亞參雞飯 (利舞臺廣場)

营业中

休息中

是日黃雨打算外賣返公司食，係鋪頭外面外賣機落單，等成10幾分鐘都未出單。詢問下才知道廚房接單機壞左接唔到外賣機嘅單，所有服務員都冇人打算講解下我聽咩事及表明有冇幫我重新落單或催單，最後只有一個服務員同我講催緊。1330左右有服務員拎單出來隨手放係檯面就走去招呼堂食客，單no.又唔讀出聲提醒攞單，如果唔係本人心急拎飯自行留意又要再拖一段時間。午餐時間咁就過左，極度唔建議各位於此分店外賣，堂食可能服務好啲嘅，但外賣就收左錢先，之後貴客自理。

無食lunch，所以下午茶時間搵野食打算近近地試下呢間星馬風味無叫出名嘅海南雞飯（因為少貴）叫咗下午茶嘅咖喱雞飯，再加兩個小食點解叫兩個係因為佢無得加錢點1個一定要點兩個小食😂😂😂咖喱雞飯偏甜，似日式咖喱多過星馬式雞有炒過，都ok嘅，但無咩特別小食炸蝦好好味，一個人食又有啲多另一個肉腸食完成口油味，相當難食⋯基本上得炸蝦小食係好食嘅，個肉腸千祈唔好點，肉好肥又臭油味，食完都覺得罪過😂應該唔會再黎食🥲

去銅鑼利舞台行街買衫， 見到亞參快餐， 米入去試下， 超級中伏，早知去食泰國菜。星期日下午茶時段， 有下午茶餐及正餐。2人叫了馬來咖哩豬排飯$78豬排？ 以為係雞柳， 鞋到呢？薯仔多過豬排。 得3塊豬排仔， 薯仔就6／7粒。像食咖哩薯仔飯多d.$78完全唔抵。巴東牛肉滲滲， 蛋麵／米粉 $48+南洋咖啡巴東牛肉得3粒仔， 冇巴東風味， 像蚊牛腩， 有舊牛腩仲酸既， 即刻唔食， 怕食物變了。又麵又米粉好怪， 唔想食。南洋咖啡已加糖， 甜到糖水咁。總評。服務2分＞＞自助下單， 冇服務可言， 照單找錢都可找少$100。食物3分>>好差。 唔會再食。開係利舞台蹝晒個位。

最近去咗銅鑼灣嘅亞參雞飯食晚飯，亞參雞飯係一間專門食新加坡海南雞飯嘅餐廳。我哋叫咗亞參去骨海南雞飯（$91）、新加坡喇沙米線（$83）同埋馬拉盞通菜（$33）😋首先，真係要大力推薦亞參去骨海南雞飯呢道招牌菜！😂 雞肉嫩滑、多汁，肉質鮮嫩，咬口一流！雞油飯香而不膩，加埋點雞嘅醬汁，食落真係好好味，好滿足！👍再講下新加坡喇沙米線，湯底好香、又唔會太辣，十分之開胃！😍餐廳環境亦都好唔錯，服務又好好💕最後講下價錢，雖然唔係太平💰但都係以咁嘅quality嚟講算合理。如果你去開銅鑼灣，又想食新加坡菜，真係要去試下亞參雞飯！☺️

星期日悠悠閒閒落街食個下午茶😂人生一大樂事呢間餐廳下午茶去到17:30，當埋係晚飯架啦😊假日下午茶 $48#雞絲湯河💮估唔到份量好大碗，雞絲同河粉都好多🍜💮清雞湯因為用上大量雞骨熬製，所以係精華所在，雞味濃郁，非常滋味💮而雞絲好嫰滑又唔肥💮食唔晒碗河粉，要比埋男朋友包底😂#柑桔特飲💮柑桔味濃，甜甜酸酸💮開胃又潤喉，仲清甜解膩👍

位置銅鑼灣利舞台廣場，地點放便但在商的轉角位容易被忽略。餐廳主打無骨海南雞套餐$91～油飯和清雞湯一般，雞肉份量多但雞肉唔夠滑，應該唔係新鮮雞，整體味道不過不失，但性價比不高。咖喱牛腩撈麵$78，～咖喱味非常香濃，而不會太辣。牛腩炆得非常入味。👍🏻👍🏻馬拉盞通菜$33～通菜深綠色非常油潤，可惜比較淡口。怎麼我覺得有點兒像清水似烚菜！😅薏米水～薏米棉密，薑味濃郁。最適合冬天飲，喝了全身暖笠笠。

新加玻菜菜、馬來西亞菜、講真我都好少食，如果你問我食D咩，我都答你唔到，不過我好肯定話你知，星馬呢樣野背後學問高深，能夠拍得住中菜一樣咁多工序，一樣咁複雜，不如都係等我試完，我再比個答案你？👇📌尋 覓 99 分 海 南 雞 飯 - ▪️ 亞 參 去 骨 海 南 雞 飯 - $91▫️ 一定要食一個人氣招牌「亞參去骨海南雞飯」，佢地用既係三黃雞，所以肉質食起上黎比平時既更加滑溜，而油香加左炒香過既班蘭葉同埋香茅，食落係滲到陣陣既油香，另一亮點就係個冬瓜清雞湯，夠哂清甜，整體高質之作。📌馬 來 咖 哩 系 列 - ▪️ 馬 來 咖 哩 豬 扒 撈 麵 - $78▫️ 跟住呢個「馬來咖哩豬扒撈麵」亦有驚喜，份量算係幾多，咖哩香濃得黎配搭辣醬同埋花生碎，成件事好特別；而豬扒亦夠厚肉，口感鬆化軟綿，撈麵亦夠咬口，我幾鍾意。📌星 馬 小 食 -▪️ 班 蘭 咖 央 多 士 - $27  ▪️ 香 煎 手 作 蝦 餅 - $43/3件▫️ 小食方面一定要嗌「班蘭咖央多士」，多士夠薄脆，牛油同咖央比例岩岩好，兩者加埋口感夠順滑，但唔會太膩，仲帶淡淡椰香，好食；而「香煎手作蝦餅」雖然即叫即煎，要等少少時間，但值得既，

柑橘特飲正👍 酸酸甜甜，但係酸甜度都係啱啱好，好解膩。香茅薄荷特飲幾特別，似雪碧加咗香茅味😂海南雞飯個雞飯金黃色透住油光🤤 好吸引雞夠滑，不過個醬料我就一般，就咁食好食啲豬肉串似係烤得好香既腸仔，好食😋重點菜🌟明爐酸辣魚去亞泰菜餐廳最鍾意就係食明爐魚，成條魚上價錢百幾蚊好抵🥳 魚肉好滑，酸辣味唔係好重，應該大家都食到既辣度，送飯一流🫶是日最愛❤️大家黎到一定一定要嗌咖央多士，呢度係我食過最好食嘅咖央多，牛油同咖央分量搭配得岩岩好，多士又烘得脆脆地，超級滿足🥹

開到成行成市，今日終於去試咗啦。冇得去旅行，搞到近排都揀多咗東南亞嘅嘢食。諗住避開食飯時間，但係點知都係好多人，等咗大概幾分鐘好彩啱啱有一張枱。亞參去骨海南雞飯跟清雞湯 ($91) : 油飯同清雞湯就正正常常。呢個都係佢哋嘅招牌菜，見差唔多每枱都有叫，海南雞都幾滑，睇menu 見佢用咗三黃雞，所以$91都俾得過。新加坡肉骨茶($86): 諗到食新加坡或者馬來西亞菜，都係呢兩樣。自己好鍾意呢一個肉骨茶，唔算好大藥材味，反而加咗幾多白胡椒，飲完個人好暖！飲到去最後一啖會見到胡椒沉晒底嘅。一字骨有兩舊，而且豆卜好似係一大舊分開咗4份咁樣，如果份量再多少少嘅就好啦，不過湯底搭夠，而且上菜都夠熱。叫菜有得追加小食:1. 斑蘭咖央多士: 又一星馬菜必叫之選。自己都幾鍾意佢塊麵包，好似有少少阿華田味咁樣，同本身嘅咖央醬都幾夾，不過略嫌牛油唔夠分布平均，切開四份會有啲會少咗，唔夠喉。2. 香烤豬肉串：有三串，本身以為係類似泰國嗰啲成塊豬肉串埋，點知係自己手打嘅豬肉餅咁，配埋少少沙嗲醬又幾惹味。飲品就有凍南洋咖啡同香茅薄荷特飲，自己好鍾意後者，薄荷味好出，配上少少香茅嘅後勁呢種梳打最啱夏天飲，而且好有南

今日放工同朋友去銅鑼灣食亞參雞飯，之前係青衣食過都唔錯，原來有好多分店之前食過喇沙麵好惹味，今次試吓出名既亞參海南雞飯海南雞飯嘅去骨海南雞都幾大碟，有成十幾件，而且雞肉嫩滑又唔肥，肉質新鮮唔會鞋。而佢個薑蓉有驚喜，食落有d似鹽焗雞既味，味道唔錯 。雞油飯都大碗，唔會太痴，粒粒分明，啖啖都有雞油香味。雞湯鮮甜，唔覺有加味精明爐酸辣亞參魚條魚似係黃立䱽，魚肉厚實鮮嫩，而湯底配菜有蕃茄、秋葵同茄子，酸酸辣辣，非常之惹味開胃馬來班蘭咖央多士咖央多士外層係烤過既麥包，入面有鮮牛油同果醬，外脆內軟，口感同味道都一流。 香煎手作蝦餅好薄既粉包住滿滿既蝦肉，好足料，點埋泰式辣醬，每口都係鮮蝦味，十分之好味抵食 馬來拉茶奶滑茶香，而且甜度適中，好岩我柑桔特飲幾大杯，中間有話梅，成杯野酸甜又消滯

約咗朋友嚟銅鑼灣一聚，順便一齊食晏。友人一向都好鍾意食星馬菜，所以今次就專登揀咗利舞臺廣場呢間「亞參雞飯」。餐廳主打揉合馬來西亞、新加坡地道風格嘅海南雞飯，另外亦有一系列東南亞特色美食，例如新加坡肉骨茶、檳城蝦麵、巴東牛肉、亞參豬手等供應。先嚟一客亞參去骨海南雞飯跟清雞湯，海南雞採用了廚師嚴選嘅三黃雞，食落肉質好嫩滑，肉汁豐腴，脂香濃郁，點埋個秘製三色醬，令味道更突出。油飯拌入了炒香嘅班蘭葉同香茅，再以雞湯煨煮，入口粒粒分明、煙韌軟糯。附上嘅冬瓜雞湯味道亦唔錯，標明無添加額外調味，清香又解膩。另外呢客新加坡肉骨茶亦非常正，湯底以白胡椒、多種藥材及香料熬製而成，入口先嚐到胡椒嘅辛辣感，然後係湯頭嘅醇厚，配上軟腍嘅豬肋一字骨同入味嘅豆卜，暖心又暖胃。香煎手作蝦餅，呢個蝦餅真係十級推介，以人手打成，咬開見到入面有唔少蝦膠同蝦肉，食落好有口感，鮮味彈牙，點少少泰式甜辣醬吃，更加惹味。班蘭咖央多士，多士烘得好脆口，入面夾住咖央醬同牛油，咖央醬嘅班蘭味頗突出，入口香軟又唔會過甜，味道有層次，食完好有滿足感。至於飲品就點咗柑桔特飲 同 馬來拉茶，柑桔特飲好 fresh 好清新，味道酸酸甜甜，潤喉又醒

約朋友晚飯去了銅鑼灣波斯富街99號利舞台廣場1樓102號舖亞參雞飯吃星加坡菜/馬來西亞菜，港鐵銅鑼灣站A出口，步行約5至6分鐘，交通非常方便。環境裝飾清新簡約自然，以淺米色和木器傢俱為主，店內面積很大，座位多是卡位，感覺很舒服，服務員禮貌招待，推介季節性的食物，使客人稱心。菜譜著名佳餚有星加坡特產海南雞飯、肉骨茶、喇沙、亞參豬手、星馬小食、馬來咖哩系列等，款式多元化，任客人配搭不同的口味。海南雞飯套餐雞件肉質嫩滑多汁，雞油脂非常香濃，雞皮與雞肉之間有啫喱。油飯柔軟適中，飯粒分明，調味恰好，配上三種不同味道的醬汁，極為惹味。還有一碗熱騰騰冬瓜草菇雞粒湯，濃郁雞肉襯托著淡淡的熱湯，很夾，美味又飽足。星加坡肉骨茶香噴噴熱騰騰的肉骨茶，濃濃的藥材味襯托著胡椒香，在寒冷的天氣添上陣陣暖意。腩排的肉煲得非常嫩淋，入口軟綿，肉排和長豆卜浸入香濃肉骨茶味，更覺美味又暖胃，加上一碗白飯，感覺充實飽足。馬來斑蘭咖央多士啡色多士烘得脆脆，加上一片鮮牛油和馬來咖央在多士中間，好味到了不得，嚐了一件又一件。香煎手作蝦餅濃香的鮮蝦味，蝦餅肉質很彈牙，表面煎至香脆，內裏肉質鮮甜有汁，確是出色的手作蝦膠，配上酸甜醬汁

🐔🥣🥢性價比吾高嘅星馬菜▫️免加一🆗斑蘭咖央多士（4件）- $27面包未烘到好脆，相對冇甘熱氣。咖央醬冇咩味，比牛油味完全蓋過，好似食緊牛油多士多d。🆗馬拉盞通菜 - $33不是炒埋一齊的，只係白烚通菜加隔離有個醬，個醬仲要比好少吾夠撈成碟菜，但好彩碟菜都算大碟，而且菜仲綠。🆗新加波肉骨茶配白飯-$86配料超級少，性價比極低，只有4件豆卜及兩條排骨，湯還好，有胡椒味但冇藥材味，唯一值得欣賞嘅係用鍋上，keep到熱辣辣。☑️椰青-$38成餐飯最正常係椰青，椰子水好清甜，但個椰青開得好差，好難塞隻匙羹去刮啲椰肉出嚟。

今日下午來到銅鑼灣逛街，久未踏足利舞臺廣場，於廣場的服飾店逛一會兒後開始找餐廳醫肚子。我們看到亞參雞飯不算多人等候，且被餐牌吸引，而且一直想嘗試海南雞飯，於是便快速坐下點餐醫肚。餐廳馳名海南雞飯，當然少不了點《亞參去骨海南雞飯》，海南雞飯跟清雞湯和油飯，配有三個醬料，湯底鮮甜，略有配料，吃到有一片片的小蘑菇；油飯美味，略嫌份量細碗，飯吃完海南雞還未吃完。海南雞嫩滑多肉，無骨的雞啖啖都是肉，吃起來非常爽快。另點了《新加坡肉骨茶》，湯底不錯，吃起來有點白胡椒味，冬天喝這個湯確實不錯，配料略嫌少，少量油豆腐及兩三塊肉骨，正值肚餓之際胃的容量仍有空間😆於是我們再點了兩個小食，《香煎手作蝦餅》有3小塊，由於手作關係，吃上去確實彈牙爽口，配上酸甜辣醬，美味無比。再來一個甜品《班蘭咖吔多士》，賣相頗特別，吃上去多士脆脆的，中間夾著一層牛油，吃上去有點咸甜的層次，甜品過後喝一杯熱的薏米水，整個人感得暖暖的，非常舒服。

最近銅鑼灣開咗一間新嘅馬來西亞餐廳<亞參雞飯>，以平民價錢，提供高質素嘅食物，仲有我好鍾意食嘅海南雞飯，當然唔可以錯過啦～！！餐廳新裝修，環境非常闊落舒適。餐牌上面有好多唔同種類嘅馬來西亞同新加坡美食供應，有去骨海南雞飯、巴東牛肉飯、喇沙米線、小食同特飲等等。不但種類多，而且價格又唔貴，樣樣都好吸引。呢個<尋覓99分海南雞飯>，絕對沒有講錯，今晚嚟呢度食晚餐，都係為咗呢一個由馬來西亞同新加坡結合出來嘅去骨海南雞飯套餐。海南雞飯嘅海南雞份量好多，而且雞肉非常之嫩滑，餐廳用上嘅係雞髀肉同埋雞胸肉，就算係雞胸肉，同樣一啲都唔覺鞋口，肉質鮮嫩美味。付上嘅雞油飯好大碗，米飯粒粒分明，而且仲充滿清新嘅雞湯味道。雞湯同樣清甜好味。<咖哩豬扒撈麵>濃厚的咖哩汁，味道非常之濃郁，而且重伴有辣醬同花生碎，惹味程度大增，最驚喜既係，呢度豬排份量非常之多，而且豬扒亦都非常之厚肉，入口亦可保持到鬆化鬆軟，仲有咖哩薯仔相伴，以油麵作為面底，更加美味好食。魚餅煎得非常香口，入口微辣。咖央多士用上麥包作為多士底，入面有鮮牛油同咖央醬，味道甜甜地，特別又好味。呢度嘅馬來拉