肉充滿而有肉汁，三扒兩撥清空；蕎麥水冷麵，我至愛，吃韓燒必點，這間弄得中上，條條分明，如果梨片稍甜一點就完整了味道。

📍 仁沙洞 🌟土瓜灣⁣⁣🧚🏻‍♀由中學食到而架 性價比勁高🤩其貌不揚 但味道絕對令你再回味⁣⁣🌟星期一至日都有得食架⁣⁣______________________________⁣⁣🔶 #牛肉拌飯⁣⁣💰42⁣⁣👅8/10⁣⁣呢個韓式拌飯#bibimbap 非常FRESH!🥗 好足料 大量既蔬菜撈埋牛肉同飯完全唔會濟🥒🥕 加埋佢地唔係太辣又甜甜地既韓式辣醬 味道岩岩好 岩曬啲想食少少辣 但又怕太辣🌶🌶🌶既你同我😂⁣⁣⁣⁣🔶 #牛肋骨湯飯⁣⁣💰62⁣⁣👅6.8/10⁣⁣超濃牛味🐄 #牛肋骨 份量十足！仲有煙煙un un既 #韓國粉絲 吸曬牛牛既精華 熱lala ~ shu shu shu ~大滿足⁣⁣店員另外俾咗胡椒粉同辣醬，食完原味後可加入湯，令味道更豐富有層次！⁣⁣⁣⁣🔶 調味#炸雞翼(5件）⁣⁣💰48⁣⁣👅6.5/10⁣⁣即叫即炸！上枱熱lala🥳沾上甜辣醬既炸雞 肉質唔錯 但係個sweet and spicy 🌶 味道偏淡😟 個皮炸一般⁣⁣______________________________⁣⁣#仁沙洞⁣⁣#土瓜灣美食⁣⁣⁣⁣地址: 土瓜灣土瓜灣道335號偉恆昌新村⁣⁣😋

今日呢間韓國菜係經同事介紹，lunch時間近近地就去試下。去到發覺呢間韓國餐廳原來好大間，入面有好多張檯，完全唔洗等位。佢既menu入面有d套餐，包左2款韓式小食，泡菜、醃薯仔仲有例湯。上菜既時候，係用一個鐵盆上，有d感覺似食緊韓式快餐咁。我叫左牛肉粉絲飯，同事就叫左韓式牛肉拌飯。估唔到份量好大，特別係拌飯一大碗好足料。食完之後好飽，味道都可以，價錢中等，大約40-50一個lunch。如果經過土瓜灣想食韓國野，平平地都可以去下呢間餐廳。

今日lunch去左仁沙洞食韓國野。😋12:35pm來到，唔需要等位。叫左牛肉拌飯($42)，跟餐有泡菜(脆玉瓜)、薯仔及餐湯。牛肉拌飯份量足，材料種類多，有紅蘿蔔絲、紫菜、青瓜絲、白蘿蔔絲、豆芽、生菜絲、蛋和主角牛肉。加少少韓式醬拌埋一齊好好食，又清爽又有口感。😋 配菜的薯仔粒口感少少冧多多脆，好有口感，調味適中，食完仲想再食。而脆肉瓜脆中帶冧，又多汁，好好食。😋 以$42價錢，既足料又好食，實在係無咩好挑剔。

土瓜灣作為為食之城九龍城嘅伸延地區，近排越來越多好野食。睇住呢間仁沙洞開左咁耐，每次只見全場爆滿，都未曾成功入過去。難得今日行過見到有位，當然把握機會去試一試呢間出名平、靚、正、又地道嘅韓國餐。午市時間提供十多款套餐，價錢五十蚊左右，有前菜仲有湯，抵。 烤豬肉飯 前菜有泡菜同薯仔，泡菜味道比一般的濃烈，少辣帶酸味，幾開胃。而薯仔粉粉腍腍好鬆軟，香甜嘅醬汁已經完全滲入薯仔中間，超級入味。另加一碗蘿蔔清湯，清甜唔油膩，正好解辣。 主菜選擇左烤豬肉，份量一啲都唔少，半大碟白飯，伴上半大碟餸菜，絕對夠送飯。豬肉片用上唔少洋蔥、紅蘿蔔、椰菜等，加上韓式甜辣醬炒香，香味撲鼻，未食已經流口水。熱辣辣嘅豬肉甜中帶少辣，醬汁味道濃郁，配飯一流。 牛肉雜錦飯  另一款選擇牛肉雜錦飯。飯送上時，職員已二話不說，起勢勁唧韓式甜辣醬，再出盡力狂撈。上菜加送撈拌食物，正係韓式料理常見嘅餐前表演。都係果句，食韓國飯最緊要識撈，有專人服侍，用最正宗嘅方法呈現，食物不其然變得更好味。從撈到亂晒龍嘅飯之中，見到材料都相當豐富，有唔少芽菜、紅蘿蔔、翠玉瓜，再加上牛肉碎同太陽蛋等。撈勻之後，所有材料同醬汁融為一體，

突然好想食韓國飯卷蟹肉飯卷($32) 又加價💸不過有10舊就甘望好似好足料 有腸仔 紅蘿蔔 青瓜 醃蘿蔔 蛋絲嘩🤢🤮啲飯好硬 紫菜勁油 好un胃真心個蟹肉仲要係好假個隻蟹柳 失望.諗住呑拿魚口味($32)會好啲啦🤡點知呑拿魚呢？一舊 兩舊 三舊…食極都冇嘅點解 淨係得啲腸仔 紅蘿蔔 青瓜 蛋絲真係黑人問號🤷🏿‍♀️吞拿魚去左邊如果有返少少魚味會好啲.點解網上甘多好評 餐廳入面都有幾枱人食小店有時都唔係甘良心 驚過多喜寧願食爭鮮啲日式飯卷都好過佢 仲要平啲

今日同朋友食午餐，我話想食韓國野，佢就話呢間近近地又唔錯，就帶左我黎呢間食啦😆😆呢間餐廳都好大，坐位都唔會好逼幾好！野食方面都唔錯既，不過朋友叫既人蔘雞就真係麻麻啦，雖然好大條蔘，但係無咩人蔘味，我諗都係大陸既平價蔘，咁都正常既，咁平點會比貴蔘你，如果想食好味既人蔘雞，咁就要比番咁上下既價錢啦😂😂我覺得個壽司真係幾好食，好有韓國地道壽司既味道，如果黎呢到食既朋友，可以試下個壽司！！如果行過近近地試下就無所謂啦，要特登黎食既話，我就唔建議啦，哈哈😆

午餐叫咗海鮮湯飯同埋雞肉飯，海鮮湯飯嘅湯冇味，得番啲海鮮嘅腥味，啲雞肉好乾身，雞肉飯嘅雞肉同飯嘅比例係大概1:3，個人認為係得啲前菜嘅薯仔叫有味啲。總結：唔好食利申：平時唔寫食評

今日去土瓜灣拎嘢畀個朋友之後順便求其解決午餐， 見到呢間價錢正正常常又無乜人就入咗去叫咗個今日特價嘅餃子年糕湯，有三粒泡菜餃三粒普通餃同年糕， 份量夠飽，跟兩款前菜， 有薯仔或者泡菜或者瓜，可以自己要求～年糕煙韌，啲餃嘅皮唔會好厚， 我唔食得辣食舊泡菜餃一食好辣，食食下都ok，我諗一般人都接受到， 湯底食落好似有少少味精味，不過還好整體都係正常，食物唔係出色又唔係特別差，服務普通， 連收銀個老闆都係唔會笑的，不過不失罷了

約了朋友在午飯時間吃韓燒，都是第一次，可說是十分特別。土瓜灣區來說，韓燒店鋪不多，而這一間算是不錯的。進店後，環境算是相當有空間感，挺舒適的。其實在這間店不一定吃韓燒的，也可以選擇吃韓式小菜，算是滿足了不同客人的需要。肯定很想吃紫菜包飯，所以就點了一個金槍魚的來試試。味道確實不錯，而且這個價錢吃到這個份量可說是性價比高。燒肉當然是主角啦，因為我跟朋友都是為燒肉而來的。這間肉的份量都算可以，雖然是散叫，但價錢可說是公道。而且店員還會主動幫忙燒肉，服務相當到位。這一間絕對有下次的。

幾年前嚟過食晚餐，好有傳統韓國餐館feel，仲有韓國大媽幫手烤肉，呢日經過附近，就再嚟幫襯。落單後先嚟小食，泡菜，大豆芽，翠肉瓜，薯仔，小白菜，樣樣都好好味。呢度有午市套餐，但就唔包烤肉，另有全日供應嘅二人或以上烤肉套餐，比較過係抵過散叫。我吔就揀咗呢個有一款牛一款豬嘅，另包四選一嘅湯飯。不用四百蚊，仲要係份量比預期中多，真係抵食！唔知係咪已過午飯時間，主要得兩個姐姐負責哂落單，上菜，收錢，亦唔見有以前嘅韓國大媽。生肉嚟到時本來有一位姐姐幫我吔烤，話見個爐因未乾透而冒煙，之後就交畀另一位姐姐，但那另一位姐姐又愛理不理，我吔就等咗好一陣子先有人嚟再幫我吔烤肉，中間都好幾次係要自己烤自己剪，冇咗以前鐘意呢度嘅韓國風味，食得唔夠暢快。湯飯我吔揀咗豆腐湯，唔好誤會，呢度所指嘅湯飯其實係湯加白飯，而唔係類似中式浸咗飯，可能因為有唔少客人唔知會跟一碗白飯，餐廳就係全部湯後面加個飯字。整體嚟講比想像中足料。湯唔止夠紅，仲好夠味，飲到底仲有唔少辣椒，唔食得辣就唔好揀呢款喇。除咗豆腐外，原來仲有雞蛋同海鮮，兩隻蝦配少許蜆同八爪魚，超滿足。我吔就另加咗一碟泡菜豬肉餃，大大隻好足料，特別夠泡菜味，而唔會主要

之前食過仁沙洞嘅晚市， 今次諗住同朋友去試下午餐好唔好食，點咗個咖哩吉列豬扒飯，同埋牛肉飯。 嗰日啲前菜麻麻地，啲泡菜冇乜味， 可能未醃好🤔🤔 整體嚟講啲味道一般般，影相就幾靚，午市就冇咁建議去食la，但係仁沙洞嘅晚市燒肉係好食嘅。

成日食呢間，午餐好抵食。set lunch包好多前菜、湯。中意食呢個辣炒豬肉飯。豬肉量超多，而且味道正宗，辣得黎少少甜，送飯一流，都只係賣四十幾蚊。老闆係韓國人，所以水準係度。