五芳齋 (已結業)

今日放工行過Food court ，吾知食乜好，去左五芳齋買左個獅子頭配菜飯，鴨血羹，麻辣鴨血。返到屋企同老公兩個人食，個獅子頭好好食老公話係食過最好食既。其實都係食過幾次，會吾會誇張左？😂不過里間既獅子頭真係好味，好淋好juicy 。之前食過d乾爭爭，d肉味又難食。里個真係好抵食同好食。$52一個set，有兩粒獅子頭配飯，仲有野飲。而老公鍾意食辣，一食個麻辣鴨血就話里個好食。鴨血好嫩，第一次食，香港好似好少見？里度主打鴨血，下次可以試試其他菜色。好滿足既一餐。

Price was reasonable, taste  was also okayBut wouldn't want to re-visit it, as there are so  many choices out there.

芝士鴨血米線呢度有得食，肥媽之前教煮過！鴨血的香汁加上芝士的芳香簡直完美配撘。食完之後，我仲買咗幾盒返屋企試吓自己煮。麻辣鴨血係我Honey嘅至愛！真係食到唔停得口， 以前喺台灣試過，但都冇呢度咁好食，尤其係鴨血羹，鴨血絲非常爽滑而且口感清新，絕對值得介紹比大家！另外，雖然叫五芳齋但呢度唔係食齋嘅地方，佢哋仲有好多唔錯嘅出品，但我今次試唔晒，我見到其他人食薺菜包，酸辣麵、糭，賣相都唔錯，下次一定要試。中午時候好多人排隊，亦有好多OL 柯打鴨血套餐打包番公司食，所以嚟呢度食就要早啲喇！

今日午餐都唔知食咩好, 行左幾圈黎到food court, 見到個午餐都幾啱我口味, 就諗住試下啦. $52 有菜飯有野飲, 仲有埋甜品, 都算幾抵食。細細既砵仔載滿豬肉, 紅卜卜既南乳汁, 其實睇落有點驚, D汁似就咁撈埋D豬肉, 唔係咁入味, 不過D豬肉算軟腍, 味道倘可。砵仔產生保溫既作用, 豬肉食落口暖粒粒。大大碗菜飯, 唔油膩, 配上新鮮白菜仔粒, 齋食都好味, 大食的我, 最後都食唔晒碗飯。甜品我選左南瓜餅, 皮就林林地, 不過都算煙煙韌韌, 個餡紅豆沙黎, 甜味適中, 算唔錯。

食lunch 都會去試下新店，見佢話食江南野，又價錢相宜，便坐下了。其實佢在food republic有自己－排桌椅，也算方便了。我們share 獅子頭菜飯，南乳扣肉飯，還附送南瓜、芝麻煎餅和豆漿，才每人 $50！其實，兩個飯都可以，沒有大驚喜。只是落單有點混亂，等了很久才有南乳扣肉飯。

C榨菜肉絲面36加8薺菜旦絲湯個湯幾咸，味精好濃郁，傻都食得出，完全唔值八蚊雞。無乜味既中式面，想調味又無。。。唔知想點咁。肉絲零味道，無咬口，榨菜又淋，好刺煮左好耐咁，同面一樣襯，完全唔掂，俾bb或老人家食都唔鍾意啦。小籠包38有點失望，買完即可拎。普通温度的小籠包，無論味道內外，豬肉涵更外皮都好糊，每顆都一夾就穿外皮，僅有的湯汁全部外流，無鮮味可試。店子沒有調味醬可拎。。成餐最正算係蒜蓉青瓜無下次。。。