亞萊泰 (淘大商場3期) (已結業)

今日星期六.去咗四喜麵包賣嗰個千層吐司麵包🍞.賣咗兩個.因為限量配售關係.所以專程攞去牛頭角給囡囡一齊分享.囡囡帶咗我哋去附近嘅《亞萊泰》嘆返個下午茶！🚶🏻‍♂️👉📌亞萊泰 (淘大商場) (九龍灣)九龍灣牛頭角道77號淘大商場三期地下G266-270號舖我哋總共有四人.可以座張六人卡位.座位舒適.睇完餐牌.都覺得價錢合理.CP值極高.我哋決定選餐如下: 1. 香茅雞翼拼西多士X1 $37元 餐飲𨍭樽裝奶茶加＄10元 2. T4 泰式炸鷄中翼湯河轉公仔麵 X1 $43元 餐飲配凍檸茶加＄3元 3. 喇沙肥牛豆卜湯河 ＄43元 餐飲配熱檸茶 4. T6泰式豬扒湯河轉金邊粉 X1 $42元 餐飲配茶走

淘大的晚市四圍都是人，很多人排隊等位，這間勝在不用排隊，一入去就坐低點餸，真好！環境尚算闊落，坐得尚算舒適~一來就叫個清甜的椰青先再來開胃小菜鳳爪沙律，食到有餘再來多個柚子沙律，食餘一兩啖，太甜小食拼盤（細size）就食餘最多金邊粉都尚不錯，但少料，粉又黏住白飯清！東陰公魚最早最先清，大家搶食！整體而言，環境不錯，食物差少少，價錢不平，但服務態度就超惡劣，落單的侍應好似一邊發悔氣，一邊落單，十分不耐煩似的，問：「無啦嗎！？」好難會再回來幫襯

海南雞飯啲雞又唔滑，又無味，雞鎚又唔去骨，我去食白切雞飯算啦。個香茅豬扒先嬲，一嚟到好似燒汁豬扒咁。食落去又乾又無香茅唔知食梗乜。仲衰過啲兩餸飯。垃圾餐廳，唔好食。

It is such a shame to visit this restaurant. I saw quite a queue in the morning for breakfast. Thought it should not be too bad for lunch, so we went in for lunch. Sadly the food all arrived in room temperature, and all of the meat are VERY VERY DRY. And the ginger rice is not traditional style just coloured rice dry and flavourless. Well the only sliver lining is it is not expensive, $130 for the two of us. So I believe everyone can try it at your own risk.

今日同老婆兩個人一齊去咗阿萊泰食lunch, 佢個lunch最有特色嘅， 莫過於係雙併set, 我老婆最鍾意少食多款， 咁佢主打海南雞同無骨豬手，當然要試吓， 仲有兩個我就選擇致鍾意嘅牛腩同豬扒，如果係喜歡試多幾款嘅， 不防試吓依間。

今日又心郁郁想試新店，打開 openrice，搵到呢間評價不錯。於是當日3點幾去德福行一陣，然後行去淘大食 early dinner。時間快6點，不用等位，即入。枱與枱距離很狹窄，而且我坐近門口果張枱，冷氣弱咗d。我記得有時限，但忘了是75 or 90分鐘。我地3條，叫咗4樣食物：1. 小食拼盤 ($88)：中規中矩2. 串燒 (2雞2豬，$68)：估5到豬軟身過雞，兩款都好味，但我 like 豬多d，沙嗲醬都ok3. 蠔仔煎蛋 ($108)：5掂，完全係炸粉+少少蠔，食5到蛋味，又無蠔味4. 濕炒海鮮水晶粉 ($88)：佢個texture 我5係太接受到，水晶粉冧 pat pat，加上濕炒有茨汁，黐到一嚿嚿，最後真係頂5到，棄了1/3可能我5識揀菜式，結果好壞各一半。。。。。

從前覺得泰菜都幾難整得難食（果然沒有比較沒有傷害😂😂），前個星期試食完另外一間所謂泰菜之後，一直覺得心情有啲缺失😂，今日終於約齊上次一齊中伏嘅屋企人再去食過，食番有保證嘅AROI THAI😋😋食咗好多次，第一次為佢寫食評🤣食泰菜，肉碎生菜包係必點，枱枱都嗌，肉碎有剩要嗌個白飯撈汁清底😋泰式豬頸肉炒茄子第一次叫，味道唔太咸好惹味～可以再encore！咖喱蟹肉農夫包⋯佢一到，連鋪喺面嘅蟹肉都係熱～蠔餅估佢唔到咁大份！同埋因為後到，所以食到尾有啲漏～咖喱蟹肉農夫包同蠔餅真係建議多幾個人嚟可以叫，一人食少少就滋味+唔會太飽啦☺️最後必點係芒果糯米飯，個芒果🥭勁甜完全唔酸，個飯如果涼少少就好⋯比較驚喜係佢連個椰汁都係熱～非常好食！AROI THAI有專人企喺出餐位等出餐，所有菜式嚟到都係熱辣辣嘅，食到底都仲係好熱👍🏻👍🏻熱食唔熱真係好影響味道同感受，所以我好強調佢真係樣樣都熱👍🏻（唔會好似另一間店咁，啲食物一落枱就全凍，你問佢佢仲要答你冷氣太凍、風太大 等等唔成理由嘅理由）嗌埋特飲埋單都係$53X！好食又抵食，而家多咗間伏店神助攻，呢排又比平時更多人等位⋯要食又唔想等位就真係要早啲食喇！

🔹九龍灣// 亞萊泰🔹人均約$180🔹▫️泰式生蝦$75呢個價錢食到生蝦算係比較平，雖然只有五至六件，但覺得味道算係正正常常🤣啲蝦到新鮮唔會係果種好淋🙊▪️泰式鮮蝦金邊粉$88金邊粉覺得炒得唔錯！色水好紅平時出面食可能會比較淺色啲，望落去更加吸引🤣🤣▫️炭燒泰式豬頸肉$88意外覺得算係幾好食，佢唔係嗰種燶邊既豬頸肉，而係比較淋嘅🤣可以試試😆▪️蒜蓉炒通菜$78通菜好大份抵食，如果想食辣可以揀馬拉盞炒！但係我覺得蒜蓉都好好味🤣🤣唔想成日食辣都可以試吓㗎☺️🔹好飽評語九龍灣唔算好多泰國野，經過既時候見到唔使排隊就入咗去試吓🤣🤣意外地發現都幾好食同埋價錢嚟講算唔錯🙊入面仲有做優惠，星期一至五兩位至四位可以揀一款減價，四位至五位可以揀兩款減價🏷🫶🏻見到好多人食酸辣魚，好吸引咁，下次再試下😋🤨🧠回頭指數：8️⃣🧏🏻‍♀️打卡港女：5️⃣🌬冷氣溫度：7️⃣🚽廁所評價：⏹🧾性價比呢：8️⃣

今日揀左黎呢間泰國野食lunch, 店員態度都唔錯，環境就似一般冰室• 冬陰功海南雞湯金邊粉首先湯底望落好似好唔似冬陰功咁，但飲落又唔係，好香冬陰功味，雞幾多肉，份量適中，可能因為金邊粉都幾索湯，所以啲粉都有冬陰功味• 雞扒春卷凍檬雞扒有三條，春卷有4條，都幾足料，有枝泰式酸汁比我倒落去撈，炎炎夏日食呢啲凍凍地酸酸地既野食好開胃雞扒同春卷都有炸過，春卷炸到好脆，咬落去中間熱辣辣，真係一炸好就拎出黎呢間應該會入我食堂list

🍽 亞萊泰💙🤍💙🤍💙🤍🦊小編餐單1️⃣辣椒膏炒蜆 (圖一) 💲98🔹好味度: 2/52️⃣咖哩蟹肉配蒜蓉包 (圖二) 💲138🔹好味度: 3/53️⃣咸魚炒時蔬 (圖三) 💲88🔹好味度: 2.5/54️⃣炭燒泰式豬頸肉💲68🔹好味度: 3.5/55️⃣泰式凍奶茶 💲🔹好味度: 1.5/5💙🤍💙🤍💙🤍🙊小編覺得辣椒膏炒蜆嘅蜆完全唔入味，有啲失望，但汁幾好味~ 🙊小編覺得咸魚炒時蔬太咸，而且好油~🙊小編覺得泰式凍奶茶茶味好濃，如果你係鍾意台式／港式奶茶嘅朋友，你未必會鍾意~ (小編去食個時飲品做緊買二送一)小編評分👅食物 🦊3/5 👀環境 🦊2/5 📸打卡指數 🦊1/5 總評分 🦊2.5/5

❑ 招牌火車頭雜錦湯檬 $52第一啖習慣係食索晒汁既豆卜先🤩魚片爽口竟然最令我驚喜，肥牛就係有肥膏既牛喇😬貢丸得一粒仲要切半😵‍💫要慳住食！扎肉正常，仲有面頭一條唔脆既豬皮😂😂裝飾only！湯檬份量幾多，下午茶黎講岩岩好，湯底幾濃幾重口味，整體覺得稍為頹左少少，但五十幾蚊有埋野飲，算啦可⋯⋯！？🙂🙃❑ 泰式豬頸肉湯檬 $40+$4 轉喇沙湯底，喇沙得個色，我地就覺得唔合格🤧豬頸肉係呢碗唯一既餸，切到一條條好似好多，其實um⋯⋯係囉😕而且硬左啲啲又乾左啲啲，食晒只求飽肚，成碗都係一般般，不過都係果句，四十令蚊算啦可⋯⋯⋯⋯⋯！？🙂🙃

今日經過淘大，唔知食乜好，見到到到都好多人排隊，但係呢間唔洗等位，又想食泰國野，見到個餐牌，價錢合理，所以試下。我同我老婆2個人，叫咗條明爐烏頭，生蝦刺身，碳燒羊架配泰式香草汁，仲有2杯芒果沙冰。個明爐烏頭個汁幾好，夠濃夠味。生蝦刺身都幾新鮮，個汁多辣。半架就比較差小小，太過老，而且個汁唔係太夠味芒果沙冰都幾好味，夠大杯。埋單400蚊唔洗，算係幾合理，而且環境，同服務都ok，又唔洗等位，都算唔差，合再嚟。

兩餸$66，選了酸辣無骨鳳爪，香茅豬扒，有大大碗薑黃飯，加$10仲有樽裝泰式奶茶。酸辣鳳爪唔會好辣，有少少軟骨，好入味。香茅豬扒有醬汁，幾好送飯。泰式奶茶偏甜，但當然比起泰國的已經無咁甜，適合返香港人飲。馬沙文咖喱雞扒飯$40咖喱非常香椰奶味，都係唔辣，小朋友都食到。淨係咖喱都送到我半碗飯😋。雞扒炸得香口，又唔會乾爭爭，但係雞扒本身冇味，要靠個咖喱一齊食 。唯一就係個飯無菜，淨係得炭水同蛋白質。。。

泰國海南雞飯，先講講個飯，唔係普通嘅海南雞油飯，而係黃薑飯，感覺健康啲，而且佢有一個清湯，食完之後飲返碗湯，相對感覺舒服。當然主角係舊雞，肉質鮮嫩而且有雞味，唔使雪藏雞嘅感覺，但係當然分量就一般般。另一樣就係佢個斬料，有肉嘅部分亦都有啲雞翼部分，唔會只有骨或者只有肉，有分唔暈嘅感覺。

呢排成日去九龍灣食早餐，今日選左呢間試下。叫左37蚊呢份早餐，駛唔駛咁有Heart呀！個湯底一d都唔hea喎, 泰式豬扒扎肉湯粉。個豬扒鬆軟又厚，咖啡香濃既，真係估唔到！環境都乾淨優雅， service 都唔錯！抵食又好食！ 咁令我好難做架喎，我仲想試其他餐廳，但咁好食又點唔再黎呢？！