今天约了朋友去铜锣湾行街睇戏，到食晚饭嘅时间，朋友话附近有间好食嘅米线店，咁就一于去食，米线店叫云海一线，位于铜锣湾骆克道513-515号永胜大厦地舖，港铁铜锣湾站 D 出口, 步行2分钟就到，非常方便。 米线店门口的招牌都好光亮，一眼就望到，内里装修虽然简约，但光猛整洁，台椅以卡位为摆设，坐得令人舒服。餐牌内的食物选择都多，有米线系列、特色饭食、酸辣汤/小云吞、特色小食及饮品，主打系米线系列，大部份米线系用铜锅盛载，保持温度和特色传统，真的不错。 米线系列就我叫了大理酸菜鱼米线，鱼肉份量都几多块，口感又佳，鱼肉腌得几入味，汤亦唔咸唔淡，亦好有酸菜味，而且食落唔会好辣，米线份量都好足够，米线与汤都好夹，完全吃岀汤嘅味道，整体配合很好。我朋友就叫了传统云南小锅米线，米线系用铜锅盛载，热辣辣，份量不少，有很多片猪肉、火腿、娃娃菜、芹菜、芫荽、香葱、金菇等，猪肉嫩滑又有肉味，汤底甜酸再加点辣，又不会太油腻，米线亦煮得不会太淋，刚刚好，好够口感。 小云吞系列我哋就叫咗砂锅菜肉云吞，又是用个铜锅盛载，来时已闻到香味，亦热辣辣，云吞有成8只，都大大只，皮滑馅好味，个汤不辣亦不咸淡，所以连埋个汤食非常好食。特色小食就叫咗酥炸猪扒同甜品豆沙饼，酥炸猪扒是好食小食，经过油炸处理的猪扒后，外皮香脆好食，并带有猪肉的鲜美味道，搭配埋酱汁，惹味好食。甜品豆沙饼亦外脆内香甜，味道又唔系好甜，真系唔错嘅甜品。饮品方面，我哋每人都叫咗一样，冻西洋菜蜜同冻柠檬茶，亦好配合食嫩嘅食物，饮完觉得好凉快。云海一线真系好值得推荐俾大家，食得好滋味，又好抵食，价钱有大众化，我哋下次都会再嚟食米线系列，因仲有好多款式嘅食品。…查看更多
