五味鐵板燒 (已結業)

係團購買咗2張coupon同老公黎食, $96一張, 如果要比正價, 就一定唔會再黎啦~~食物比其他同類放題少好多,三文魚尚算新鮮,串燒就麻麻地, 燒到好燶, 又黎得慢, 追幾次先黎,烏冬: 不過不失,飲品唔係全部任飲, 熱飲要比錢甜品: 明月冰卷, 泡伕....雪到硬晒先拎出黎比客人食...話說我叫咗個炸暑角食, 一黎到已經發覺炸到又燶又黑, 食咗一兩舊已經頂唔順, 淨咗2舊唔食...咪叫個侍應收咗佢, 個侍應見到就用啲不太好的語氣話: 呢兩舊有咩問題? 我咪話炸到又燶又黑點食呀...原來呢度如果食唔晒係要收30% charge架, 奉勸各位朋友如果唔好食, 食唔晒, 都要夾硬食晒佢呀, 唔係會比啲侍應白眼架,,,,我食咁多間放題未試過一間咁少家架...食淨一兩舊都想罰人錢...如果唔係有團購做宣傳, 我諗呢間一定冇咩生意, 全晚得7台客, 20個人都冇.....仲要台台都係用團購 coupon

第一次打食評!勁超值的團購放題首先我要讚嘅係服務, d 服務員個個都好好人座位好舒服唔會好逼第一碟係刺身好新鮮, 絕對唔係下價貨, 真係驚喜唔係講笑除咗燒物麻麻地 天婦羅同鐵板燒都會比90分或以上, 食得最多係鐵板燒迷你泡芙同明月冰卷都好好食最後原來唔記得有沙律枱, 飽了試咗少少, 菜好新鮮,芝麻沙律汁好香好好味冇團購都會再去因為食物一到就起筷, 完全唔記得影相一家四口都食得好開心

好朋友B有GROUPBUYER COUPON, &$92食放題,一於去呢間食下..睇下佢做PROMO既食物好好味先~~呢間餐廳位置真係麻麻地,搵左一陣先知原來係三角公廁後面有個好隱蔽既街尾,去到, 都要等一下,因為有時間限制,我地BOOK左8:30PM, 等左一陣就入得去喇..入到去,話明放題,當然勁入單啦.. 我地點左刺身, 壽司,好新鮮,而且我地估三文魚壽司都係普通野..點知佢地比左三文魚腩比我地,我地幾個女仔超驚喜,估唔到放題都有三文魚腩, 燒物方面:雞軟骨串同雞皮串, 雞軟骨既汁好好味,不過燒雞皮就差d,無咩味... 燒牛利都好食, 無雪味, 燒汁OK~~辣清酒煮蜆:蜆肉大大粒, 一D都唔CHEAP,味道好好~~豚肉豆腐烏冬煱:無影相,點鮮?因為好食到一埋黎就自隊兩碗,無時間影相~~炸物都OK,尢其是炸蝦天婦羅,淨食都抵~~~GOOD~~仲有,點品一定要講:佢個泡芙我無食..不過我D朋友食完話:好好味呀咁囉..我自己就點左紅豆糕咁既物體,一啖食左..紅豆味好濃,入面係有餡,不過黃色唔知咩,好好味WOR~~~要推介一下先得...由於我地太開心同食到咁好既放題,我地即刻點左一支3

其實平時去完啲食肆無論好與唔好，都唔會咁認真黎寫食評，但冇辦法啦，應承左店員要寫~~HEEHHE今次選呢間放題，完全係因為我個FD睇到相，呢間放題有芝士飛魚子軍艦，咁就冇考慮其他就黎左呢度喇!!!講真地點就有啲唔就腳，但打電話訂位同去到附近問地址嘅時候都有一位女店員(四眼姐姐)好詳盡咁講一次附近鋪頭咁教我地點行去~態度OK!!! 去到坐低，座位都十分舒適，環境都唔算太嘈~~ 到'TICK'野食嘅時候，選擇都有唔小~~比較其他嘅放題呢度唔算多，而肯定唔算小~但朋友突然發現最期待嘅芝士飛魚子軍艦竟然冇o係任何一張紙上出現，朋友當然極之失望啦~~ 咁梗係問下咩原因啦~ 店員亦好有耐性咁解釋番因來貨唔穩定所以就冇左呢項選擇，唔希望客人落單後又要話俾客人聽冇貨或賣哂等等等....當朋友非常失望之際，店員竟再次出現話問過師傅有唔太多存貨，可以特別幫我地整，但就要等耐啲，因為要解凍，咁樣當然冇問題啦~~ FEEL到佢地真係好有耐性去了解下客人，同都希望每位客人都食得開心~~` 服務態度一流!!!最後仲同店員一齊合照，仲發現佢地啲關係應該好好架，佢地用 ' 爸爸 ' ' 媽媽 ' ' 仔仔 ' 咁黎

之前在團購買了coupon！但好低b咁買左一張！好彩依家正價做緊$138！(6:15果場) 成件事超級抵！就算用正價我都制！自助沙津吧！(食左勁多肉要食d菜)除左沙津，仲要拎三文魚腩！超正！回味無窮芝士飛魚子、三文魚子鮮味滿分辣酒煮蜆夠特別薄餅必點 (加煉奶)服務態度超好！由於只有3杯凍果汁任飲，叫左免費熱茶，waiter不斷添茶，態度良好！又有禮貌及笑容！免費芒果汁提子汁半小時前last order，合理！不用浪費食物！仲有紫米露同兩款湯水任斟坐得舒服、有大電視睇，Toilet又乾淨冇coupon都超值

之前買咗團購Coupon, 同朋友一齊去食,我地食六點幾嗰個時段，因為已經訂咗位所以唔洗等就可以入去啦,放題當然係有幾多食幾多啦!所以我地住都未坐定就係咁剔剔剔,點咗的食物都有嚟,無漏單,魚生款式算多, size正常, 比平價放題要大小小,推介三文魚同甜蝦,兩個都好新鮮, 三文魚好肥味, 甜蝦好鮮甜, encore咗好多次壽司都好好味, size適中,魚生新鮮, 壽司自然好味架啦推介比較少有的劍魚腩,好香好新鮮, 第一次食好鍾意 炸物好好天婦羅好脆, 粉漿厚薄啱啱好,薯仔蝦好得意, 但係始終有薯仔包住, 所以驚飽無叫太多燒物方面燒雞翼皮脆但係唔會入面啲肉唔會太乾, 唔錯唔錯朋友話燒鯖魚都好好, 但係我怕骨所以無食到鐵板燒就推介雞腎, 好香服務就不過不失座位好舒服, 坐低傾計唔嘈以半價食到呢啲真係好抵好抵好抵!美中不足係甜品選擇少咗啲...沙律吧都係選擇少...

如前2位食家所說，因為有團購半價優惠，見提供的菜色參考也不錯，就買來試試了……沒想到，會差成這樣該餐廳放題分2時段1. 6pm~8pm $168+10%；2. 8:15~10:15pm $188+10%團購也分2時段入座 6:15~8:15pm及8:30~10:30pm $92連加一光看菜式紙和價錢相當超值！但是……這張是團購時所示的菜式，結果，只有加了"tick"號的有提供放大版請看http://a2.sphotos.ak.fbcdn.net/hphotos-ak-snc6/198160_160279847361118_100001373122835_300038_1830809_n.jpg最扯的是，前2位所說的花茶，甜品……不是要加錢，就是沒有了！奉勸各位團友早日去食……坐位是有比較闊，相對下坐得比較舒服，但食放題就是為了食物，坐得再舒服也沒用吧在場有自助沙律，也只是簡單的生菜、小番茄、玉米、提子乾和青瓜粒刺身像是1件切成2件上，而且永遠比唔足！八爪魚寫3次都沒有來所幸沒有雪味，但也沒什麼鮮味本身為了燒物的饅魚而來，結果沒有，羊扒、鯖魚、金菇牛肉卷比較基本的東西也統統沒有其他食物一

因為團購有半價優惠 咪試下囉~ 我本人對日式放題的感覺ma ma, 因為去過兩間 (位於旺角) 都唔好食不過今次地點在尖沙咀 希望食物的水準會高d第一次睇這間食評 d人都話唔多好 但係買左Q pon 唔通唔去咩服務態度很好, 收碟好快,食物方面: 三文魚籽sushi 必食, 好新鮮 鐵板燒主打, 牛肉粒, 羊扒, 帆立貝 特別飲品 蘋果茶 last order 仲問我有冇漏單tim ~

因為有團購優惠才知道有這家店坐下後我們二話不說立即點菜另外他們也有自取的沙律及小食 (螺肉，中華沙律等)因為大部份食物都不錯，直接看相吧-蝦天婦羅粉漿剛剛好，不會太厚，蝦也是剛剛熟，十分好味呀~刺身新鮮，但放置的方式會好難夾，每次夾都會有數片在一起壽司有劍魚腩，新鮮~ 不錯呀~兩位朋友試了薯仔蝦，他們都說不好吃... 我沒吃過所以不能評論。而芝士年糕我也沒有吃，但朋友們沒有投訴，應該不差的我只吃了那片叉燒，不算好入味，但不會韌，算是 ok。烏冬是朋友吃了，不知道夠不夠彈牙呢~鯖魚燒得好吃，魚肉依然嫰明月冰卷是有紅豆蓉，栗子蓉的糯米 "磁"，但雪到太硬太凍了甜品只有兩款實在不夠，希望可以加多點種類吧另外還有點了燒薄餅，羊架，牛柳粒，金菇牛肉卷等等，全部都不錯的我們綜合出來的不足之處有：1. 甜品種類太少。(其實加多一兩樣雪榚已經好足夠 )2. 所有員工的服務態度都十分好。除了負責收銀的那位同事。他給我們的感覺好沒禮貌，好想趕客人走似的。不知道是什麼原因他要這樣的態度希望將來他會改善一下，相信會使更多人來吃的。p.s. 如果沒有他，服務一項我會給 5 分。其他同事真的做得好好，要加油呀~~

本來係未聽過呢間野, 由於團購既關係($98連加一, 但有時段限制), 覺得幾抵就去試下啦.今次目的係同朋友慶祝生日, 我地一早book左6:15-8:15pm個場, 初初都驚好多人, 點知去到得個十張八張有人坐, 都好, 冇咁嘈食既都係一般放題有既items, 剌身, 壽司, 炸物, 鐡板燒等等唔小得, 味道ok, 不過最大路既三文魚剌身反而唔多新鮮同淋既.............反而其他種類如甜蝦, 油甘魚就好d囉...............佢地都包埋飲品, 熱蘋果荼同玫瑰茶都幾特別同好味, 不過甜品就冇雪糕, 得和果子同一個紅豆卷, 都係幾特別同好味, 不過如果有埋雪糕就更好囉服務都唔錯, d staff好有禮貌, 上菜都好快同冇漏單..............但係唔見其他食評人講會食到肚痾既他他牛同長腳蟹 , 唔通要用正價$198再要加一(6:15-10:15pm) 至有得食??? 不過如果要用正價食, 我就覺得呢間野唔值囉....................而家用圑購價食至ok咋

已訂位，吾使等，但係坐得好迫，好似搭枱咁。野食除左個羊架外，其他都好差，刺身吾新鮮，款又少，所謂既自助沙律，只係講緊六個碗仔既料，得栗米，眉豆，菜.........真係冇人會拎黎食，但d人service 就吾錯。不過咁既價錢，真係吾會返轉頭。

朋友選了這裡聚舊, 由於從來都不知這店的存在, 在金巴利道走了一回結果需要打電話至店舖詢問, 原來是被三角公廁阻了視線, 於後面一條小街內, 真的是不容易找!整體的感覺良好, 服務周到, 食物還可以, 可惜自助沙律吧只得一兩款選擇, 而鐵板燒需時比其他食物久, 所以建議先點似類食物, 然後再點其他 天婦羅炸粉太厚, 刺身新鮮, 燒物一般, 其他熱食還可以, Sake價錢合理

今個星期一24/1 o林住成班同事去試新o野, 點知六個人去六個都中晒招, 大家都分別o向星期二及三晚上病發, 個個都係頭暈,嘔,瀉,肚脹...肚完醫生後, 結果係"食物中毒,引致急性腸胃炎", 醫生話如果有d食物受污個d病毒可以潛伏一個星期內病發病, 我地估應該係"他他牛"或者"長腳蟹"出事, 有無攪錯咁大間舖一d衛生觀念都無, 我地六個人痾足3日, 我地已經留起晒d 醫生紙做証明, 係咪可以去衛生署告佢地o家???事關都隔o左幾日........真係一肚氣, o家吓個肚仲頂住頂住咩都食唔到>@<