影片
每隔两个星期我都会想起你～～就系云川米线，仲要喺放工由中环搭车黎屯门盈丰食😋入到黎都差唔多20:30 ，呢个时间平日都比较多人食。今次叫左炸花枝丸小食，无食呢个花枝小食好耐，原来依家已经炸得咁靓，另外配埋个甜酸酱超开胃呀。今次朋友点左麻辣汤底，个汤底好浓郁，最紧要系啲猪颈肉份量真系好多～而我照旧点酸辣汤中辣薯粉，猪颈肉同萝卜，有有四旧大大旧既萝卜，超甜劲多萝卜汁～～汤底又够浓郁，食几多次都唔厌，另外呢到既柠檬茶好大杯，要冰少冰但又唔会只系俾一半份量，系俾足既～所以加$3都抵加
继续阅读
自取外卖一碗猪颈肉鱼汤米线，一打开，哗！碗嘢好似俾人食过咁款，$54得果几条猪颈肉，可怜到呢～加埋都唔知有冇半块猪颈肉㖭啊。啲米线少到哭出来，可以媲美儿童餐嘅份量。平心而论味道唔系好差，系味精味重咗少少。不过讲到份量的确过分左，唔系少少😏附近同区米线店，平过佢，大碗过佢，足料过佢，味道都好过佢，食谭仔都冇咁嬲～讲真！以前食过呢间嘢，正常份量，依家少得太过分！咁嘅价钱，咁嘅份量，仲话系屯门名物！真系得啖笑！
继续阅读
见证佢由一间分店到宜家开左几间分店愈黎愈受欢迎差唔多个个星期都会食个每个餐都包一款𩠌同一杯野饮，好抵食今日叫左个韭菜云吞小酸辣米线🍜云吞十分足料，粒粒都大大只酸辣汤底浓郁，十分开胃，而且配料份量唔少不过繁忙时间就会坐得逼少少
继续阅读
🍜🥢🥣屯门名物·米线🔔qr code落单✅秘制猪颈肉 -$40呢个真系必叫！份量好多，剪开左一条条，全部都好香脆，好好味，我哋六个人分每人都食到吾少。✅脆皮花枝丸（六粒）- $28花枝丸大大粒，同样炸得好香脆，已经界咗花，所以炸得好靓。✅酸麻金汤·米线 -$48$48包一𩠌，我拣咗腐皮虾卷，一份有四条，唔算好大条，但系味道都唔错，朋友叫嘅韭菜云吞就只有三粒，试左粒但味道比较普通。配料嘅选择有好多，但如果加𩠌嘅话一份要加$10，感觉加钱叫小食会比较抵。讲返个汤底都真系几好味，叫咗小辣，真系酸、麻、辣都食到，几惹味。吾食辣的朋友叫嘅鲜鱼汤就相对清淡。呢个一𩠌米线会包埋饮品，热饮唔使加钱，冻饮要加$3，饮左西洋菜蜜，味道ok。
继续阅读
今日试咗猪颈肉•酱爆鱼丸•金汤酸辣薯粉，真系好好味！首先，猪颈肉煮得刚刚好，肉质嫩滑，酱汁入味，口感非常好。鱼丸弹牙，啲饀几特别，味道更加出色，真系唔会失望。至于酸辣薯粉，味道酸酸辣辣，搭配啲酸菜韮菜，色香味俱全，食落去唔单止刺激味蕾，仲有一种清新感。整体嚟讲呢道菜平衡得好好，就咁一个人快食都好适合。如果钟意重口味嘅朋友，可以考虑拣辣度大啲嘅汤，我唔系好食得辣觉得小辣都系一般辣，如果你本身食劲辣可以大胆啲，会更加过瘾！
继续阅读