京華茶餐廳 (已結業)

本來係想去金家樂，但唔識路，搵o左好耐，又見時間差不多，唯有入呢度。小菜飯餐都會跟飲品同$15 o既燉湯，好抵好正。小菜好大碟，叫了麻婆豆腐，好惹味呀，送飯好得。但因太大碟，同老公share一人一半啦，8點食，到夜晚12點都唔覺餓。呢度都幾懷舊feel。

喱間茶餐廳絕對係喱個舊區o既臥虎藏龍,尤其食lunch.叫任何飯都送飲品同原宗焞湯,最正就係個焞湯,係唔係原宗就唔知,但原汁原味,有六種湯揀,例如清補涼龍骨湯,大長今人參雞湯,花生豬骨湯等,淨飲一宗都要$16,o係牆上面貼晒D湯o既介紹同食療功,一流.叫個"巨大北姑滑雞飯",$22,唔知點解佢D蒸飯全部都加個"巨大"o係前面,又唔係好巨大.但D雞真係好滑,都好多舊o下,冬菇麻麻地,有陣up味.蒸出D雞油,流落D飯度,攪到D飯極香,但女士們可能覺得太油膩.湯就叫大長今人參雞湯,D湯清清地有陣參o既甘香,每宗都有條參o係度,同埋煲湯雞,係參咬落又有甘香,真係唔到你唔信.最緊要係冇味精,嚴重超值.