亞金南洋茶室 (置富都會)

营业中

休息中

Lunch set 鮮油咖央多士外脆內軟，咖央的香氣與牛油的豐盈相得益彰。每一口都能感受到濃郁的椰子味，甜而不膩，讓人回味無窮。香茅豬扒（ 跟餐小食加22蚊）一道充滿東南亞風味的佳餚。豬扒內嫩多汁，香茅的清香與豬肉的味道相互交融，令人食指大動。海南雞油飯雞肉滑嫩多汁，飯粒吸收了雞油的鮮美，香氣四溢。搭配特製的辣椒醬與醃菜，讓整體口感更加豐富，是喜愛雞飯者的首選

下午茶豬扒飯定價$45相當合理，現煎豬扒肉嫩帶淡淡蒜香，搭配蔥油醬汁。雖份量較一般套餐少約1/3，但正好符合下午茶輕食需求。凍飲加$3可選招牌咖啡，茶香醇厚與餐點相當合拍。整體而言CP值不俗，適合小鳥胃。

今晚在紅館睇演唱會，經過置富都會商場有間亞「金南洋茶室」 同布布就試吓。首先點了是“海南雞油飯”。這份雞油飯用的是香氣四溢的雞油淋在米飯上，米粒粒粒飄著金黃的光澤。每一口都像是在吃一口濃郁的雞油香，搭配嫩滑雞肉，簡直是南洋的經典味道，滿滿的幸福感。接著是“蕃茄肉碎湯”，這個湯頭酸酸甜甜，蕃茄的鮮味與肉碎的香滑完美結合。喝一口，酸酸甜甜，令人心情大好。“越式香茅烤雞扒湯河粉”香茅的清新香氣滲入烤雞肉中，肉質嫩而多汁，配上彈牙的河粉，讓人忍不住一口接一口。湯頭則是濃郁的越南風味，帶點檸檬草的微微清香，令人回味無窮。最後當然不能少了“凍檸茶”和“檸檬米水”。凍檸茶冰涼爽口，酸中帶苦，提神醒腦；而檸檬米水則是微微的檸檬香，清新又解膩，非常適合搭配這些豐富的南洋風味菜式。整體來說，亞金南洋茶室不僅菜色多元，味道也十分地道，輕鬆中帶點幽默，就像一場味蕾的南洋之旅，讓人回味無窮。下次來紅磡，這裡絕對是我再次光顧的首選！

呢間店近Poly，啱好1:30落堂之後慢慢嚟到食下午茶餐。品種都幾多，有好多款可以揀。最想食嘅牛肉沙嗲即食麵加滑蛋腸仔多士冇賣，就揀咗好熱氣嘅炸雞髀同西多士。雖然等嘅過程比較耐，一齊去嘅friend已經差唔多食晒先上，但個人感覺都係值得等一等。雞髀係現炸嘅，出邊襯皮脆脆地，入邊啲肉都好Juicy。好大隻雞髀，食落飽腹感很強。茶餐由兩點做到六點，如果晏晝四點嚟食返一份晚餐都可以唔使再食。西多士同我以往食嘅有啲唔係好類似，夾心嘅餡，除咗花生醬之外，仲有一啲雞蛋起入邊。上面淋咗少少面奶，另加一份牛油比大家自己加。整體嚟講係比較鬆軟嘅口感，唔會好似有啲茶餐廳咁做到好乾。成份下午茶餐一共$39另配一杯熱飲，抵食，有興趣嘅可以嚟試吓。

今時今日在香港利用電子付款已是非常普遍的事，眼見這間餐廳有八達通繳費，便走進佢食一個下午茶，消費$42，最後離開時埋單的時候，這個惡劣態度的收銀員（操不流利廣東話的那位），說這個八達通收費機不是這間餐廳的，利用命令的語氣叫我俾現金，極度沒有禮貌，我唯有給他$1000大紙，他最後找回很多神沙給我。如果這間餐廳沒有準備很多紙幣作找款用途，就請你不要只收現金吧。我建議大家，如果不想最後找錢時要袋住成袋硬幣就請不要到這間餐廳。如果大家不接受不禮貌的款待，亦都不要到這間餐廳

看演唱會前快食，食物質素一般，但食食下拎走了我的撈檬汁跟我講餐廳不夠用，話轉頭再拎返畀我但無咗回事，算，食完走時排隊付款，今時今日只收現金只是麻煩客人，算，我和朋友一起找散紙囉，我們找散銀過程其實不足15秒，收銀阿姐黑住面和我們講：「摷完未呀後面好多人排隊」，我望一眼後面其實得2-3個人，香港今時今日咁嘅服務態度真的一流，收銀阿姐可能覺得自己唔憂做請人難吖嘛，那就讓她繼續這樣下去倒公司米吧，無下次

被門外招牌炒油麪吸引到😂因為好似炒得好香。裝修普普通通，都幾乾淨的。3人點餐開始🤣香蔥炸鷄翼-鷄肉都幾嫩滑小薄餅- －般招牌炒飯-真的普通，冇乜好講蝦炒油麪-賣相不錯，如果可以炒得乾身D就最好了馬拉盞通菜-色香味都幾好加埋2杯熱飲$244 平均每人$80！ok la 😂

雖然食物還算OK， laksa 不錯， 下午茶時間到6:00. 我們叫了食物之後， 餐到就把碗丟在桌上。 問她拿碗， 你自己去拿！一個人影響了整餐飯的心情！一個累全店！ 除了態度以外， 還不錯！

上星期五去睇演唱會，睇演唱會前當然要搵地方食晚餐先啦! 當天，我們到達置富都會時，大概晚上6時45分，想揾間地方食嘢，見到有間叫 "阿金南洋茶室"，但外面已經排咗條隊，本想應該好快會輪到枱，所以就揀咗這間來等位；但在排隊期間沒有侍應問排隊客人人數，個個齋企係到排，小妹覺得這個安排比較唔 efficient的，希望佢地有待改善啦! 我們差不多等了廿幾分鐘先有二人枱! 落單後，廚房出菜也很快，我們分別叫了幾款食物:-*「越式肉碎鲜茄湯米粉 配 香茅豬扒」： 蕃茄湯底尚可，有蕃茄味，配埋肉碎豆卜都幾口味! 至於米粉份量尚算多，但米粉質地略為腍身一些；而香茅豬扒冇乜肉味，而且質地過腍，味道就...麻麻地!*「越式燒豬頸肉撈檬粉」： 燒豬頸肉味道尚可，撈檬也算可以!*「玻璃魷魚通菜」 ：份量好少，通菜比較老身； 玻璃魷魚有幾塊，淋咗幾滴汁喺上面，有啲求其!*「越式奶茶加煉奶」： 小妹想讚一讚他們的越式奶茶加煉奶(叫少甜)，茶底很有越式風味，而且很滑流，小妹很欣賞!總括而言， 阿金總算是睇演唱會前速食之選，價錢算合理，七十幾蚊就有一個晚餐，合乎今時今日睇演唱會以外的經濟原則 (因為啲演唱會票

半年有多，稱機壞，只收現金！有一次我看到一位女士稱沒現金，收錢員工拿八達通機出來收她錢！今日的單一百四十多元也要現款，我嘗試爭取，櫃檯一位女士（我見她今日支薪給員工的）望一望收銀機，旁邊那位職員立刻話開不到機，拿去修理了！不誠實呀！半年多也修不妥？！失望！有否看到隔離的食肆多了食客呢？好好反省一下，不要趕客！

態度極差，口味也極差。實在是沒吃過這麼難吃還這麼貴的豬頸肉飯，我嚴重懷疑用的肉都是變質的肉，煎的也不入味，肉質也非常奇怪，付款時還要排長隊，收銀員好像我欠了她幾百萬一樣，黑住塊面仲要用唔到八達通，簡直癡線！米飯也相當一般，都不知道用的什麼米，用的豬扒肉味也是相當奇怪，毫無肉味。飲品下單的時候還要在一個很隱蔽的地方自己加上去，檸水極其酸澀毫無taste可言，實在是差的不能再差。真係唔理解點解咁多人排隊！如果唔識整東南亞菜大可馬上執笠啦！

野食正正常常, 但係員工態度略差, 加上收費方法完全無寫明只收現金, 本身見到佢落單都係電子化諗住可以用手機比錢, 點知一去到找數果下, 佢同我講唔收8達通同信用卡, 但係明明兩架機都係係度的, 黠解唔貼住只收現金呢? 身上無現錢唯有去禁機先返黎埋單, 但係最好真係係門口寫住只會收現錢同支付寶囉。成個體驗好差, 最主流果兩種都唔比用, 機器又明顯係有係度, 唔想比手續費都可以比人了解左先入內。

QR code落單，貴客自負🌼 檳城炒貴刁（$48）凍飲+$3配料有臘腸、蝦米、肉鬆、魚片、洋葱、芽菜洋葱味甜，食唔到辣味👌🏼洋葱同芽菜炒得爽脆，豐富咗口感講真今次係我第一次食貴刁😂😂賣相同口感同香港乾炒牛河差唔多，只係貴刁多咗臘腸，多咗甜味，整體不過不失啦😆🌼 鮮油咖央多士配熱飲（$29）多士烘得金黃，咖央甜甜哋帶少少椰汁香；最緊要就係夾住厚厚一大塊鮮牛油😁😁😁呢個價錢嚟講算係超值了

下午茶時段到6點有飯麵選擇，大約$50以下包飲品有海南雞飯、叻沙呢啲揀份量夠食，味道可以想食Early Dinner 係不錯選擇不過衛生清潔麻麻呀姐對話較嘈坐出面沒有冷氣

員工態度好差，我只係叫個外賣 ，短短兩三分鐘門口收銀呀姐都令我成肚氣唔好再用唔夠人手，請唔夠人，做唔切，冧灑檔，食客黎係食飯唔好黎受你氣，野食好食都唔想再番黎唔係怕佢加料真係想即時開佢波