影片
个人真心推荐呢间米线舖不过唔系米线，系佢既碱水拉面虽然碱水味唔系人人都钟意，但我就觉得好正！出边好少会食到碱水味嘅拉面！吉列猪扒米线转拉面麻辣小辣，吉列猪扒系另上嘅，碗面有劲多菜超正👍🏻👍🏻👍🏻拉面份量都几多，块吉列猪扒真系好好食不过炸得有啲深色。麻辣小辣个人认为啱啱好因为都有啲麻痹嘅感觉。牛展龙虾丸拉面麻辣小辣，龙虾丸有三粒，牛展有3块，薄切唔靭爽口！据闻佢哋好似话将会结束营业，所以想食嘅人就要快啲去啦！
继续阅读
夜晚谂唔到食咩，通常就会拣米线，方便快捷😂叫左腩肉鸡翼麻辣重庆米线小辣，腩肉同鸡翼本身都够味，算唔错，麻辣汤都好夜魅有好多肉碎，好满足😛而另一碗，云吞麻麻哋但猪大肠OK😆
继续阅读
元朗广场天桥下面近巴士总站附近，好多人食，假日都几多工人姐姐帮衬。款式好多，又有拉面，各种唔同嘅小食，有D都几特别例如炸乳鸽。吉列猪扒米线 $41★★★☆☆汤底简左重庆麻辣(中小辣)，米线份量都几多，唔会太淋适中。个汤底反而唔大惊喜，望个色水都唔系好麻辣，食落系够咸味但唔系麻辣香，冇咩麻味，唔会食落令你个咀痺下痺下，似系汤底就咁加辣FEEL。吉列猪扒份量多，好大块切条状，炸得好酥脆香口，系日本个只吉列炸粉感觉，但个猪扒炸得比较干，唔太有肉汁，虽然又未到好鞋口。炸鱿鱼须 $29★★★★☆虽然只系$29蚊，但一碟个份量都几多，起码有成十条以上。热辣辣又酥脆，唔点椒盐都够味，点埋就更惹味。鱿鱼须真材实料，唔会咬落正系得炸粉同空气冇咩鱿鱼，呢个价钱呢个份量，两个人Share食啱啱好。腩肉猪肠酸辣米线 $44★★★☆☆今次叫左外卖，分汤系要加$1，辣度叫左中小辣，米线份量多，虽然分左汤但食个阵都系太淋，滑身但冇烟韧口感，但始终外卖系会净啲，堂食食过米线口感系可以。汤底今次试酸辣，咸香味偏重，酸味唔够出，辣冇话好香；另外佢会有啲肉碎，但偏肥同太细粒，变得冇咩口感。整体系普通酸菜汤底，冇好惊艳。𩠌方面叫左腩肉猪肠，腩肉都几多片，但炆得太淋同太薄身，夹起身都烂烂地咁，冇口感可言。猪肠反而唔错，但份量对比腩肉黎讲较少，有口感有卤水味，洗得干净冇怪味，猪肠仲有小小脂肪但唔会太肥腻，唔错。🌟总括：小店预左唔会坐得好舒适，都系拿拿临食完过下米线瘾就闪人。麻辣同酸辣汤底都觉得系一般，唔出色普通正常，辣度大家可按平时叫开嘅加大一度。吉列猪扒正常唔系必点。小食炸鱿鱼须性价比高，酥脆抵食。
继续阅读
元朗·云渝轩风味米线云南小锅米线✨炭烧猪颈肉薯粉-👼🏻BB麻辣 $50-猪颈肉🐽少少㶶边好香 易咬-花生🥜配料加上薯粉弹牙🍜-麻辣不带酸偏咸 bb辣=谭仔3小🌶🌶✨酸辣米线-小辣$30 +猪大肠$6腩肉$6菜肉云吞$6-酸味不足 偏咸🌚-小辣=谭仔中小辣🌶🌶🌶🌶🌶-猪大肠腩肉🐽好淋好入味👍🏻🫰🏻-米线🍜软硬适中🤘🏻-云吞普通🥟✨蒜泥白肉 $38-白肉大块厚实🐽🐽-蒜香味浓🧄 亦加左麻油 有辣油香辣劲唔强🌶
继续阅读
元朗嘅云南米线多的是，住喺元朗嘅我谂住逐间逐间慢慢试😂今日假日三点几就先嚟呢间云渝轩，叫左个酸辣米线(扣底小辣)加猪肚，萝卜，菜心 ($30+$6x3款𩠌=$48)汤底比较稀，味道还好，酸味唔算突出呢度所有配料无论肉定菜都系$6一款，比较少见，对食肉兽黎讲相对抵食👍猪肚够味，但个人略嫌有少少韧😅菜心就太淋同有啲渣～正常嚟讲秋冬嘅萝卜应该系好甜好靓所以我今日专登叫黎食，但出奇地又系有啲渣兼唔算甜，虽然煮得够淋但系都几失望🙈米线软硬就岩岩好～个人认为汤底一般，配料一般，试一次就够😅(btw呢度嘅员工好似有强迫症咁🙈😅 隔离台有两个唔系好识讲广东话嘅疑似外佣叫左个米线汤底都未讲要咩𩠌，佢就系咁问人食唔食猪肉，食唔食猪肚。。。另外一台有两个操唔纯正广东话既华人入黎都未坐低又系咁问人食唔食炸嘢，炸虾饼，炸春卷。。。好奇怪😐😐)
继续阅读