影片
港铁观塘站 B2 出口, 步行约4分钟
继续阅读
电话号码
2664 4120
开饭介绍
五饼二鱼美食料理是一间承包全港九自助餐、餐盒、婚宴到会等，亦有滋味十人餐适合三五自知小型聚餐。顾客需三日前订餐。
继续阅读
以上资料只供参考，请与餐厅确认详情
招牌菜
每年嘅元旦，家人们都会搞party。以往都试过不同嘅到会，平又试过贵又试过，大路嘅试过会所嘅又试过，年年都系麻麻。今年就试吓五饼二鱼，系元旦之前有幸喺一个细路嘅生日会度试过五饼二鱼嘅食物，觉得都唔错。今年人不多，叫了细嘅餐，有沙律、饭、伊面、炸物、甜品，仲额外加多个 士多啤梨骨。士多啤梨骨好好味，我嘅至爱，虽然叫士多啤梨，但唔会太浓士多啤梨味，唔会酸，有士多啤梨果肉。每旧排骨都劲多肉，肉都算淋，唔会韧或黐牙，唯一不好之处系d肉被轻轻嗱过。苹果碎蛋沙律，好清新㖞！我一向唔好沙律，不过唔知系咪食得太多肉，想refresh 一下，所以个沙律显得好味㖞！苹果好甜，好爽，不过碎蛋少到见唔到！炸春卷同咖哩角不错，够味，不过由于送货路远，食嘅时候已经淋晒。柚子鸡翼真系好多柚子蜜，好味。蔗虾今次麻麻，虾胶唔够弹，但条蔗就好甜。Xo 酱炒伊面，非常足份量，好大盘。味道淡了一些，应再加多D调味，面条不错，不会碎湿湿。粟米龙利柳饭又系好大盘，有大大旧龙利柳，面层仲有好多芝士，酱汁不会太杰，稀杰度刚好。椰汁糕不过不失，但惊喜欠奉。
继续阅读