雲峰茶餐廳

营业中

休息中

【九龍城區】【雲峰茶餐廳】又去土瓜灣食嘢，今次身邊嘅人係美女朋友。諗唔到食乜，屈佢陪我食茶記。佢就食咗個特餐，價錢 $50，有「火腿奄列」同「丹麥吐司」，佢轉咗「牛油多士」，主食佢揀咗「豬扒公仔麵」，嘢飲飲「熱奶茶」，佢話味道正常，冇乜特別，亦都冇嘢挑剔。咁我都叫特餐啦，$50 呢個價錢又唔算過份嘅。「火腿奄列」同「丹麥吐司」最後我都係唔要後者，加 $7 轉做「奶油豬仔包」，咁係 okay 嘅，夠晒邪惡吖嘛。而個火腿奄烈就因為佢本身都係得一隻蛋咁，唔大份，又整唔到好滑嘅效果，所以只能算係普通。主食我揀咗「五香肉丁通粉」，因為嗰刻嘅我嗰日未食過嘢，係早餐嚟，食個通粉好正常，有得揀五香肉丁都好，不過有少少似回鍋肉，味道就……都係咁啦，麻麻哋。嘢飲我飲「鴦走」，又唔差喎，始終呢啲茶記杯嘢都係可靠嘅。埋單 $107，冇乜意見。。。（地址：土瓜灣炮仗街146號金成大廈地下3號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #

平日好少寫食評，但係今次真係忍唔住！😩😩😩經外賣平台叫咗個鹹魚雞粒炒飯，又硬又乾仲有浸燶味，本身好肚餓，食咗一半頂唔順掉左。未食過咁難食既鹹魚雞粒炒飯，冇下次🤮

叫外賣，到左未有，就話我張單啱啱落，我明明落完單，係屋企等左陣，去架車度，再行落去都搞左20分鐘，仲話未等，又無人理我，足足等多半小時，即由落單到有，睇返電話記錄，足足50分鐘，要咁耐唔好彈句15分鐘就有吖麻 ！ 好嬲！

本身朝著牛棚那邊行去，不過越行越遠之後，就發覺沒有什麼特色店，就連酒店又或是前方都只在地舖有少許茶餐廳。於是又折返到欣榮花園附近，印象中這兒地下有這間雲峰茶餐廳，門面也不少，進來之後發現挺為寬闊。因為看到餐牌有焗飯，這天不算太飽於是就吃了個焗飯。果然，和我所想的一樣，一個地方名字加個「汁」字加上「雞/牛/豬」飯，每每都是陷阱。這次這個是意大利汁雞扒焗飯，焗飯雖然有少許蛋，但沒有炒過的香氣，所謂的意大利汁，其實只是橙紅色的鮮茄汁，應該說是茄膏溝水的汁，不是鮮茄，焗飯之中甚至找不到半塊蕃茄，另外雞扒都只是一大塊雞扒放上去，解凍可能沒有妥善，亦都沒有切開或煎香，這樣的焗飯極為求其。旁邊的員工亦都不太尊重其他顧客，一首打開旁邊顧客的櫃桶那餐具，然之後大大力關閉櫃桶。奶茶味道都不太特別，沒有覺得很濃的茶香，這樣的茶餐廳，吃一次也罷。

呢間茶餐廳食物做得不錯，款式夠多，呢邊幾間餐廳當中，雲峰算有水準，服務方面就基本嘢一定有，可接受的，唔好期望有酒店級服務，價錢反映左，呢間似係家庭式經營，有種人情味睇到，唔似其他餐廳咁員工打份工，食物質素參差。介紹返呢一間以港式茶餐廳車為主打的店子，基本大路嘢都有得食，仲整得唔錯，食過早餐沙嗲牛肉湯麵，午市套餐夠多款，仲有下午茶奶油多士配杯熱奶茶，值得試試。不論大家同意與否，這間店子確實要試左先知係好嘢。

食物味道一般，中至中下茶餐廳貨色。但係服務就真係差到一個點，永遠不會再光顧。事源係咁，我同朋友去食 lunch，我哋一人叫咗一個餐。餐飲首先好快咁送到，跟住就我朋友叫嘅飯。我之後就一路㩒住電話咁等，無為意時間，到我見朋友個飯已經差唔多食完，先發覺點解我個飯咁耐，只係一個免治牛肉飯。但係望吓時間，我又真係夠鐘等唔到，所以就想取消咗佢算。點知個收銀阿嬸話計返我杯凍飲錢$20，我話係你哋漏單，無理由咁收我錢，佢反話返我，話我點解唔追單。我再話咁樣以後點幫襯，佢再拋返我一句，「咁樣以後咪唔好再嚟」，點忍😡！

唉，嗌左個68蚊楜椒豬肚雞煲，成個湯無楜椒。同個𡃁仔哥哥（我估係太子仔吧，著便服）反映講點解無楜椒，佢仲話d楜椒響底。我用匙羹兜比佢睇一粒楜椒都無，個湯都無楜椒味.....佢話係「用白楜椒」。講真做錯左，咪認囉。佢話「你唔夠，就加d比你」。真係好嬲，我覺得自己入咗黎食，好來好去，賣單再同個𡃁仔講「無楜椒都叫楜椒豬肚雞，要同廚房講吓啦」。佢只喺保持箴默 一粒聲都冇出，完全忽視食客意見。依家叫嘅巿道，仲可以做生意咁黑心。本時去第二d地方食，點衰都唔會寫負評。我無影相，大家要去幫襯就自己諗清楚。

雲峰早餐＄34蚊麵，包，兩餸加熱飲！價錢比鄰近茶餐廳貴$3蚊！質素：麵可以揀沙嗲牛肉，鮑片火腿或叉燒。麵嘅軟硬度適中，小小彈口，算正常！沙嗲牛肉嘅沙嗲味充足，牛肉沒有用太多粉醃製，肉質尚可接受。叉燒，比較硬，雪味帶重，唔係太好味！麵包係厚多士，即叫即焗，多士幾脆口，厚度適中，算唔錯。雞蛋煮得不錯，仲有小小蛋汁，不太生也不是全熟，好功夫。腸仔，唔係廚師腸，有點失望！腸味一般，味道淡口，不太爽口，欠彈性。

靜靜雞女朋友去左返工既時間 自己去爽嘆個下午茶一杯奶茶一件多士一個休閑嘅下午茶位於土瓜灣欣榮隔離 門口有錶位  就算拍唔到位 佢門口都有閉路電視睇住有冇人抄牌 十分貼心 終於可以安心食野經過肚仔餓 泊底架車入黎食門口星味十足 林烽阿 海報咋位置闊落 帶小朋友黎食嘢都冇問題下午茶餐不嬲經濟實惠 但呢間就唔算係我叫左個西多士配茶走37蚊 真係勁貴下不過唔緊要 最重要味道丫嗎西多士炸到金黃色 配牛油糖漿去食 茶走比奶茶更滑 好香好甜既煉奶味 今舖肥仔囉休閒既下午茶咁快就結束 又要返去接女朋友了

行過這裏的時候剛是下午茶的時間，因此入來。點了一個XO醬牛肉湯烏冬餐$31，包熱鴛鴦。牛肉煮得很煙韌，非常有嚼勁，靱到一個點。烏冬麵質偏冧。XO醬融入湯裏面，非常滋味。熱鴛鴦茶味和咖啡味度適中。

今天下午路過這裡，其實已經很久沒有來，因為每次都覺得服務很差，其中一個女侍應，被我稱之為黑面剎星，我從來未試過見到她笑。下午茶干燒雙菇伊麵$34連熱飲。干燒雙菇伊麵，味道適中，伊麵腍身，一吃無妨。

今天下午有事做，剛剛又在附近銀行入錢，所以貪方便就勉強在雲峰吃，其實因為之前有過不愉快經驗，可勉則勉都不會在這裏吃。叫了午餐，雪菜肉絲炆米$39，另外凍央少冰加$2。凍央少冰上枱後，發覺無甜，叫女侍應幫忙加甜，這個女侍應黑口黑臉已經是常態。雪菜肉絲炆米，等了廿五分鐘以上先來，真係有些火😡，結果我只有五分鐘吃完一大碟米粉。論味道只屬一般又不太差。其實已經是下午茶時間，餐廳客人不多，居然一碟雪菜肉絲炆米要等廿五分鐘，真係太過份，加上又碰到黑面女侍應，只可講很無奈，下次不再來便是。

尚算多選擇啲茶餐廳早餐，有一般早餐A，亦奄列和all day breakfast選擇！價格亦可以，大量$30以下選擇！咸牛肉奄列早餐：牛油多士較硬，唔多掂。。。茄汁豆亦不熱，好似罐頭直接倒落碟咁。。。唯主菜咸牛肉奄列尚算可以！不太油，蛋亦不太老！熱檸檬茶：自家寶號茶杯！正常，茶夠熱，不苦澀！檸檬片數量亦正常！總結：想離開時見到一位小女孩入舗馬上叫「老板娘早晨！」感覺街坊生意味濃！四平八穩港式茶餐廳早餐！！可以再去！

星期六晚上約左個朋友在土瓜灣果頭傾計，放工揸住架車去土瓜灣搵位泊車，兜下兜下見到個咪標位就泊埋去，一落車就對住間茶餐廳（直頭餐廳門口對正有兩個位），見有點餓就入去食飯標位對住門口有2、3、4人套餐，有時令小炒，有碟頭飯等等是日晚餐推介枝竹火腩飯，枝竹同火腩都ok，餸多過飯仲有湯、熱飲送，轉凍飲+$4，正體黎講都算ok臨走出到門口先發現原來都有些名人來食過

星期六光顧，目測有5枱客。落單人員態度一般，一句聲都唔出。叫了2個午餐，是日快餐唔熱，是室溫，紅蘿白片硬。即叫即炒午餐 魚香茄子飯，有6舊茄子一點肉碎加獻汁。 隨餐送中湯，茶。餐湯是所有野食哂才到的。完。上菜時無影相，只好付上食完時上的餐湯。