影片
招牌菜
早排经过, 每次都系人山人海, 但今晚竟然大把位, 于是入是试下, 睇下咁耐冇帮衬, 有冇进步先.......唔知系咪转咗手, 个名加咗个"新"字响头, 而且d招牌同菜式风格等都有变, 变到越来越似港式茶餐厅............晚餐都系多数选择食小菜, 佢有几个精选小菜系比较平少少, 做套餐价, 其他小菜就散叫, 要加钱先有饭有汤, 似乎套餐抵食好多, 但由于款式唔多, 又有部份唔系太适合, 所以谂咗好耐都谂唔掂, 亚姐多次走来介绍, 又建议我地叫2人套餐, 当时先发现冇比2人套餐可选择的小菜餐牌我地, 原来有十多廿款可选, 虽然好多都系改少少就变咗第样, 实质又系唔太多选择, 不过最后都可以选到2款小菜........... 莲藕汤是日例汤, 好清, 唔够浓味, 又冇汤渣, 饮多几啖先估到佢系莲耦汤~ 蜜桃生炒骨全部细细粒, 一口size, 炸得好脆, 虽然d粉浆都有少少厚, 同埋d汁都几酸, 好劲醋味 姜葱鱼腩煲由于怕佢个鱼云煲冇乜嘢食, 而班腩煲又系d急冻鱼, 所以选择鱼腩, 个煲仔已经细, 仲只系得半煲, 大部份都系姜, 鱼腩都系得几旧仔, 而且好多骨, 要好小心食, 但成个煲唔够香, 虽然姜葱多过鱼, 但唔系好闻到姜葱的香味, 同埋偏咸咗d~ 蒜茸炒小棠菜冇得选咩菜, 因为套餐set死咗, 个菜油到反光, 又冇乜叶, 得返d茎, 虽然好似好多蒜茸, 但冇乜蒜茸味~ 白饭算系有饭味, 而且软硬适中~ 蕃薯糖水又系冇得选, 不过味道都唔错, 因为呢d咁简单的糖水, 唔会衰得去边, 不过唔够姜味~原本见佢个套餐有2个汤+2个白饭+2个小菜+1个菜+2个糖水, 仲谂住有净打包第日带饭tim~~ 但点知碟碟都细细碟, 可以一次KO哂, 唔驶打包..............
继续阅读
以前帮珍过，痳痳地之后冇再帮珍。近来见佢转手咪比多次机会比佢。点知原来仲衷过以前。可能生意唔好，就偷工减料。我老公碗墨丸米线得二粒墨丸，仲要一开四扮有四粒上。我𠮶碗腩肉米线就只得三片肥肉。我们仲叫在碟水饺，但听见㕑房叫出来话冇晒水饺，之后𠮶老板话出去买，咁都得?唔通佢地去街市买啲现成嘅再煮熟?我们食完碗米线就急急埋单啦! 癈事等个老板买水饺返来。讲真，已经完全冇晒食欲啦!机会真系只可以比一次，以后再转手改名都唔会再帮珍啦!
继续阅读
店舖原来今日岩岩开始转手...伙计同厨师换哂人...食物选择少左.....食物质素比以前差左好多好多...本来叫了两个套餐(咕噜肉同埋时菜扒豆腐)...但两个套餐都竟然话冇哂......果时只系晚上八时而已......咁点做生意呀...咁早咩都冇哂.....之后再改为叫白菜炒牛肉.....点知嚟左个菜心炒牛肉............同佢讲话嚟错左.....个厨师好恶咁话冇哂白菜咪转做菜心啰.......咁你又唔一早同我讲话冇哂.......如果我衰d我真系可以话唔要你呢碟菜退番俾你.....另外叫的两个菜都唔好得去边....茄子斑腩咁简单既菜.....佢d 斑腩都可以炒到烂哂...粉多过肉之余重要冇旧完整...全部碎湿湿咁....未食过卖相咁差既斑腩=_="再嚟既"重庆鸡煲"话就话有半只鸡...但揾匀全煲都唔见有鸡脾肉.....d鸡又切到细细旧咁超多碎骨......冇咩肉食...重要煲一d都唔辣....真系好鬼失望...重要连最简单既例汤都煲得唔好......味道淡到好似加左水咁....以前未转手既时候佢d野唔错架....而家转左手...我念都几难会再去食了.....
继续阅读
昨日lunch time,叫咗一碗猪扒捞面，等咗成20分钟都未到，好自然叫伙计吹下。点知佢竟然答厨房唔吹得嫁，吹就要自己煮！ 真是眼都突埋。态度恶劣，加埋低水准嘅食物，真系浪费时间去食！
继续阅读
真系嬲到要写我生平第一篇食评!! 是日七一游行，四个沙田友约系第一城食个快晏就搭车出去游行入到呢间野，好快就拣到食咩，就叫个黑衫人过黎落单：友人A: 腩肉鱼蛋木耳 酸辣小辣 转薯粉 冻咖啡友人B: 牛肉鱼蛋米线 麻辣大辣 冻柠茶少甜友人C: 鱼蛋牛展米线 麻辣大辣 冻豆浆自己: 鱼蛋猪红鸡肉米线 麻辣小辣 走韭芽 冻柠蜜黑衫人完全无覆单就走左，我地都唔为意，直到半个钟后...点解咁耐都未黎?? 煮几碗粉洗唔洗咁耐?? (间野当时只满左1/3都唔知有无，厨房就见到4-5个人chit chur转)同个姐姐讲，佢只敷衍一句 "煮紧喇!!"之后望入厨房，见到师傅倒左半大包味精落锅汤度...我地再同个黑衫人催单，佢竟然答我地 "唔关我事架 wor，系佢地 (厨房) 问题!!"跟都唔帮我地跟！友人们火起，同黑衫人讲 "咁我系唔系要自己走入厨房叫佢地煮快D呢?"黑衫人回答 "咁我一阵入去闹佢地 lor，咁得未??" 转个头黑衫人返黎，同我地讲无腩肉...咁友人A就改要猪肉啦...继续等，又等左 5-10 分钟，第一碗米线终于出现！我碗 <鱼蛋猪红鸡肉米线 麻辣小辣 走韭芽> 变左 -> 鱼蛋猪红米线 无走韭芽check 返单，佢根本写漏鸡肉同走韭芽！赶时间唔同佢计较就照食啦...哇！一夹米线上黎已经知道出事！根本就未煮透，硬到乜咁！之后友人C同友人D碗野都陆续黎到，但友人A就又等多左阵...又催单，黑衫人佢连咩黎左咩未黎都唔知，要逐碗对过晒先知...最后终于黎到，但系惊见无腩肉亦都无猪肉，咁改黎做乜？转薯粉又变返米线check 返单，今次有落到 wor...但都系漏...又叫返个黑衫人过黎佢又系敷衍几句，撩起我把火，就同佢讲返佢落错好多野，鱼蛋猪红鸡肉走韭芽又得返鱼蛋猪红加一堆韭菜芽菜，腩肉转完猪肉又连一粒肉都无黎过，米线转薯粉又无件事...佢竟然答一句 "我听唔到你讲乜 wor！" 跟住就拎左张单去厨房度唔知搞咩唔好意思都唔无句 + 态度十分恶劣又过左几分钟黑衫人拎住个碟仔返黎，上面有几旧白烚猪肉，应该系补返比友人A既猪肉...最后四人嬲爆爆咁食，都系食唔晒，D米线真系好硬 lor！明明 13:23 落单，最后搞到成 14:45 先走，食碗米线搞咁耐，出到去游行都开始左咯...食物质素差不在话下，服务态度衰到爆炸，完全感觉唔到佢有心经营！
继续阅读