影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
今日中午过嚟又一城做嘢，lunch要揾嘢食，就过咗嚟又一城，然后上到顶楼，间间舖都排晒队，谂住求其揾一间近门口嘅，见到呢一间阿参鸡饭，就排队入嚟试一试，同朋友两个人点咗一个喇沙米线，猪手饭，试一试佢哋好唔好？食先？谁？不知食完有惊喜。𠮶个喇沙米线超浓郁嘅椰香味，再辣辣地，食落去认真过瘾😋😋😋然后，再试咗朋友嘅猪手饭，炆得相当之腍，个猪皮，咬落去满满嘅骨胶原😘肥而不腻！服务员态度相当之高质素，见佢哋来来回回跑过不停，相当有魄力，依然保持有问必答，举手即刻回覆，喺咁繁忙嘅铺入面，依然可以注意到客人嘅需求，并且作出回应，服务水准已经相当不错！希望佢哋继续努力！
继续阅读
亚参鸡饭 (又一城) 夏日炎炎，最好就系行商场，支持香港经济呀嘛，呢一晚系星期日，又一城又比我想像中多人㖞！行街行到饿，求其笃入一间平平地嘅连锁星马菜，明码实价唔使收加一，就决定系你啦！🫵🏻🐷 亚参猪手饭（$76）猪手煮得好腍，柔软易咬，而且好入味👍🏻猪皮冇毛，油脂甘香👍🏻份量多，白饭粒粒分明，轻松送得晒成兜饭🍵 新加坡肉骨茶配白饭（$83）一上枱就闻到浓烈嘅胡椒味，似胡椒猪肚汤多啲，我本来谂系会有当归味，完全冇，但味道其实系好味，食完觉得手脚都暖和咗配料方面有几旧一字骨，同埋几嚿豆卜，此外就乜都冇喇🥬 马拉盏通菜（＄28）平平地叫个菜食，冇乜马拉盏味普普通通，唔难食，亦都唔系十分好味🍞 小食双拼，马来斑兰咖央多士+特色秘制炸鱼饼（＄39）马来斑兰咖央多士系mvp🥇烘到底面都香脆嘅多士，隔住牛油同埋咖央酱，一啖咬落去真系不得了，又香浓又有丰富嘅口感，脆脆嘅面包同埋软滑嘅牛油配合得相当出色，咖央酱亦都起到画龙点睛嘅作用，食到人有一种幸福嘅感觉🤤💞至于鱼饼香茅味浓，唔会炸到油淋淋，合格嘅水准☕ 斑兰咖啡（$10）所有饮品除咗椰青跟餐都系加十蚊，试咗班兰咖啡，一热一冻热饮香甜，冻饮咖啡味嘅苦涩味比较突出，同时班兰嘅味道都比热饮突出，我自己就钟意冻饮喇楼面姐姐服务不错，餐厅系要扫qr code落单，唔知点解两部手机都扫唔到，楼面姐姐都好乐意帮我哋手动落单
继续阅读
极力推介呢间亚参鸡饭，性价比超高，海南鸡饭啲鸡超滑，然后佢个鸡香饭，劲浓郁嘅鸡味，平时食开𠮶啲油饭，好油，呢一个完全唔会！😋😋然后朋友食个喇沙，超香椰香味，辣中带甜，好食，如果米线再多啲就好了！佢个通菜，好重葱油香味，食落去劲香！𠮶啲服务员好好好笑容，见到佢哋个个都做到冇停手，依然都系好好笑容，一叫就即到，就系香港嘅服务态度！我钟意👍👍👍#好服务 #好味道#香港人嘅东南亚味道#推介 #马拉盏通菜#喇沙米线#阿森海南鸡饭
继续阅读
今日过到嚟又一城，又嚟到亚参鸡饭，发现佢哋有一个新嘅套餐，牛骨煲！服务员依然好好，服务态度好好笑容有问必答，牛骨煲真系有惊喜，啲牛骨全部煲到软腍腍，送饭简直一流，佢哋嘅送餐速度亦提高咗好多，见到佢哋相当积极推销呢个牛骨，心谂试吓都无妨$288实在太抵了！果然系有惊喜！另外想讲，佢哋嘅店经理提及到佢哋嘅鸡香饭，改咗配方，更加香浓嘅鸡味，确实系冇得输👍🏻👍🏻👍🏻希望佢哋分店继续加油！😍😍😍
继续阅读
天气开始炎热了，所以会选择有冷气的商场地方，行街，吃饭或娱乐，今日选择了九龙塘又一城商场，泊车方便，而且免费，一家四口，有小朋友，第一站就顶层的玩具反斗城，Luch吃什么好，沿路行，囡囡说要看溜冰，看见亚参鸡饭店有玻璃位置，可以看到，虽然要排队，服务员真好，有笑容，而且好快安排玻璃位置给我们，我先点了个槟城虾面，同猪肉串给囡囡吃先，服务员说酱汁有少少辣，小朋友吃不到，分开酱汁好吗？OK当然好啦！哗！碗虾面那么大碗，囡囡吃了两小碗，有虾有鸡蛋全部吃掉，我自己也叫了一碗，品尝一吓，完来虾汤好鲜甜，囡囡要吃甜品，只好快点埋单，下次一定来尝试其他食品
继续阅读