京都大酒樓

营业中

休息中

以下是2023年9月30日星期六晚上七時三十分開始的真人真事，本人訂了慶中秋全包宴$3788 全部10個菜加我們叫了酒水單點，事情是全宴好像趕着收工的上菜不分什麼菜先後很快放滿枱上，不停叫我們換細碟再上菜，「雞，魚未上已見到美滿蟠桃（壽包出現），之後發現魚同雞放在隔籬枱，注意頭盤都未食完，而且全場只做滿六至七成人，30分鐘內已上了8個菜」，當中頭盤乳豬五福拼盤當中的滷水鴨有變壞的味道，上湯美國龍蝦伊麵的龍蝦大大件沒有切開，食的時候很麻煩不夠分，鮑魚只有果皮及油，豉油都沒有放完全冇味道，紅燒花膠海皇次是假的魚翅，而且沒有味道一點都不好食，鴻福X任何一款湯都比它好，XO帶子蘭花蚌是冇西蘭花的，味道不想說了👎🏽👎🏽👎🏽，雞放了很久之後再放上枱，大家知道乜嘢後果啦，鮮蝦荷葉飯剩係得飯，啲蝦都唔知去晒邊，看到啲飯的色就不想食了，當中上到第四個菜，我們已通知樓面菜上太快，但之後還是很快上到第六個，之後就看到雞和魚都上了放在隔籬枱，真的很氣憤，香港就是有了這些飲食集團管理，導致香港人不再留港消費的原因了，本人這次的經驗感覺他是當中的原因之一，回想當年香港粵菜的筵席是很有規律及有秩序的一度至兩度看客人

上網見到e間餐廳為慶祝4週年，推出左4款1蚊優惠，選擇包括養生湯、燒鵝、皇子豬同鮑魚咁抵點可以唔去試下😎😎.💎 $1/位 原盅清潤養生湯食中餐前點少得飲湯呢，所以我地就揀左養生湯湯好清甜，可以飲到肉既鮮甜同藥材既回甘味而且湯料亦都好多，有雞腳、豬肉同一d藥材飯前飲碗養生湯真係唔少得😍😍.💎 $98 紅蔥醬肉雞/半隻雞肉肉質鮮嫩多汁雞肉醃得好入味無論雞皮定雞肉都食到好香濃既醬油味雞肉上面仲加左d炒過既紅蔥，夾埋一齊食味道就更加豐富，鮮甜之餘又有蔥香味如果覺得蔥味唔夠濃厚，仲可以點埋佢配既蔥油所有野加埋一齊食真係絕配🤤🤤.💎 $128 石鍋醬皇斑腩斑腩肉質鮮甜斑腩因為炸過，所以皮面非常香脆而斑腩吸左醬汁後鮮甜味更為突出放入石鍋後，斑腩又會多左鑊氣既味道，令其味道更為豐富食完斑腩仲可以食配菜，同樣非常有鑊氣同醬汁味十足😋😋.💎 $88 南乳粗齋煲食左咁多肉，點少得食d菜解下膩入面菜既種類非常之多包括有筍、粉絲、腐竹、菇等每一款菜都吸曬醬汁既鮮甜味令人好想一食再食攞黎配白飯簡直一流🥰🥰

放工同屋企人喺附近食晚飯咁啱撞正4周年 可以$1優惠價食鮑魚（一人一隻）/養生燉湯（一人一盅）/燒鵝（1-3人1/4隻；4-6人半隻；6人以上一隻）/乳豬（4-6人半隻；6人以上一隻）三個人嗌咗1/4隻燒鵝：$1嚟講算唔錯 同唔會太肥燒腩仔：燒得幾好 食得出燒出嚟嘅味道 不過食到後尾會有啲濟龍蝦伊麵加芝士底：個麵真係好好食！同份量都多 我哋三個人每人大概都食到滿滿兩碗麵好索汁 龍蝦已經唔係重點壽包半打：本身都驚3個人會食唔晒 以為要打包走 但好彩佢算細粒 輕鬆一人食兩粒 入面係蓮蓉蛋黃餡 好綿滑埋單500幾蚊都算不錯

約老友出來相量旅行大計 兼晚飯，地點定在黃大仙近地鐵站交通方便。 選了「京都大酒樓」可邊吃邊慢慢傾。 曾在這間酒樓飲早茶，見多款抵食套餐和不同配搭孖餐等。都很吸引！ 酒樓光猛地方闊落都相當好坐。 吃過小菜和點心都好味道的。 今晚二人選了 :孖寶套餐A生炸皇子鴿2隻乳鴿比想像中大隻，夠入味啖啖肉，皮脆肉嫩，肉汁豐富。灼海生蝦足有一斤！隻隻肉質扎實爽彈，好鮮甜！豉汁蒸大鱔份量都不少，豉汁味道調得非常惹味，每件鱔片厚度剛好，爽滑口感。醬汁包住鱔片夠入味，相當滋味餸飯真一流！這頓晚飯吃得很滋味，抵食！服務好，味道好真不錯！

Nice Decor Chinese Restaurant@Wong Tai SinMy friend and I went to a restaurant called "Capital Restaurant" (京都大酒樓) located in Shop 1A-B, 2/F, Ho Yuen Centre, 110 Lung Cheung Road, Wong Tai Sin黃大仙龍翔道110號豪苑商場2樓1A-B號舖this restaurant is decorated in modern style with majiang club next to it..because this restaurant is in 4 years anniversary.all customers can enjoy roasted goose/abalone/roasted Suckling Pig or double boiled soup in just HKD$1!!we chose to enjoy roasted goose in just in just HKD$1!!!!

朋友相约我到黃大仙區京都大酒樓食晚飯聚舊。 .入進店門口見到海報宣傳 晚飯優惠三選一 等, 真係好抵食 。.餐廳店有傳統的中式裝潢,光猛舒服。..首先送來小食【滷水豬仔腳】$63豬仔腳肉及皮又嫩又入味,有香濃滷水,不知不覺食多幾件,送酒不錯小食。..【清潤養生燉湯】 $38這湯好足材料,味濃好甜,又能滋潤補身,連餘下湯渣不放過食呢!..晚飯優惠三選一我們選了【清蒸富貴斑】$38 平日價這富貴斑想不到都好大條,蒸得不會過火,入口魚肉嫩滑,十分新鮮好味,連朋友不愛吃魚都說好味道食。..【上湯焗西澳龍蝦伊麵】 $288大隻龍蝦啖啖肉,肥美肉厚,肉質鮮味爽甜可口兼彈牙,食得出是新鮮的,配上上湯可食到龍蝦原味,在旁有好滑伊麵。.美食當然配酒,我們選擇飲下啤酒。

今次來到黃大仙的京都大酒樓用餐，吃到了不少美味的點心。這讓我想起小時候常到黃大仙探望婆婆一起品嘗美食的時光。🥰我非常喜歡吃水晶蝦餃皇，外皮晶瑩剔透，內餡鮮美可口，令人回味無窮。😋另外醬皇金錢肚和蜜汁叉燒包也非常好吃，餡料豐富。😋香煎蘿蔔糕的味道也很不錯，煎得香脆可口，裡面的蘿蔔絲則保持了原有的清甜。😋最後，他們的香滑芝麻糊和紅豆沙也讓人驚喜，口感綿密順滑，又暖胃。😋酒樓嘅服務員非常親切友善，可能呢度都係黃大仙嘅街坊，見佢哋都會同老人家小朋友吹寒問暖，非常有人情味！🥰

假日起身去飲茶，去咗近黃大仙地鐵站A出口嘅京都大酒樓，環境都好大，座位滿滿，好難先搵到有位坐，坐下後，睇睇張點心紙都好多款點心選擇，仲有特價優惠嘅點心、小食、粥粉麵飯等等先嚟嘅係即叫即整，熱辣辣嘅 [ 金珠鹹水角 (中) ] 外皮酥脆，餡料鹹香軟糯，外甜內鹹，外脆內軟嘅點心。再嚟就係 [ 蜜汁叉燒腸粉 (大) ] 蜜汁叉燒甜甜地，份量滿滿，腸粉皮好滑，口感軟又煙韌，唔會蒸得太腍外層軟綿嘅 [ 潮式糯米卷 (中) ] 糯米卷口感綿軟黏滑，有花生粒在內，軟綿中帶點香脆。[ 順德鯪魚球 (大) ] 大大粒鯪魚球，魚肉中加入芫荽，口感鮮甜彈牙，加埋胡椒粉調味更佳去飲茶當然唔少得叫 [ 水晶蝦餃皇 (特) ] 皮超薄，半透明狀，一粒蝦餃內有幾隻大隻彈牙蝦仁，食落口感豐富，味道鮮味。半透明狀嘅 [ 潮州粉果 (大) ] 大大粒，皮夠薄，入面餡料好豐富[ 京式小籠包 (大) ] 皮薄餡靚，咬一口爆哂啲湯汁出嚟。最後就叫咗碗 [ 瑤柱灌湯餃 (特) ] 大大隻黃色嘅餃皮包住裡面滿滿餡料，餡料中有瑤柱、蝦仁、菇等等，清甜嘅湯，同口感豐富嘅料一齊食，超正假日午市茶位 $13/位假日午市 小點/$22.8、

最近酒樓做緊晚市優惠，有$10一隻燒雞，於是就帶媽媽兩個人試一試。酒樓位置方便，地鐵站3分鐘路程，方便一家大細。我地平日夜晚7點到，唔算好爆，樓面好貼心，安排咗相對較靜嘅位置俾我地。入到酒樓，感到人情味濃、令人放鬆嘅環境。「靚湯孖寶」（$398）（⭐⭐⭐⭐⭐）酒樓做緊好多套餐優惠，仲可以配合晚飯優惠。我地叫咗「靚湯孖寶」，有冬瓜盅同西澳龍蝦伊麵。冬瓜盅十分大個，適合4-6人飲。依排天氣酷熱，真係不二之選！不得不讚係個湯用料十足！有蝦球、帶子、草菇、雞肉等等。冬瓜肉軟熟鮮甜，充滿湯水，非常適合食得清淡嘅各位。酒樓所選既冬瓜亦十分出色，除左味道十足之餘，瓜肉亦十分厚身，淨係刮d瓜肉都起碼有5、6碗，超級滋味。龍蝦伊麵同樣有驚喜，龍蝦大大隻足一斤，非常厚肉，要用刀叉切絕對唔誇張，唔係另外酒樓細細隻既波士頓龍蝦size！部長問我地洗唔洗幫手拆肉，我地都婉拒了，多謝佢嘅細心。龍蝦先經油炸，令肉質更突出本身的鮮甜味。龍蝦係魚缸即場挑選的，保證新鮮。伊麵同樣出色，麵底完全吸收了上湯的精華，真係好食到食唔停！脆皮飛天雞（$10） （⭐⭐⭐⭐💢）上菜一刻霸氣十足，將成隻雞插在鐵通上，燒至金黃色，雞油不時

同屋企人三個人來吃，屋企人先來開左台，但我唔知道已經開台了，我又開台。因為員工話要到早餐deadline 要我地快d點野食，然後兩邊都點左野。3分鐘後，發現原來彼此已經開台了，就跟員工講左情況，然後就坐在一起。 同員工話，要退了一張單的菜，佢地話可以。說了幾次，她還說 她們出錯她們負責，客人出錯，不關她們事！說話很自私！ 明明只需要同廚房講一聲cancel 就可以解決。但佢地乜都無做。甚至最後仲大聲呵我地。其實如果菜品已經上左嘅，咁我就認了，有幾樣東西明明等超過廿幾30分鐘先上，明明係可以退的，只要佢去講說一句，就可以解決嘅問題，但就偷懶一句說話不可以！！ 我地先三個人，佢都不驚浪費食物，硬是要客人接受，話係咁大間酒樓嘅制度就係咁。 真係好過分！！

記得細個時一有得去酒樓食飯就好開心😀雖然都係食廣東菜🥢但始終有得出街食就係興奮！小朋友就係咁易滿足😉😉是晚同屋企人幫襯久違了嘅京都大酒樓！發現裝潢都跟上咗時代步伐💘光潔明亮高樓底！食物依然質素好好！係個同親友歡聚嘅好地方！！. ✨脆皮飛天雞 $10晚飯優惠三選一😊揀咗最抵食嘅飛天雞！(每2-4位可享用一隻)🐔原隻嚟上枱好架勢！皮脆肉嫩！肉汁香溢超juicy！用附隨住嘅膠手套拎住大啖啖食好過癮😜😜. ✨豉汁蒸大鱔 $138超值之選👍🏻👍🏻新鮮鱔肉每件肥大肉厚！配上豆豉, 葱花, 豉油添加滋味！非常好食！. ✨燒汁野菌牛柳粒 $108用料多且色彩繽紛😄除咗醃製得極軟腍入味嘅牛柳粒之外！仲加入咗香噴噴野菌🍄、黃椒紅椒、爽口翠肉瓜🥒炒成！鑊氣夠！. ✨蒜蓉炒莧菜 $88😌越簡單嘅菜式越顯功架！喺屋企真係比較難炒到咁翠綠又剛剛好火喉嘅青菜🥬喺酒樓食就啱喇！！.✨茶芥$15@位✨另加一服務費

29/5 8 人食晚飯, 點左半席加餸, 食物OK, 但係招呼唔得, 唔會去第二 次, 絶對唔明點解未到晚上 930 , 當時仲有幾枱客未埋單, 樓面要好急咁叫我地埋單同埋執枱, 埋完單我地仲坐係枱度就有執枱工過來執碗碗碟碟, 我地當時仲有朋友去左廁所, 咁就坐係度等埋, 執枱工就咁都等唔切, 要叫左幾次我地借過, 我地 幾個人企晒係度唔明乜事, 原來要借過比佢反起張枱面碌走, 跟住我地住個位又係阻住佢地, 原來佢地要立刻拉隔離中枱填翻個位, 都唔知係經理定係樓面要倒老闆米,  一D 都無顧及客人感受, 本人已經叫左親戚朋友唔好幫襯, SORRY 呢D 真係接受唔到囉 8 人點了半席另外加一個冬瓜盅, 見唔到冬瓜盅係乜野樣就已經筆左湯比我地嚕, 其他餸菜因為賣相唔捁別靚, 無影相的衝動, 而且份量唔太足夠，乳豬, 蝦, 雞都好細碟, 全部都係BB 咁, 性價比不高 , 蒸鮑魚都比較韌, 各款菜式味道還可以, 但點左席餐就不能點特價餸了

7點鐘入位，其中一個餸係叫咗炒烏冬。等半個鐘食，其他嘢都食完，就係個烏冬重未到，諗住賣單，佢地話就快煮完再等等一下。又等咗半個鐘，8點再追，然後出嚟先話廚房無烏冬，然後叫我哋走。去賣單，個經理行過嚟話”都一早叫咗你地除消。”🤯🤯🤯？係你哋同我哋講就快有，我哋先等。跟住就同我哋講今日太多人，廚房好忙。唔會有人答佢哋嘢。😨😨😨？？？？？？？？呢個唔係企業問題，點解要轉介俾消費者？🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️

這天晚上我約了朋友在黃大仙吃晚飯，經過家人的推薦，我們便決定來到這間中式酒樓試一試，店內環境非常寬趟和清潔衛生，店內客人很多，證明食物的質素應該非常不錯孖寶c餐($368)清蒸星斑仔星斑仔嫩滑細密，非常新鮮，十分大條，蒸的時間控制得好，所以魚肉不會太老，用豉油調味，用蔥花做配襯，賣相很吸引脆皮燒鵝皇燒鵝皮燒得非常脆口，肉非常嫩滑，配上酸梅醬，味道酸中帶一點清甜，令人十分開胃，份量廷多，這個套餐很抵食脆皮飛天雞($10)酒樓提供幾款餸，用很優惠的價錢給客人選擇，我們選擇了脆皮雞一隻，雞肉香稔軟嫩，份量很多，酒樓十分細心，提供剪刀和一次性手套給客人使用茶夠濃水夠熱，侍應亦會積極幫客人加熱水整體來說，食物的質素非常高，食物的份量非常多，食物的選擇非常多，食物的用料非常新鮮，食物的賣相非常吸引，食物的定價相對合理，而店員亦有良好的服務態度和積極，所以我認為這間酒樓是值得再去惠顧

京都酒樓（ 黃大仙）今日到黃大仙同老公食晚飯，我同佢揀咗一間就近嘅酒樓，估唔到食物質素非常好。酒樓環境闊落，枱與枱之間相隔適當距離，坐得舒服。 1. 養生鮑魚燉湯$38每位我同老公叫咗一人一碗燉湯，燉湯材料非常豐富。湯汁好清甜、滋潤，有滿滿嘅鮮甜味。另外材料非常多，有雞腳、豬肉、鮑魚等等，雞腳已經煲到好林，豬肉鬆化，鮑魚有咬口。2. 晚飯孖寶$328我哋見到個孖寶套餐好抵食，所以就叫咗一個set。※ 青瓜子斑瓜子斑非常新鮮，面頭鋪滿薑蔥，為青斑增添風味。魚肉又香又滑，又唔多骨。豉油甜甜地，經過特別調製，好適合蒸魚。※ 潮蓮燒鵝皇燒鵝王非常吸引，今次食到髀位。燒鵝皮燒到金黃色，又香又脆。燒鵝肉油而不膩，非常可口，所有調味都剛剛好，好出色。3. 飛天雞一隻$10餐廳仲做緊一蚊雞嘅優惠，我同老公決定叫埋品嚐一下。飛天雞係吊住咁上，啱晒打卡。我飛天雞香噴噴，炸得好靚。外皮香脆，雞肉有油香，而且非常嫩滑、juicy，好抵食！