影片
谷友介绍过呢间米线好食，黎试下又真系好食㖞，谂住再帮衬点知已经无机会，做埋圣诞就结业啦，惨平日下午茶黎都超多人，要去到三点半后先静返啲，等左好一阵先有枱，入坐后快快落单等食啦。店内筷子全部色彩缤纷，呢个好吸睛叫左白菜饺子+芫荽麻辣米线，但个芫荽漏左，变成另上饮品系叫杏仁茶嘅，但黎左杯柠茶？点睇都似系柠茶，问下店员佢话无错枱号，咁是但照饮啦，返正无乜所谓，点知饮落系蜜桃茶加柠底黎，意外地好饮㖞。白菜饺子麻辣米线，谷友讲到好多𩠌，但点睇都系得两只饺子，不过只饺子几好食，仲系我钟意个种劲厚皮多菜少肉款，厚皮饺子真系好好味㗎，点解无人认同？麻辣汤底不麻带酸味，少少辣又有鲜味，虽然唔系我预期嘅口味，但呢个酸酸的少麻少辣又几正，唔觉唔觉又饮左大半碗汤。米线吸饱汤汁发到好大碗，食极都有无限增生咁样。餐牌，除左米线仲有不少小食选择。饮品劲多野拣，下午茶平几蚊。今餐叫嘅野好似全部都黎错咁，但意外惊喜就系咁黎啦，错有错著几好味，哈哈
继续阅读
碗面等左20分钟，因为第一次食，遇到漏单真系无奈，😅首先汤底无乜味，我真系食极都无乜味，可能个汤加水太多，味道转淡！但有一种好浓既中药香气，不过无味.....汤够麻够辣，够热！但就系无味，加埋油得滞.....食完个胃有少少唔舒服。嗌左猪腩肉... 太厚、肉质唔够淋。嗌左3个𩠌麻麻地，木耳、金菰、猪腩肉，冇乜特别...米线弹牙，有惊喜，可惜汤底真系唔得，食到一半，开始啲油浮紧上嚟😀唔会再嚟食，食一次够，坐櫈唔舒服，啲位迫迫地🙂杯冻咖啡都还可以既...😌
继续阅读
行左成个钟大马路 由下白泥行到流浮山 大家都攰了 大家系流浮山反元朗既巴士系咁觅食 拣左好多间 但因为好攰了 所以最后拣左系list 入面个啲都无去🤭 最后比呢间米线既相吸引左 卖相感觉好正 好浓味咁 我叫左 腩肉翼尖小锅米线小小辣爆多鸡翼尖 同腩肉 cp值高 好似食极吾完咁😂 卤水翼尖好入味 汤底吾似酸辣🧐 但吾觉意shhhh面个时啲辣都会冲击到喉咙🤭卤水猪手好入味 同埋骨肉好易分离👍🏻 不过有一点吾好 就系佢有啲好多毛 🥴 但好多餐厅都系咁 可能都避免吾到炸墨鱼饼同我想像中吾同 佢个texture好似炸薯饼 但入面个馅变左墨鱼浆🤨 鸡翼味道普通 菜我就无试 所以味道未知😂
继续阅读
2021年10月17日 晴夜晚落返元朗市区唔想排队等位就揾左间唔洗等位ge 米线舖。鱼腐白菜饺子劲辣小锅米线 $46怀疑佢俾左小辣我, 因为同朋友小辣都仲深色过我...而且佢唔算辣。小锅米线味道几好, 有新鲜猪肉碎, 唔太酸, 都几香。鱼腐有4 片, 普通, 中意谭仔个只多d 。个饺子就麻麻地, 皮比较厚, 有粉味, 得两只。卤水猪手 $28, 猪手几淋, 都入味, 而且有6 旧, 都几好食香炸墨鱼饼 $22, 好香脆, 但质怠偏软同淋, 唔够弹牙同扎实。而且入口有d 油, 有待改善。炸鸡翼 $24, 普通, 几脆, 唔会炸到好老, 但调味不足。
继续阅读
卫生方面，分数很低的米线，期待你的改善：1️⃣有客人用纸巾，拎咗两筷子放枱面；走咗后，店员谂都唔谂直接放返入个桶入 2️⃣由于有客人转咗枱，店员先放米线喺我张枱（超过两分钟），再拎返去正确客人嘅枱；「正确客人」表示「你俾咗人哋㗎啦㖞」，店员回应：「无食过啦！人哋口罩都未除！」；我哋的确无食过，但客人有concern，佢应该听下3️⃣（其次）坐位嘅隔板好随意，同埋啲板好细，好似无放咁。米线有辣有唔辣；整体分量偏细。📍 云贵风正宗云南米线 (元朗)元朗教育路134号文丞楼地下。回味指数：💛🖤🖤🖤🖤因为卫生普通，份量细，同样都系良心店嘅米线，我哋仲有得拣；所以短期内，唔会再帮衬。【后记】➡️知道良心店唔易做，但餐厅嘅卫生真系好重要，期待你的改善。
继续阅读