享樂烘焙

营业中

休息中

💛享樂烘焙。特濃抹茶拿鐵麻糬小吐司💛小編之前食過特濃咖啡Baileys小吐司，覺得幾好食，所以見到呢款就想再試吓，仲要有麻糬，不得了。可惜非常失望。麻糬唔煙韌，而且偏‘林’，唔係小編鐘意食嘅麻糬。味道方面，因為寫咗係特濃，所以期待佢有好rich嘅抹茶拿鐵味。但冇期望就唔會有失望，食落口第一啖係乜味都冇，食哂成塊都冇乜料到，到最後小編頂唔順，自己搽咗開心果醬。而且唔知點解個吐司好散，無論切幾厚都係會散哂，同之前食嘅吐司完全唔同。呢款冇下次。但湯種芋泥貝果一定可以再買。特濃咖啡Baileys小吐司都唔錯，但食完呢款驚驚地，下次思考吓要唔要番兜。

三顧茅蘆終於試到冰心麵包🤩包體一般，如果空氣感啲應該會夾啲，但個抹茶cream 好正🤩爆唒出黎然後夠滑😋茶味重唔會太甜Cinnamon bun好似係用左brioche 去整，呢個包體幾好，夠鬆軟👍但反而太甜唔夠肉桂香買左幾個bagels幾鐘意佢細個啲平平哋，咁就可以一餐食一個🤣但坦白講唔覺得有特別好食，包唔夠韌性，味道都一般。可能因為而家options 太多🤣黑芝麻scone芝麻好香好濃，唔知係咪因為咁蓋過哂其他應有嘅香，同埋scone 好痴牙🤨

每次經過九龍灣/新蒲崗都會幫襯呢間店嘅麵包💛 因為真係好好味，而且性價比高！平時多數買佢嘅bagel/ 麵包，今次第一次試呢個戚風蛋糕、同埋牛角包～牛角包買嘅時候係好酥脆，不過我帶番屋企到夜晚食所以淋咗，但味道仍然好好～💕 檸檬牛角上面酸酸甜甜嘅檸檬味糖霜好好味，入面仲有檸檬味cream cheese餡添！🍋 而朱古力牛角包亦好足料，朱古力味夠晒濃☺️戚風蛋糕超鬆軟、伯爵茶茶味好香，味道唔好太甜～☕️

享樂原味冰心麵包終於試到享樂夏天限定的冰心麵包了。每天14:30出爐，買到後要盡快拿回家冷藏，整個過程實在不容易呢。今次只有原味和焙茶味選擇。先試試原味原味亦即是雲呢拿味。從冰箱拿出來降凍約十分鐘，忌廉稍稍軟化。滿滿的忌廉，一按餡料就狠狠地爆出來。忌廉軟心有香濃的奶味。裡面還有雲呢拿籽。忌廉甜度剛剛好，不會油膩膩。麵包冷藏後亦不會變乾。 早上食簡直透心涼，十分邪惡。下次想從冰箱拿出來後直接食，應該會有冰淇淋口感。

嘩嘩嘩！呢間真係未食過都聽過😆啲bagel🥯出名抵食，次次去都好多人‼️新蒲崗同埋九龍灣都有分店，遲啲元朗都有分店🤤🍵 特濃抹茶麻糬貝果💲2️⃣0️⃣💓推薦程度（最多5️⃣分）好味指數:⭐⭐⭐抵食指數:⭐⭐⭐️抹茶控嘅我哋🍵諗都冇諗一見到呢個就即刻買左🥰一咬落去佢係有好重嘅抹茶味😍偏向有少少苦嘅茶香 唔係甜嘅味☺️不過入面嘅麻糬就唔係話好多🥲對於鍾意煙um有咬口嘅我哋就覺得唔夠滿足🥺🫐 湯種藍莓乳酪貝果💲1️⃣8️⃣💓推薦程度（最多5️⃣分）好味指數:⭐⭐⭐⭐抵食指數:⭐⭐⭐⭐我地就鍾意食呢個多過抹茶🤫呢一個入面會有cream cheese😍比上一個味道濃味好多☺️有cheese嘅鹹味🧀又有藍莓🫐嘅甜味兩隻味好夾🤪可以填補到第一個食完唔夠嘅滿足感😛Bagel我地係係蒸熱嚟食，值得大讚嘅個包一啲都唔硬👍🏻幾煙韌😋係我鍾意嘅質感😚所以都會再回購其他口味🤤

最近都去買咗幾次，中午時段店內都有好多款口味嘅貝果提供。除咗貝果外，舖內都有麵包、蛋糕同曲奇等食物可以買。店員補貨速度好快，食物貨量充足。湯種野生藍莓乳酪貝果 $18貝果口感很煙韌，亦好足料，呢款係會不斷食到藍莓或乳酪，酸酸甜甜都幾開胃。湯種伯爵麻薯奶茶貝果 $20望落色澤似有放唔少伯爵茶粉，但食落味道係偏淡，反而麻糬味道會比較突出，甜甜哋嘅黑糖味仲會蓋過茶味。湯種芋泥貝果 $18本來對呢個貝果期望值都好高，嘗試後有少少失望。以芋泥為主打，但味道偏淡且餡料都唔多。湯種特濃抹茶麻薯貝果 $20抹茶貝果內仲有抹茶味乳酪，味道夠曬濃郁。而麻糬係牛奶口味，口感都好煙韌，一齊食可以減少抹茶嘅苦澀味。湯種朱古力紅莓貝果 $16裡面有唔少朱克力粒粒，融融哋好好食，味道都好濃郁。而紅莓分量好少，唔係好食到。貝果飽腹感好強，早餐食一個就會好滿足。但都建議大家即日食用，有試過第日焗返再食都係好韌。

自從享樂出左冰心之後，團購又訂唔到🥲 又比較少去九龍灣，weekend 終於有時間去到喇！早早的去好多味都有存貨，包括bagel、scone同冰心！！！每次見到濃濃爆棚既cream都覺得勁邪惡好想食！去到岩岩有新鮮植好既冰心，總共有三種味道：原味/抹茶/焙茶，拿拿臨買番屋企雪30分鐘岩岩好又唔會太凍。包身都係偏chewy薄薄的，對我黎講佢只係用黎盛戴忌廉，所以忌廉才是主角！！！🤤🤤🤤 痴線一切開，幾乎爆餡，食完兩個好滿足（因為拍攝關係要切哂兩個，一定係除非唔係）抹茶味用小山園抹茶粉一向出色，不算苦而且忌廉幼滑又夠濃郁！比例亦好好，抹茶既澀味剛剛平衡到甜度，由頭到尾都勁滿足焙茶相對苦澀味不重，變相顯得較甜，如果可以低糖番少少會更好。仲有兩隻係雪櫃，店員話可以keep 3日😬😬😬 到時雪冰啲當雪糕食🥰🥰🥰—————————————————享樂烘焙 (九龍灣)九龍灣常悅道21號The Eastmark地下3號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies

享樂烘焙出左焙茶味既冰心包一段日子都冇試過 知道佢2點半會出爐 放假就特登入九龍灣買黎試試佢之前已經食過好多次享樂既包 身為愛食麵包既人 簡直係入左天堂甘💫太多太多口味比我揀 每款賣相味道款式都好吸引人😍再加上本人係抺茶迷 更加更加愛享樂既抺茶包包🤪👍🏻今次買左2個抺茶冰心包 其中一個即買即食😝另一個帶回家雪凍佢黎食😚就好似食緊雪糕甘 好好既飯後甜品💓仲買左1個焙茶冰心包 焙茶味不錯 但可以再濃啲please😅冰心包唔止食內涵 本身個包都好有奶香甜味 又彈口 令難唔令人一口接一口啊😆🤤yumyum!!今次竟然比我搵到scone 啊🤩 之前見佢新出左scone 但搵左幾次都搵唔到 今次現場仲有好多款味scone比我揀 最後買左抺茶味同咖啡朱古力味 試左之後感覺抺茶scone相對比較乾 that’s not my type 而咖啡朱古力味道更出更濃郁 不過下次都唔會番買 試過一次就好了 享樂既小吐司🍞不嬲都幾好味✨👍🏻今次試左隻新口味 就係咖啡Bailey 小吐司入面真係有加入Bailey 酒精🥃 雖然本人覺得味道可以更濃郁 但本身小吐司做得好綿密又鬆軟香甜 好好味 所以都值得一試！😙

好難得經過！緊係買黎食啦😍紫菜肉鬆芝士貝果🥯焗返熱食先！一個圓轆轆嘅貝果🥰🥰好心情～口感好紮實😙😙肉鬆份量夠多，正呀😜隔離個啲係芝士？唔咸嘅芝士，我仲以為係乳酪添🤣🤣🤣紫菜呢我都唔知去咗邊😎整體來講係鍾意❤️食嘅經過會再買同埋試埋其他味呀！

由新蒲崗舖開始支持睇住佢九龍灣分店Bagel質素一直keep得好好仲越出越多味道好值得試私心推介呢款特濃抹茶拿鐵麻糬小吐司($35)軟軟既麵包充滿抹茶香仲有夾雜拉絲麻糬對於本來麻糬控既我地黎講完全無任何抵抗力

Bagel粉點會無食過呢間出色bakery嘅bagel呢？今次去買冰心包時見到有兩隻新口味bagel當然要買嚟試吓啦！土耳其無花果焙茶貝果用氣炸鍋焗返幾分鐘就食得，一出鍋外皮超卜卜脆內裡又唔會乾，仲保持到幾煙韌！講返味道先，完美榮升我最喜愛嘅享樂bagel，內餡好多仲見到粒粒無花果籽加上包體焙茶味都幾出，鍾意食無花果嘅朋友一定無投訴！講完出色嘅土耳其無花果焙茶後就要講吓芝士味啦，芝士內餡都好多但整體無乜驚喜同香味唔係好突出，包體煙韌感亦唔夠，有少許失望，相對之下亦比較失色。

紫菜香蒜芝士肉鬆貝果 $20呢個係呢間麵包店嘅少數咸味bagel。除咗小小嘅接駁位，成個bagel係充滿大量cream cheese同埋肉鬆餡料。雖然係有紫菜同埋香蒜，但蒜味淡，怕蒜味嘅朋友都可以放心食。bagel口感煙韌，飽肚感強烈。我係「享樂烘焙」嘅fans，鍾情佢哋bagel同埋吐司系列。20蚊內食到高質素bagel真心抵！最愛哋嘅朱古力紅莓bagel同埋伯爵茶黑糖麻糬bagel。除咗bagel同埋吐司系列，佢哋嘅冰包都好好味㗎！不過冰包係夏天嘅限定產品，要買趁手啦！

🚩新蒲崗/九龍灣-享樂烘焙⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬#drfood九龍灣 #drfood新蒲崗 #drfood包包#drfood芋泥控👆🏻 ℌ𝔞𝔰𝔥𝔱𝔞𝔤發掘更多好西👆🏻⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬大西北人去開九龍緊係要買番幾個享樂٩(●˙▿˙●)۶其實之前都試過唔少口味，例如小紅莓、黑松露芝士、芝麻等等～今次介紹呢兩款口味先🤍係我瘋狂回購既口味🥰⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺湯種芋泥貝果(💰18)🔺湯種咖啡baileys貝果(💰20)𝕽𝖆𝖙𝖎𝖓𝖌: 4.3/5享樂既貝果遍向麵包口感，唔算係行煙韌路線🙈焗一焗黎食表面脆脆地☺️今次食比上次食感覺有進步呢🥰芋泥甜度適中，芋香味唔算出但都好好食😋而咖啡baileys更加係我既最愛🤤雖然唔係好食得出baileys味，但都好濃既咖啡味👍🏻之前食過入面餡料好油膩，今次完全冇呢個問題😍

💮台灣大甲芋泥貝果這款貝果乍看會以為是紫薯口味不過咬過一口，就會吃出滿滿的芋香味芋泥的甜度不會太舖張微甜微甜的，下口很舒服，甜而不膩餡料和貝果的比例恰到好處吃下每一口都沾有芋泥喜歡芋頭口味的朋友不要錯過！💮抹茶麻糬貝果這款抹茶貝果帶有微微的抹茶澀味屬於一款清雅樸實的甜點外皮較芋泥貝果堅實有嚼勁配合上抹茶餡料和軟糯的麻糬十分出色我頗喜歡這個厚實與軟綿、小澀和微甜的配搭而這款貝果我最欣賞的就是裡面的麻糬!

享樂出名食bagel相信好多人都知道, 熱潮都維持左一段時間! 早兩個星期週末黃昏時間去, 已經賣哂冇得食, 所以今日去開九龍灣, 特登早啲去買嚟食先得!!!! 享樂賣嘅貝果價錢普遍都係$1X ~ $2X, 非常親民! 而且款式選擇都好多, 就算係有麻糬嘅款式都只係~$20, 真係好抵食湯種野生藍莓乳酪貝果 $18我拎返屋企用焗爐再烘一烘先食, 貝果外皮脆卜卜, 帶點煙韌口感, 鍾意食貝果就係為咗呢個口感! 餡料方面都俾到足, 入面有好多藍莓, 同埋cream cheese, 每啖都食到有餡料!! 味道酸酸甜甜咁, 好好食!享樂咁受歡迎, 除咗係價錢比起坊間賣嘅平一截之外, 相信就係佢嘅真材實料, 整體好紮實! 一定會再嚟幫襯