亞參雞飯 (新翠商場)

营业中

休息中

非繁忙時間大概五點，叫左咖喱雞撈麵。上桌個下發現唔太熱，咁諗住撈麵都正常唔會太熱。點知食食下，咬開舊雞先發現雞肉唔熟，中間完全係生，紅色有血水個種，好震驚。同侍應講，咁佢都好好咁話整過碟比我。第二碟來到，佢話叫左厨房煮熟d 。的確感覺到明顯熱左好多，但咬開d雞，都仲係有一半的雞係唔熟的，中間部分係紅色至粉紅色，有一舊中間係生的🤮🤮🤮唔計d 雞肉，本身個麵的調味其實ok。其他菜，春卷好好味，咖央多都正常。最後放棄左雞肉唔食，食曬其他部分就賣單走人。希望唔會肚痛⋯⋯

新年期間有好多餐廳都唔開門，經過新翠商場的時候，看見這間感覺上雞飯的外觀很吸引，所以進入了這間餐廳-成個套餐$88，我選擇了白飯，亦有一碗湯附送，上枱時發現不像平時普通的海南雞飯，這隻雞上有豉油，雞皮亦比較肥膩，其實我很怕雞皮和肉中間有凍咗嘅啫喱，偏偏呢一碟有很多，所以我全部也沒有食雞皮，但雞肉亦比較嫩唔鞋口-食完飯有啲口渴，飲埋碗湯，但我覺得一碗湯很多雞油，亦比較偏鹹，飲埋湯鹹上加鹹-友人叫了新加坡喇沙米線，見賣相不錯，蝦亦有剝殼，見佢都食晒，應該不錯-雖然餐牌上列明免收加一服務費，點知原來新年要加15%服務費

未試過下午茶的雞絲湯河$38，所以諗住試吓，食完去收銀枱比錢，收銀阿嬸話$68，我咪話我只係點左下午茶餐$38，做咩收我$68，收銀話我點左係札肉雞絲湯河$68，我明明落單就指住下午茶幅大圖點雞絲湯河，從來無講過札肉兩個字，佢話我咁你碗河粉嚟到唔出聲，我都無食過呢個餐，點知有咩配料，如果我有點札肉我一定照付，但我落單好清楚指埋幅圖，個侍應落錯單點解要我承擔，擾攘一輪先肯收返$38，如果想比人無禮對待，可以幫襯

劣質雞 劣質煮法 話係新加坡海南雞😓海南雞個賣相啲肥膏多到嚇死你啲肉煮又硬又乾 嘩真係未試過食2啖定筷子 同講左句粗口 可以煮到咁難食係好難 🙇🏻‍♂️還要成$98元套餐加飲...... 伏到唔會有下次

尋日係柴灣店外賣自取返去同朋友食。。 因為之前試過堂食海南雞飯都唔差，點知返到屋企打開個三個外賣盒， 其中馬拉盞通菜係用一個膠碗盛載住， 一份33蚊嘅馬拉盞通菜只係得呢個份量？!兩啖都食完啦朋友都質疑係唔係套餐加十蚊嗰種， 又或者畀錯咗我？？？ 但係我哋全部都係散叫，並冇套餐睇返張收據，亦都冇錯呀另外個蝦餅亦都強差人意，43蚊三塊，而且乾爭爭咁外賣海南雞都還可以，不過，大家如果要喺佢度叫外賣真係要諗清楚失望

今日同同事叫外賣午餐, 同事話食呢間, 叫左海南雞飯, 咖哩牛腩飯, 豬手飯, 再加左個咖哋多士, 蝦餅。用外賣APP落單, 十五分鐘左右就送到公司。我揀左咖哩牛腩飯, 一打開個盒嗅到好香, 梗係襯熱食。咖哩汁好稠, 諗住畢一羹汁, D汁係唔會斷開, 連住一串咁, 唔知加左D咩可以煮到咁。牛腩份量多但就唔夠冧。本身好期待咖哋多士, 因為之前係其他店食過好食, 諗住呢間都係主打馬拉菜應該都唔差。多士既味道得牛油味, 唔覺有落咖哋醬。舊多士仲要係成片焦左, 咖啡色(焦到我都唔想影相)唔知係咪叫外送所以質素咁差。試過一次唔會再特登去食。

以前呢個位係越南粉嚟都有久唔久幫襯今日經過先知轉左做海南雞飯一場嚟到入去試下啦我同朋友都傾得耐都食左個幾鐘可能唔係放飯時間都叫無人趕我地走嘅不過嘢食質素認真麻麻啦最signature 嘅海南雞飯味道唔似海南雞反而有啲醉雞feel個雞都幾孩口幾難咬開油飯味道ok不過煮得太淋啦無曬咬口80幾蚊仲要加錢先有嘢飲絕對唔ok囉個雞絲麵叫最好食湯底都夠味但份量真係好少兩啖無曬男士們無可能夠食豬手飯真完全無特別都無咩好講啦另外我加咗錢要杯薏米水甜到不得了雖然無薏米味但都有啲薏米粒粒咬下嘅下次應該唔會揀呢間食啦食kfc好過

突然想起好耐冇食肉骨茶～ 剛好見到呢間門口廣告就衝入去試下 order 了豬手飯、咖喱牛腩撈麵 、當然叫咗肉骨茶啦仲加咗兩個小食 加央多士及脆蝦卷。 豬手飯淋入味 味道可以咖喱牛腩撈麵咖喱味不錯 牛腩都係好淋 加入少少辣醬撈麵幾好食 最失敗肉骨茶 好似水咁連聞都唔覺有藥膳味， 食落去更加想放棄加央多士香脆不錯。 蝦卷正常嘢冇特別。 整體如果為咗肉骨茶去食係失望反而咖喱牛腩撈麵係可以再去食的。可能呢間餐廳係出名海南雞？！ 下次再試

本人第一次光臨亞參雞飯，在柴灣新翠商場諗住食下下午茶，如果要推薦再光臨既原因只係餐廳既食物質素。入到店，女服務員都好有禮，坐低左睇緊餐牌，望緊有冇其他餐牌既時候，男服務員就留意到，係枱底拎出餐牌，但佢係大力dum餐牌落枱面，佢既行為態度，令我對餐廳印象大跌。希望厭世還厭世，冇人會知道你餐牌放邊到，可以檢討下，客人一入黎，餐牌應該係放係當眼處。而唔係用咁既行為對客人。另外，男服務員既言語態度真係有待改善，另一枱客需要牙籤，我認為可以行過去有善咁示意返位置，唔係用啲唔好態度係出餐太嗌返比客人聽。

我作為米仔年偉大嘅食評家，近來都好少寫負評。因為冇錢收我哋都費事用力………..希望你做得好所以先鞭策你希望你明白。首先一入到呢間餐廳，我仲以為香港死咗幾百人新冠肺炎，緊張到不得了，唔探熱唔准行入嚟。仲要安心出行唔係喺枱面，係響鋪面門口。令人以為香港死咗幾百人添咁緊張！阿姐係緊張，但都算有禮貌嘅。安心出行係坐低慢慢做都得㗎！知道嘛，姐姐。點解引發我寫負評係因為個杯凍咖啡。真係濃郁到不得了，但想問攞杯水，阿姐就有啲不被咁比杯熱水。呢個位有些少冇禮貌，記得要做好啲，下次。馬來咖喱豬扒飯，嗰啲豬扒係，我幾肯定係煲過湯，你哋食下就知冇屈佢。即刻成個人灰晒！到最後咪蝦餅，係要食晒成個飯仲超過5分鐘先到。追阿姐，阿姐就話哈比要慢慢煎，問都唔問廚房。這個服務態度亦都要改善。這個中午成為$127正！127我希望有返127嘅水平感恩啊仲有一樣野！臨走仲勒令我戴口罩！我打咗兩劑疫苗超過14日㗎啦！阿姐！叫啲去打針仲好啦！

見到新開未食過就去試去，唔使等位幾方便～我哋一行四人，叫左四款野食，整體感覺都唔錯，但特別出色既菜式就揀唔出喇沙米線。 7/10喇沙湯底幾濃郁，少少辣～配料都幾多～係食耐左會有啲咸，要配飲品。馬來咖喱雞撈麵。 7/10咖哩汁唔辣但香甜，雞肉幾滑，撈麵食都幾夾馬來咖喱牛腩飯。 7/10咖喱汁上面講個撈麵既汁一樣，都係偏甜既咖喱，牛腩都煮得幾稔，易咬。亞參豬手飯。 7.5/10無骨豬手飯滷得幾入味，肉質都稔滑幾好食！但隔離啲配菜（菠蘿粒）就有酸宿味香茅薄荷特飲。 7.5/10香茅同薄荷味都係淡淡地，加埋汽水既甜味都幾有驚喜～柑桔特飲。 7/10Size ok! 正常既一杯桔仔水～鹹鹹酸酸好消滯

亞參雞飯位於柴灣新翠商埸，可以算是區內價錢最高的海南雞飯。是夜外賣送遞以麵食為主，星加坡喇沙，湯底好味，外賣盒處理亦算得宜，材料尚算豐富。馬來西亞咖哩豬扒撈麵，薯仔份量較豬扒多，咖哩味道不辣，麵有彈性。

📍亞參雞飯📍Asam Chicken Rice #AsamChickenRice🇭🇰香港柴灣柴灣道新翠商場1樓114A號舖🇭🇰Shop 114A, 1/F, New Jade Garden Shopping Arcade, 233 Chai Wan Road, Chai Wan, HK味道: 👅👅👅👅賣相: 👀👀👀👀價格: 💰💰服務: 👨🏻👨🏻👨🏻👨🏻環境: 🌹🌹🌹性價比: ⭐️⭐️⭐️回頭率: 🔆🔆🔆人均消費：HKD84主打馬來西亞和新加坡菜的亞參雞飯竟然坐落柴灣，原來分店都幾多！地方乾淨舒適，感覺衛生，店員面帶笑容有禮貌，感覺很放鬆餐牌選擇十分少，主要是幾個主打菜⭐️亞參去骨海南雞飯🐔$88既然強調「尋覓99分海南雞飯」，絕對要試！選用三黃雞反覆浸煮至僅熟，肉質的確嫩滑，雞皮金黃，入口雞油香甚濃飯不是油飯，而是用雞湯煮過，十分好味再配冬瓜清雞湯，有夠清新，可略解膩感雖未雖則未至於到99分，但整體味道的確不錯⭐️新加坡喇沙米線🍜$80一大碗紅紅黃黃又濃的湯底，感覺很有風味湯底濃厚但一點都不咸不辣，帶微微椰香配料有蝦，芽菜，豆卜，芽菜，蛋等米線連湯一起食不錯，略嫌米線有點散⭐️馬來斑蘭咖央多士🥪$

柴灣是一年也未必去一次的地方，對上一次來是到小西灣的學校要在港鐵站轉小巴，但也已是數年前的事情。今天要在港鐵站附近的商廈逗留一日，午飯在新翠商場的快餐店食，放工只是下午5時，但已經肚餓，在商場地下見到這店的下午茶有雞絲湯河，還包括飲品，比起去茶記食炸雞脾健康一點，實在是好選擇。除了價錢便宜，這碗雞絲湯河最重要是湯底是雞湯，食完麵還有熱湯飲。店鋪另一主打是海南雞飯，店內洋溢著濃烈的雞味，是弄雞的專家。飲品我要了馬拉奶茶，應該是用煉奶，所以少甜也較一般奶茶甜一點。涷飲也只是加一元，超值下午茶。

樓面員工機本上都係幫老細倒米，唔好講有要求， 基本既服務都無。一入門口， 一個高大男樓面就叫我填資料， 無尾音的，填完後無人理， 都廢事等，自己搵位坐低。點完野食， 其實都好快送上， 感覺應該唔差。 隔一陣，隔離台有對中年夫婦點野食， 問同一個高大男食物問題， 回答又係無尾音。 之後員工在樓面大聲傾談，聲音比食客還大聲.....我未品嚐食物， 就已經決定唔會再有下次幫襯。有時唔係要酒店級服務， 但食食下又聽到你講粗口， 真係咩心情都無晒。