影片
相关文章
买既时候已经讲咗黄糖分开装，条友都冇听我讲嘢挂住倾偈，一野将黄糖毕左落碗豆腐花度. 以后唔会再帮衬！讲返碗豆腐花，一啲豆味都冇，又唔系特别滑，质素真系唔得。加埋佢咁既态度，真心唔会再买！
继续阅读
见到阿婆豆腐花，仲写住大围分店，以为系大埔阿婆豆腐花分店，点知原来俾人误导咗，同大埔果间无关系。卖豆腐花个四眼阿姐态度好差，我只不过问黄糖系咪自己落？佢态度就好差，话要黄糖出声，下次醒少少，哗！恶到呢......味道方面，豆腐花好一般，落咗姜水又无姜味，13蚊一碗，感觉自己俾人呃左。
继续阅读
经常帮衬呢间阿婆豆腐花。昨晚行过，又买咗两碗，店员问我拎走定系度食，我话拎走。佢又问我要冻定要热，我话要冻的。佢话热嘅滑啲香啲㖞，识食梗系要食热㗎啦。我听完又觉得几有道理，于是就决定买两碗热豆腐花返屋企。店员又问我要黄糖定要糖水，一向主张健康饮食的我当然拣黄糖啦。店员帮我加咗好多黄糖，我好惊佢咁重手会甜死我，点知返到屋企一试，甜度又啱啱好。果然是熟能生巧，佢每日卖咁多碗豆腐花，招呼咁多客人，梗系知道糖的份量要落几多。热豆花的确是香啲，依然好滑，好好味。
继续阅读
去开咗大围就梗系要食返碗阿婆豆腐花，佢嘅豆腐花非常香滑，仲有热同冻选择， 虽然价钱唔算话非常抵食，不过都值得一试，堂食仲可以减一蚊12蚊一碗，拎走就13蚊，份量唔算多，不过堂食都系企喺度齐齐食。
继续阅读
是日心血来潮, 想吃豆腐花, 便来大围找亚婆。豆腐花有原味, 花奶和芝麻, 冷热同价, 外卖需多付$1, 晚上8时后不设堂食。除豆腐花外, 还有卖豆浆, 腐乳, 南乳和绿豆饼。芝麻豆腐花 (热) $15不要误会堂食有位坐, 只是站在店前吃。拿著瓦碗街边吃, 倒有风味, 快闪吃碗豆腐花, 外卖反而不环保。芝麻豆腐花是原味豆腐花加上芝麻粉, 相对于加芝麻糊更添芝麻香气。豆腐花豆香虽淡淡的, 但质感滑溜。客人可按自身喜好, 自行加黄糖或糖浆, 不过切记忍手, 始终糖吃多了是无益。
继续阅读