影片
星期六谂住同妈妈两个去饮茶！12点去到拎张飞话要等5至6张枱 好啦谂住好快 点知等左成个钟！眼见d客有出无入就开始觉得奇怪！再细心留意下 原来d熟客自己落去揾经理拎枱！一个系咁两个又系咁!!! 结果睇住成5,6张枱都系咁样俾晒d熟客 而我地呢d唔识人既就系到呆等! 话就话等5 6张枱但其实系等紧十几张枱！同个知客讲佢仲声大大咁话无呀我都无带人落去坐! 但我明明睇住佢带佢落去跟住个经理级既人帮佢揾左张枱坐低!!! 结果我同妈妈两个人等左成个钟先有位!!! 真系等到火起！仲搞到我地由本来唔赶时间等到要劲赶咁食! 真系短期内都唔会再黎!
继续阅读
从垦丁回港，可谓车机劳动，返妈妈家放低晒行装，同爸爸一齐去食晚餐，乱咁食左几日，妈妈话正正经经去酒家食下小菜啦，于是拣左大会堂呢间「京都高级宴会厅」可能呢晚开始想打风，无乜客人，我地三个人坐张六人圆枱，好松动，店员更细心咁提示妈妈边个系风口位唔好坐o个边。一坐低就比一张「3大晚饭皇牌」嘅menu 吸引左，几样野睇黎都几抵食，亦合理地只可以享用其中一样惊喜价1.蒜蓉蒸波士顿龙虾~ $38 半只 , 以价钱黎睇 , 应该只系好似虎虾咁o既 size 事实系 ... 有手掌咁长 , 连埋个大龙虾钳 , 非常抵食 !蒜蓉适量而且好香好好味 , 蒜煮火侯刚好 , 保持肉嫩味美龙虾啖啖肉 , 鲜甜弹牙 , 豉油咸左少少 , 如果有粉丝就正喇 钳o既肉又有另一种口感 , 较为淋身 , 无咁重蒜味 , 多一份海水鲜味2. 百花煎鸡脾菇~ 百花即系虾胶 , 好似煎酿三宝咁 , 酿o系鸡脾菇上面煎香再埋返个酸酸地o既芡汁 , 几特别 , 个芡汁都几好味鸡脾菇淋得黎都仲有 d 爽口 , 唔错 =) 虾胶可以再煎得香 d 3. o者o者虾酱通菜煲~ 本身 menu 系跟唐生菜 , 店贝话卖晒 .. 所以转左做通菜味道更加夹 , 用煲可以保持佢热同埋唔使咁快出水 , 虾酱好香 ,唔系一味得个咸字 , 通菜都好翠嫩以为转左通菜份量会少 d , 点知大咁大煲 , 正 !!4. 窝烧无钖骨~ 骨o既位置好好 , 全部都有软骨 , 又唔会好肥 , 可惜佢炆得唔够淋又唔入味 , d 肉好韧 , 有 d 位直程咬唔开加上个汁都系唔够味 , 食起黎似普通煲汤瘦肉咁 ,垫底o既洋葱仲系好生 , 成煲野都唔好食 , 系呢餐o既一大遗憾## 一度考虑过比 ^_^ 定比 OK , 无锡骨真系拖低晒 D 分后来因为 OK 后o既一句 , [ 一试无妨 ] ... 都系比返个笑脸佢啦因为觉得另外两个晚饭皇牌都好值得试 , 无锡骨 ... 下次唔叫就可以喇
继续阅读
母亲节黎饮茶, 第一次, 但唔会有下一次!!d野超级唔好食!!xxxx饺(唔记得个名, 英文话系vegetarian, 但系系有肉...)个皮劲"梅"流沙包系好流, 但系系假流--> 糖水.....最过份系叫左呢个"小食"货不对办!!!好过份!!!唔会再黎!!!
继续阅读
今餐没相有时间就看，没时间就略过。请见谅，谢谢。鲜虾菜苗饺--虾够弹牙大只，亦食得出菜的鲜味，看菜叶比巿面买的剁得大块冇咁细腻像馅蓉，观感有diy feel都系一件可喜的事，只系个饺皮推测一系昨夜晚巿的剩余货尾一系蒸时有水滴湿个饺皮以致用筷子从蒸笼夹起时较为黏及质感较烂，像用饭煲翻蒸旧饭那感觉。烧卖皇--原本去茶楼不一定要食虾饺烧卖的我是因为怕怕它的肥，但今次我又出奇觉得烧卖很弹牙又不太肥以致我的喉咙要ur油顶住胃。春卷--这个新鲜滚热辣上菜即食，平日去酒溇这个唔系必食的我都忍唔住encore，因为春卷炸得不会一阵很臭的油益味。咸水角--因为平日一贯又系去茶楼唔系必食这项，故觉与一般咸水角无异，够热辣内馅稔就已可以，说得上对这项没要求。烧味拼盘--一般，因本人一向不喜欢烧味故没意见。富贵花姿蚌片--都ok，可幸是个蚌片炒完都仍幼嫩带鲜味。花胶海参粉丝羹--在旁的那位不想食而带挈我帮佢擦多碗，但一向对山珍海错没太大研究通常食完算。都系一贯做法找浓汤肴其实去到任何一处普通食肆我都视作味精汤，其次汤料都算多又鱼肚又其他贝类算系咁的了。蚝皇饱螺片时蔬--螺片算爽嫩食得出鲜味，我谂蚝皇即蚝油献，不过庆幸不算蚝油落得多，不然过咸就不好。清蒸大海石班--这个意外的不错，蒸得时间刚好，够幼嫩鲜味，平日唔系样样鱼都食的我都忍唔住嚷着要鱼。XＤ京都一品烧鸡--在旁那位都食了数件佢话不过不失，就一向怕食鸡就没试故不作评论。蚝皇伊面--炒得中上，我眼中只要炒得够热够干爽不会黏油上嘴油lup就是好，全部它做到了。福建炒饭--一向不喜欢中式炒饭，不过与我上述要求一致。甜品--红豆沙，都不错，我觉得一间酒楼如果连整个红豆沙都令人失望的话，我谂我会对主菜有保留(因为试过)。^^食后感：因我都只系例行公事而开这餐饭，基于我没付钱白食白喝而不会提交相片每一道菜都一一评论，不过事实论美味上次旺角新世纪湘川沪的确会比这里美味，当然食饭埋单实际数目我不知道，不过我除了感谢那机构的款待外，诚然一切非奉旨，其次我今天出文又不交相其一不想饭局失仪其次给要搞开活动的人作一个参考不用浪费预算。thanks味道我想俾3与4分的中间价钱不详抵食那项俾3分
继续阅读
数十年老朋友的聚会，散居港九新界各地，能找到适中的地点是沙田。由于不能订位，只有早到占位置，老友重逢不在乎食物品质，只要能相聚一堂闲话家常便能尽欢。餐厅离铁路站6~7分钟步程，但标示不明缺乏指引，应有改善空间。但相较于商场的人流拥挤的食肆一位难求，轮候时间太久，这反而能吸引不在乎食物品质的客人。餐厅楼下是婚姻注册处，亦方便新人或准新人宴客餐聚，全场客满在于位置的优越而非其他。如同一般粤式酒楼，午市供应各款大路点心与粥粉面饭，以常物质素而论没有惊喜，甚至难给与合乎一般午准的评价。肠粉、虾饺、带子饺皮厚味薄，山竹牛肉松散而无肉味，腐皮卷火候不足无酥脆口感，萝卜糕、马拉糕、炒饭、炒面也只具填饱胃场的功能。繁忙时段工作人员显然力不从手，不过态度尚可，并未遇到恶形恶状的对待。综合而论地点是优势，食味并非经营重点。
继续阅读