亞泰

营业中

休息中

間唔中都想食下泰國菜，康城商場的阿泰平日午市和晚市都要排隊，今日趁放假跟家人去試下。天氣咁熱點可以點都要叫返杯椰青 透心涼一下。家人點的椰汁珍多冰亦是吃泰菜必點。炭燒泰式串燒有雞肉和豬肉、燒得香嫩可口、配上沙爹醬好惹味。個人更喜歡豬肉串燒、較有油香。火車頭雜錦船河好大碗、有齊貢丸、墨丸、生牛肉、扎肉、豆卜。湯底好濃郁味道不錯。泰式鮮蝦金邊粉 炒得乾爽、鮮蝦彈牙、芽菜份量十足、夠兩三個人吃！馬拉盞炒通菜都好惹味。

成日聽人講康城係一個結界，上錯港鐵去康城站會好難出返嚟，今次我就同媽咪勇闖下，入去食泰國菜！The Lohas 都幾大，搵咗好耐先到達目的地，去到餐廳又等咗10分鐘先有位，店舖細細間，都好多人幫襯！媽咪想食湯粉，我哋叫咗海南雞無骨豬手湯河，再加啲小食，香茅雞翼、泰式豬頸肉，同埋蒜蓉炒通菜，媽咪要飲椰青，我要泰式奶茶！海南雞無骨豬手湯河雞件比咗雞胸肉都唔鞋口，豬手有口感，湯底是濃厚的，仲比左幾塊脆豬皮，真係好有泰國feel香茅雞翼雞翼比較細隻，炸得好脆口，美味泰式豬頸肉肥瘦比例適中，切的厚度亦剛剛好，點埋泰式醬汁一流芒果糯米飯新鮮芒果肉，配上微暖香甜的糯米飯，係泰國的味道，好懷念呀！

又多個友人加入為將軍澳之友，參觀完新居就係佢樓下商場開餐，多間食店中今晚選擇食泰菜見佢有個二人套餐，咩都有D唔駛傷腦筋，價錢都親民喎首先出場係泰人大頭蝦冬蔭湯，份量絶對足夠二人享用，若然有埋個火"慶"住就仲好味道都好"冬蔭"，酸辣度突出，大量秀珍菇加埋一隻開邊大頭蝦，飲完一碗成身有D暖感!大路泰式小食包括: 泰式春卷/炸蝦餅/炸鷄肉丸個人喜歡熱辣辣炸蝦餅，入口幾彈牙，配以酸甜醬汁一齊食，收貨!四款主菜中，目測最多人叫嘅係呢客招牌蛋咖喱蟹肉枕頭包將原個枕頭包挖空中間再放入咖喱蟹肉，蟹肉份量唔少架個包係焗到香脆，淋上香滑咖喱汁 (少辣)，加埋蟹肉一齊食，包身索咗咖喱汁，一咬D汁係口腔流出黎，咖喱味滿滿!食泰菜就歡喜馬拉盞炒通菜，通菜切到一節節先炒，比較容易進食，味道惹味中帶點微辣，但落少點油會好D!唔要雪糕要泰式甜品，係傳統嘅椰汁粟米西米糕及千層糕，前者香甜後者煙韌，為呢餐帶黎一個甜甜句號!

今日屋企冇飯開，所以就約左朋友係屋企附近食晚飯，呢間泰國餐廳新開無耐，之前一直都想試吓，今日終於有機會喇。😋泰式生蝦 ($88) : 生蝦刺身超級正 😍 所以忍唔住叫咗兩碟過口癮。泰式拼盤 ($78) : 有蝦餅，春卷同雞棗，每款都炸到脆卜卜 😋 而且蝦餅仲要超級大件。炭燒泰式豬頸肉 ($78) : 份量比我預期中大碟好多 😋 豬頸肉表面燒至焦香脆口，肉質仍然保持到嫩滑同多汁，朋友同我對呢個炭燒豬頸肉都一致比好評。💯炭燒泰式串燒 ($62/四串) : 雞串燒賣哂，所以叫咗四串豬，豬肉都幾大塊，肉質幾嫩滑，沙嗲醬亦相當色。菠蘿沙冰 ($28)，椰汁冰 ($28) : 兩杯特飲都幾抵飲，而且味道亦唔差。

今日去咗日出康城附近行街，行到咁上下就喺商場裏面食埋飯，有啲想食泰國嘢所以就揀咗呢間餐廳。餐牌食物定價都幾合理。👍🏻泰式生蝦 ($88) : 生蝦超級高質，大隻又肉厚 😍 食落爽口彈牙，點埋個幾辣下嘅自家製醬汁，惹味到一個點。明爐冬蔭鮮魚片 ($108) : 魚肉晶瑩透亮，口感細膩柔滑，冬蔭功湯完全滲入哂落啲魚肉裏面，鮮味又香濃，瞬間震撼味蕾的享受。飛天通菜 ($68) : 通菜鮮綠爽脆，用咗辣椒蒜頭去炒，所以帶點微辣。泰式奶茶 ($30) : 難得有泰式奶茶當然要叫嚟試吓，味道同泰國飲嗰啲差唔多。😋

去咗將軍澳日出康城睇戲，睇完戲就搵嘢食，就嚟咗亞泰度食泰國菜，唔需要等好耐位，坐低咗之後就叫咗一個美國牛肉船河同一個冬陰海南雞船河，一個炸豬皮小食，一個明爐冬陰海蜆鍋，先來咗炸豬皮小食，份量都唔少，炸到卜卜脆，幾有口感，然後兩個船河都到咗了，味道不過不失，牛肉船河正正常常，湯底味道都夠，分量剛剛好一日，另外冬陰功海南雞船河湯底味道略嫌淡味，本身以為可以當冬陰功湯飲，但係因為未到比較淡，所以有啲失望，不過海南雞雞肉嫩滑，唔差，至於明爐冬陰功海鮮鍋顧名思義就係冬陰功湯底嘅蜆鍋，佢有個小型酒精爐幫你熱住個喎，蜆嘅份量都比較多，不過都係冬陰功湯味道唔夠，最後我哋叫咗個甜品就係芒果糯米飯，呢個又比較出色，糯米飯熱辣辣，再配埋好甜嘅芒果一齊食好好味👍🏻👍🏻👍🏻

今日同朋友去咗將軍澳行山行完之後落返嚟見到呢間亞泰 朋友想食啲重口味嘅嘢就決定入去食飯椰汁雞湯香濃嘅椰汁加上鮮嫩嘅雞肉 煲出嚟嘅湯又滋補又養顏又creamy 係我飲過最好嘅湯蛋咖哩蟹枕頭包份量十足嘅枕頭包加上蟹味濃郁嘅煙韌蟹肉 一絲絲 口感一流鹵水冇骨豬手豬手本身炆得非常之冧 豐富嘅骨膠原加上唔太鹹嘅滷水 成個餸菜令人食指大動冬陰海南雞湯河冬陰功湯少少酸少少辣 加上軟滑富雞味嘅海南雞 浸完湯之後口感更滑 比海南雞飯更加好食龍眼冰 同出面飲到嘅差唔多 冇咩特別

[]無骨豬手配香米飯🎊豬手咬落好軟熟，質感勁淋，感覺有種骨膠原味👍醬汁偏咸，配埋香米飯上，食落岩岩好午市送熱飲，加$3轉凍飲或加$8轉泰式特飲（珍多冰、龍眼冰、椰汁冰、咸檸梳打等。。）自私評分：🟡🟡🟡🟡🟡自私評論：午市真心抵食，晚市會有啲二人餐試下，除開都係百幾蚊，好食又滋味🥰只係location有點遠，住開附近或去康城溜冰都可以一試，同埋康城得呢一間泰國菜架咋😚✨

今日又和朋友來日出康城的商場行街和食泰國菜😄海南雞無骨豬手湯河～好大碗🤣配料又多，無骨豬手膠質豐富超林，好入味，海南雞鮮滑🥰泰式明爐烏頭（酸梅肉碎）～做緊優惠價只需$138大大條，肉厚👍湯底的酸度啱晒我，勁仲意🥰好開胃馬沙文咖喱（牛腩）～食泰國菜當然要叫咖喱啦🥰呢個唔辣好香椰味，而且牛腩份量非常足夠🥰仲好林和入味✌️印度薄餅～鬆化👍點馬沙文咖喱食一流😋就算唔點咖喱就咁食都👍👍

今日四個人，一起吃泰國菜。雖然我今天不能吃太刺激的食物(不能吃辣和咖哩)，但我仍有很多好選擇😋。聽說這兒的食材是由泰國新鮮運來的，而且服務體貼，食品又總是大大碟，CP值很高，難怪這兒總是坐無虚席。前菜:1）脆香素春卷：炸得剛好，不油膩。2）泰式生蝦：新鮮爽口，無得輸。3）串燒豬肉 : 串燒，I like 👍, 我第一時間吃，豬肉非常嫰滑，味道惹味。4）金柚子沙律 : 份量很大，金柚子爽甜開胃。主菜：1）頂級美國牛肉湯河 : 份量特大，牛肉爽滑，CP值高。2）泰式明爐烏頭 : 明爐heat住食，烏頭魚肉滑，大大條，食極唔完😍。飲品：泰國鮮椰青： 鮮甜解熱，別無他選。

今日難得放假可以睡到自然醒，午餐也順勢延後。我約了朋友去Lohas Park逛逛兼吃飯。今次是吃泰菜，因為好耐沒吃了。餐廳裝修簡單，但餐牌卻不馬虎，選擇甚多， 而且價錢相宜，我們雖然只有兩人， 但因為想吃的實在太多， 所以不知不覺就點多了。我們點了好幾款小食：泰式生蝦、柚子沙律、泰式春卷、串燒沙爹。泰式生蝦很新鮮， 蝦肉非常彈牙，夾著蒜片辣椒及沾特制辣汁吃， 份外鮮味。串燒只有豬肉， 聽服務員解釋道，泰國那邊水浸， 所以有些食材未能及時送到。柚子沙律的柚子非常多汁甜美。主菜我們挑了明爐烏頭魚， 朋友要戒口，所以我們配肉碎煮， 食出食材鮮味， 嚐辣的可選青檸醬汁。烏頭頗大條， 肉質鮮嫩，非常抵食。最後我們要了碗生牛肉河粉，生牛肉好滑，湯頭鮮甜 ，好味！原本還想吃甜品， 但實在太飽只要留番下次來吃呢！

有去過康城嘅人就知道 個商場嘅餐廳選擇其實唔多如果你係住喺康城 或者係康城返工 唔使一個月 已經可以將所有餐廳食到厭🤦🏻‍♀️因為平民價錢嘅餐廳唔多 貴價嘅又冇可能日日食選擇就變得越來越少 每日既食飯時間都要苦惱一大輪 又或者要攞飛排隊等一大輪今日十一點左右完成晒手頭上嘅嘢 可以早啲出去食飯不過都已經過咗11點 諗住已經冇早餐啦點知原來呢間嘅早餐到十一點半 見到仲有早餐食 諗都唔使諗 寫紙仔 量體溫 坐低叫嘢食啦返工期間 突然聞到出前一丁嘅味道 本身都諗住搵下邊到有公仔麵食依家有早餐揀 就岩哂我胃口點左個早餐B2 沙嗲牛肉媽媽麵 配餐肉炒蛋牛油麵包 加杯熱奶茶上菜速度好快個牛油餐包暖暖地 夾哂粒牛油落去 今次變肥仔都抵☺️可惜炒蛋就油左啲同炒得太老 餐肉正常 唔會薄到透光沙嗲牛肉有4-5塊 舊舊都好大塊 好入味 撈埋個媽媽麵食 好味😋杯奶茶亦都好濃茶香 仲比想像中大杯 應該係出面既加大size熱飲仲好細心咁比左枝熱飲飲管我唔知大定覺唔覺得 用熱飲飲管用奶茶係好味啲架😂但依家好多地方都因為環保無再用熱飲飲管 有時真係幾失望😞呢個豐富早餐盛惠三十六個大洋 飽哂

今日又黎到康城食亞泰~而家二人餐真係好抵食~3百幾蚊有哂我想食既野!仲要特飲買一送一~抵到爛~泰式小食拼盤泰式拼盤有蝦餅、春卷、炸魚丸~我就最鍾意蝦餅!又大件又彈牙!炸得又唔係好油膩，外面脆卜卜好香口!泰式大頭蝦冬蔭功湯原煲上份量一D都唔少，兩個人可以每人飲兩碗，而且入面非常足料。味道酸酸辣辣，正宗既冬蔭功味~入面既蝦都幾新鮮唔會因為係放湯而霉哂~蛋咖哩蟹肉枕頭包我最愛同最期待既一個菜式! 蛋咖哩真係泰國菜入面最最最值得叫既~一來味道唔辣，二來有滑蛋既口感，加上咖哩既香，真係冇得輸~蟹肉份量正常~而枕頭包焗得好脆，用手撕開黎食再點D咖哩真係一流~見檯檯都有叫就知好味!蒜蓉炒通菜餐入面有埋菜選擇可以平衡下營養~可以揀蒜蓉或者馬拉盞~我怕太辣就揀左蒜蓉，香味十足，但略嫌油左D!泰式甜品最後可以揀泰式甜品或者雪糕~我地揀左泰式甜品，係椰汁馬豆糕同班蘭糕既配撘~食落唔會好甜又有煙韌既口感~成個餐食哂唔會過飽但又有滿足既感覺!青檸梳打、菠蘿沙冰特飲我地叫左青檸梳打同菠蘿沙冰，夏天飲解暑一流~尤其是菠蘿沙冰，甜甜地菠蘿味重~清新又解渴! 

表姐搬咗去將軍澳日出康城，今日同老公一齊去探望佢，表姐好客氣，請咗我哋落商場食晚飯，去咗一間泰國菜餐館叫亞泰，餐廳面積不大，但地方整潔，坐得舒適。冬蔭海南雞船河：海南雞嫩滑，湯底係濃郁嘅冬蔭功，色澤鮮明，湯味馥鬱可口，味道甜中帶酸，酸中帶辣，河粉吸收晒湯的精華，又滑又惹味！滷水無骨豬手船河：豬手滷得入味，冇骨啖啖肉，貢丸爽口，湯頭濃稠帶有濃郁肉香，加上香料芳香，味道層次豐富。 炸豬皮和河粉吸收咗湯汁特別美味！炭燒泰式串燒雞肉豬肉：呢度啲串燒超正，本人極之推介，串燒肉質鮮嫩，火喉控制得宜，尤其係豬肉，唔鞋口又入味，重有係個醬汁，調較得咸甜度剛剛好，沙嗲味濃又有花生碎，有口感又惹味！招牌蛋咖喱蝦球枕頭包：個枕頭包焗得外脆內軟，滿滿咖喱加咗雞蛋特別香滑，蝦球爽口，枕頭包索左咖喱汁，啖啖都帶有咖喱的甜味和香味，令人食不停口！菠蘿沙冰：用新鮮菠蘿打成，特別有鮮甜味！

住左將軍澳咁耐，第一次去康城呢個商場，之前跑步由屋企跑去康城培都係20分鐘，所以諗住都唔係行好遠，點知行左成個鐘先到。BTW，熱辣辣的夏天一定要食泰國菜！因為泰國一年四季都係夏天！椰子湯好鮮甜，有小小似冬陰冬湯的無辣味版，酸酸地飲完即刻好開胃！串燒拼盤要了雞同豬，串燒一啲都唔老，肉質嫩滑，要加埋個沙爹醬一齊食先最正！泰國菜一定要食咖哩加薄餅，魚柳大大舊，用個薄餅包住食好似食緊咖哩魚柳包咁！最後必點係龍眼冰（重要多冰夠凍先解到暑）