亞之媽韓國美食 (已結業)

都好幾年未試過食飯食到咁谷氣, 平時唔太寫食評既我真係忍唔住!2個人未到晒唔比入, 我個FD只係差10步腳! 張枱迫過麥當勞都要迫6個人坐低左先講只可以ORDER一次, 同食40分鐘???? 冇聽錯啊?? 2百幾蚊野食40分鐘食得快過大家樂, 夠鐘佢真係問你可唔可以快D袋又冇位放, 野食都好一般, 完全唔明點解呢間野可以咁多人同仲要兩間舖, 簡直X店一樣!!!!!!!

在 The one 看完 the batman，冒著風雨來到金巴利街。整條韓國街滿是韓式食肆，我們隨便走進一間比較多客人的，心想這麼旺場，味道應該不錯吧。誰知結果大失所望，下次還是在 openrice 先做好 research 痴笠笠的彩色 menu，附有食物圖片。下單後送來的三小碟，包括泡菜、醃蘿蔔、水果沙律。泡菜的味道好怪，醬汁是酸的，菜是超甜，是吃過最差的泡菜。醃蘿蔔 OK，水果沙律出哂水，吃了也怕肚痛。就算十小碟，也不會出現水果沙律吧，真令人莫明奇妙。全州拌飯，選配了雞肉。店員說跟石頭鍋飯一樣，只是沒有飯焦。實物跟 menu 有超大的差別，起初還以為是生菜沙律。下了甜辣醬拌勻，感覺只是辣椒醬而已，一點甜味都沒有，吃得舌頭都發麻。雞肉份量超少，不多於三小塊。韓式炸醬麵。拉麵偏稔，拌勻醬汁後像糊仔一樣，但至少是正正常常的。這樣的食物質素 ，為何會有絡繹不絕的客人呢？而且店內有位韓國女店主，是真正的韓國人主理，為何菜式味道如此不正宗呢？真奇怪啊。下次將會繼續挑戰韓國街，希望能吃到好的

平時真係好懶提唔起勁寫食評~但今次真係食到一肚氣~~!!!!來到"韓國街", 間間都要等位, 唯有每間都問吓有冇兩位啦......問到呢間, 佢話依家有, 不過 4 人枱要 share (佢真係用 share 呢個字)......最初聽唔清佢講咩, 我同朋友都 load 咗兩秒.......果位疑似老闆娘的亞之媽極不耐煩再 repeat 多次.....因為朋友又熱又累, 見有位就算啦~~~入到去, 佢又唔俾我地打對面坐, 一定要坐同一方向.......對面坐兩個男仔.....張枱又唔係大, 面對面個慼覺超怪......坦白講, 如果係茶餐廳我唔介意坐同一邊, 但呢間的枱唔係, 我真係寧願望住個朋友傾計食飯囉!!!!!跟住點餐, 講到明只可以 order 一輪......吓?!?!咁做生意架咩!??!!?算, 點咗個炒粉絲, 泡茶餅, 年糕湯.......食物只係一般, 唔明點解咁多人排隊..........同一條街食過其他都比佢好食.....見到果位亞之媽全程啲語氣都好差, 好似同啲客鬧交咁, 好似趕客咁....成餐飯都食得勁唔舒服......好快走人...........最嬲係俾 $

已坐底問你齊人未，當時仲有幾張吉枱，轉頭話你未齊人請出門口等，轉頭已經爆枱，算再等，一坐底就叫你落0rder只可叫一轉，四個人叫咗六樣嘢食，仲要一個40分鐘走咗，到50分鐘夾餸中問你收得未，再過5分鐘再問你，我隻筷子未放底枱面仲有3樣嘢仲食緊，最後用咗55分鐘仲要未食完，比你咁問咩心情胃口都無人參雞湯無參味，辣椒年糕一糊水，豬手無味要加豆瓣醬食，冷面一舊好難分開但算好味，煎餅，牛肋骨年糕，年糕得3粒呢個都0K，不過以咁嘅價錢同服務，我會去其它韓食快餐店!

慣常星期四都會同老公出街食飯, 就入左韓國街的呢間店度試下..一坐底就叫你order. 大佬呀睇下先得麻落左單, 先來泡菜三小碟...真係比佢嚇左一跳份量小得可憐, 好似人地食淨咁味道好唔掂, 好少可韓國舗d泡菜會咁差我叫左個泡菜牛肉烏冬 ($50)成碗野無味, 泡菜少, 牛肉絲四條, 真係數得出烏冬好明顯係用本地貨, 韓國出產的烏冬一食就食得出呢碗野完全唔值我老公叫左set泡菜豆腐湯 ($70)一來又嚇左一跳, 成個湯面都係黃油以為去左食四川野...點會咁架...未試過咁差最後叫左個海鮮薄餅 ($70)係成餐飯最好的一道菜如果再乾身d會好好多最搞鬼係我地一放底碗筷, 阿豬媽即來收走晒,兼print張單比我地要埋單...真係無下次lor...今時今日咁的服務態度

等左好耐先拎到張飛,再30分鐘先有位2個人叫左2樣野, 個疑似boss就話我地一定吾夠...但限40mins食, No second order ?!算叫多樣total 3樣... 無咩special 既炒年糕... 麵都未煮開....痴到一舊舊, un到咬吾到, 食左一半都無!最差係個石煱牛飯, 個煱over heated, D飯濃哂一塊塊無咩料, 食落苦口

和仔仔到韓國街揾食，午市可選擇多，約3-4店開咗门做生意這店是較人多，味道應會差吧泡菜 - 可能留下印象，味太濃，而醃時間應太久，味道只留在表面海鮮辣豆腐湯 - 熱辣辣湯，再加入白飯，非常好味，海鮮用科太多，有蜆、魷、魚...吾多記得，因為同飯拌勻，太辣帶鮮甜燒牛肋骨 - 牛肋骨已醃，所以有少少甜，牛肉味太濃，所以要點少少醬油，牛肉味才可加大發揮冷麵 - 上枱時...麵已剪開，但都好難處理，似漿糊分吾開，由於仔仔和我也喜歡加醬加湯，同冷麵一同上枱的湯，一直冇用，直置吃了約３份１時，心想着醬味那麼重加糊狀麵，會有人吃吧...再想想日式冷麵，沾凍湯的程况也差多，於是把麵過一過凍湯....果然由地獄變天堂，那湯非常凍又冇加冰塊，似加入梨汁酸中帶甜，湯可把部份醬帶走，而每條麵條散開後，沾上酸甜凍湯共230元

前幾日去左尖沙咀既韓國街食飯，去左”亞之媽”既餐廳，我同男朋友兩個叫左4樣野，宥炒年糕、泡菜炒豬肉、餃子韓式公仔麵、牛肉石頭鍋飯。落完單，已經上左D 前菜，但唔係好好味又好少!炒年糕: 好好味, 有少少辣但甜甜地，好煙軔!泡菜炒豬肉: 好辣，D 豬肉仲係肥肉。餃子韓式公仔麵: 好普通既公仔麵，自己都可以O係屋企煮。牛肉石頭鍋飯: 來既時候好香，有人會幫你撈。好好味，但牛肉好少又好碎!

漫無目的咁喺韓國街上搵食... 終於搵左呢間試下~點完菜後先上數碟韓式小碟...不過味道麻麻地... 連Kimchi都整到唔辣唔酸嗰下"賴嘢"...唯有寄望主菜...口感唔錯... 爽口+有咬口... 但味道不是十分出色, 仲有進步空間~麵身OK, 唔太淋, 但太黏口....不過喺香港就應該搵唔番喺明洞嗰檔咁好食架啦~所以用香港水準嚟講, 佢算過得去~!!賣相一般, 得幾丁年糕炒埋一碟咁...味道亦一般... 味道完全唔出, 即係好似打人打到唔痛唔癢咁... 成碟嘢無意思...!!!

同朋友&佢媽媽慶生, 見對面漢_美食要等位, 所以過黎呢間試下。其他野唔講... 重點: 佢地d野鹹到無朋友!大醬湯 (韓式味噌湯) -入唔到口, 夾硬叫白飯lo黎食, 但都係好難食。乜味都無, 得個鹹字。炒粉絲 - 又鹹又油。炸醬麵 - 成晚最食得既野。炆牛肋骨+年糕 - 都係o個個字: 鹹。燒雞肉, 餃子 - 正常, 但份量少。伴餐 - 4個人得3碟, 只得一round, 入面濕濕碎碎, 份量少。茶幾好飲。坐低一陣又叫我地轉檯, 都無問點解, 是但啦。小插曲, 隔離檯, 侍應落錯單仲要聲大夾惡, 所以我地叫野時講得好好好清楚.最後賣單6樣野, 2個白飯, $430.

放完復活節假期, 好多事情要辨, 果日要過海去律師樓, 一心諗住經過尖沙嘴韓國街食晏,記得上次行過見倒間阿之媽唔貴, 心思思返去試吓,

不得不承認，現在的我，是有點「哈韓」的心態。日本已是外強中乾，所謂的亞洲四小龍，香港和台灣亦不復當年之勇，星加坡無疑經濟富裕，惟文化層面沒甚長進，乾涸乏味，只有南韓於經濟上還是有所保持之餘，娛樂文化更來得多姿多釆，由韓劇開始，到K-pop伸延至世界各領域，連那邊的綜藝節目，也不無趣味之地方。所謂禮失求諸於野，其成功之道，也參考了各國的流行因素，卻溶合於他們的民族性在內，有如一個巨大的泡菜缸，將各種材料混和後，加上時間醞釀之下，最後造就出它們獨有的風格。以綜藝節目為例，不像鄰國一味賣弄浮誇，於娛樂性之餘，亦著眼於團體合作或人倫等價值觀，期間更不無一點人情味的成份：此外亦有一些「額外得著」，就是對當地的料理，不多不少也加深了一點認識。說了那麼多無謂之言，是時候進入正題了。上週五與一眾朋友晚膳於尖沙咀的金巴利街，，因為短短的一條小巷，開著多間韓式食肆或食材小店，因而成為香港馳名的韓國街。今次朋友所選的亞之媽，韓文的意思即是「大嬸」，說真的老闆娘確是一位當地的韓裔人，祈望可吃到一些另類而地道的東西。假日期間，還是約等廿餘分鐘才可入座。餐牌的選擇其實不算太多，看桌上也不設烤爐，門口另覓一處，有專

同同學都係韓食 FANS，所以今次補祝同學既生日再黎到尖沙咀呢到搵韓國菜食。今就就揀左呢間，原本開開心心咁去，結果帶住不憤既心情離開。啲年糕好靭，又唔入味，第一舊都還可以，但係第二舊既時候，已經覺得係就咁放舊粉落個口到，除左辣之外，咩味道都無！唔係話太難食，塊餅都算煎得夠脆，但係味道一般，唔夠香。好食過炒辣年糕，比較甜，但係相比起其他地方 啲料並唔多，食左一塊只係食到一舊仔既墨魚，仲好細粒，反而瓜菜絲個啲就好多。但呢個煎餅個人認為比起泡菜煎餅啲麵粉落得更多，同埋煎得唔夠脆。呢個個人覺得幾好食，好香口。啲肉好靭，同埋唔係好多汁，好乾。還好，甜甜地，好香。好差，個飯係好熱，但係入面想搵舊大舊既豬肉都無，得啲飯同埋蔥瓜菜絲。不斷食，就不斷有一間燶味，個底有好大舊飯都燶晒，完全食唔到！

食物味道普通, 但服務環境真係好差坐低食野,個WAITRESS 係GUM行黎行去撞到我,一句SORRY都唔講, 仲要一見我地食完,就馬上收野俾張單我地, 用餐過程30分鐘都無, 連想食完再諗下叫咩GE機會都無, 一定無下次

星期一晚上七點去到，還有不少位坐，但過多半句鐘就要等位了。坐得不是太舒服，希望野食味道搭救。泡菜湯：味道像羅宋湯，不夠辣、泡菜味不濃、但勝在料多。（一般）炆豬蹄肉：以生菜及泡菜包著豬蹄肉，再點上豆瓣醬，味道不俗，上台時還熱，所以吃得不停手，但豬手始終吃得多會膩。（幾好）石頭鍋飯（牛肉）：沒有特色、沒有味道、沒有賣點，所謂牛肉只是根肉碎，很遜。（不欣賞）兩人食完很飽肚，只感到沒有太強的韓國菜風味。合計$280，算係咁啦。