二號廚房

营业中

休息中

ʚ 二號廚房 ɞ係openrice睇新開餐廳，見到呢間新開張，好有大排檔氣息，適合多人聚會，環境好闊落！ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 重慶麻辣雞煲- $268/隻份量超多好抵食，唔係講笑，雞肉肉質好嫩！越煲越入味，唔同市面其他雞煲，呢個係用香料去炒，好香好惹味！❀ 涼瓜菜圃煎蛋角-$78個人好鐘意呢道餸，涼瓜唔苦有股清甜，蛋煎得好滑，整體都比較清淡，靠菜圃嘅鹹去中和返，❀ 豉椒炒花甲-$88花甲分量超多啊，而且肉質Q彈食得出好新鮮，師傅炒得好香口，食到一粒不剩😆📍 二號廚房 (油麻地)油麻地上海街55號海景閣1樓#hkfood#hongkongfoodie#hongkongfood#hkfoodie#foodiehk#foodstagram#instagood#foodlife#hkig#hkeat#香港美食#cloverlandhk四葉草#二號廚房#佐敦美食#重慶雞煲#烤魚

朋友帶我黎食飯，佢話呢到除左有大排檔風味，連酸菜魚同烤魚都可以食到🤤酥炸珍珠蠔🦪蠔仔粥就食得多，原來蠔仔咁樣炸又幾過癮，夠脆又夠鮮，配啤酒一流。秘製紅燒肉🐷呢個餸係我地見到隔離枱個碟好靚再跟住叫既。口感香甜鬆軟，肥而不膩。薑蔥霸王雞🐔皮爽肉滑，啖啖肉又有香濃既薑蔥味，絕對係白飯殺手。我地仲叫左茄子魚腩煲🙈總括黎講，穫氣夠，份量多，款式選擇又食。餐廳環境亦唔會迫，都好岩同朋友食飯傾計加飲返兩杯。

今日放咗工之後去咗佐敦食飯，好耐未食過中菜嗌餸，所以揀咗呢間餐廳。呢度嘅餐單果然有好多唔同既菜式，包括火辣風味、港式粵菜等。1️⃣紅燒BB 鴿 $42，我平時好鍾意食乳鴿嘅肉味，呢隻乳鴿都燒得好香😄2️⃣脆皮牛肋條 $62，呢個好想推介，估唔到上菜嘅時候係咁樣一粒粒，好的骰好趣緻，食落口嘅時候其實就係 吉列牛肉，香脆可口一啲都唔硬！配埋啲喼汁食好味😋3️⃣芥蘭炒牛肉 $78，呢度嘅芥蘭冇晒最外果層，所以食落口好林甜；牛肉有好多，有牛肉味，幾高質素4️⃣冰梅欖角骨 $88，呢個好驚喜，有八大舊之多，每一舊都有豐富嘅醬汁，係甜甜地酸酸地，食落口好舒服好開胃5️⃣拔絲咕嚕蝦球 $118，咕嚕蝦球炸得鬆脆，食得出啲蝦都幾新鮮，值得推介6️⃣青松樟茶鴨半隻 $88，呢個四川菜好香口，有豐富嘅陳皮、肉桂、芫荽、紹興酒味道，半隻都好大隻7️⃣森堡啤酒 $18，冰凍好飲😋食得出廚師嘅手勢係幾高水準，用心製作😁係一大班朋友食飯嘅好地方

餐廳主打川菜，亦有港式小炒，有辣有唔辣，任君選擇。地址雖然係油麻地，但較其實近佐敦，就係官涌市政大廈附近。🍴土匪豬肝豬膶大大塊，食起嚟特別爽口，唔會煮得過老，伴隨大量辣椒、青椒、紅椒，辣中帶甜，仲仿效咗土匪雞翼嘅做法，加入孜然粉，確係惹味。🍴明爐烤魚叫咗中辣，一上菜只見到無數辣椒，當堂嚇一跳，但食落唔算辣，香味突出。店員話選用清江魚，產自清江一帶，但就冇詳細介紹係咩品種。邊皮位置烤得分外香脆，吸收咗香辣湯汁非常滋味，魚肉冇細骨，啖啖肉，唔腥又冇泥味。配料亦好豐富，有筍、豬紅、木耳、青瓜，大豆芽、寬薯粉。🍴爆炒萵筍絲辣辣只取其香，唔會影響到萵筍本身嘅清甜，蒜香更為突出，炒得好爽脆，啱晒食完辣清新一下。📍二號廚房油麻地上海街55號海景閣1樓

今日同朋友去佐敦，見到一間樓上鋪，有烤魚，小菜等選擇，最後，決定試下小菜😆店內環境寬敞，亦有卡位，坐得非常舒服😀湘味金錢肚 $108金錢肚非常入味，而且口感爽口咬下去好有嚼勁，越嚼越香辣，超级惹味😋家鄉碌鵝例牌 $108鵝肉炆得好淋，而且鮮嫩可口，再加上秘製醬汁，味道香濃🤩豉椒炒花甲 $88花甲鮮味滑口, 加上豉椒配料，超级香噴噴，十分鮮甜惹味👍地道小炒王 $88韭菜入口爽嫩，而且材料非常豐富，配有鹹鹹香香的蝦干，鮮蝦粒，鱿魚和香脆腰果和可口的炸白飯魚仔，超有鑊氣🤩黃金海蝦 🦐$128海蝦肉質鮮嫩爽甜又彈牙，配上鹹蛋黃炸起，非常香口惹味🤤冰鎮南非鮑魚 $42/隻鮑魚鮮嫩，肉質軟滑，鮑味濃郁，而且口感煙韌又彈牙，夠豪氣😎整體得分: 4.5/5味道: 4.5/5環境: 4.5/5抵食: 4.5/5🎇二號廚房🎈油麻地上海街55號海景閣1樓

真心值得推介俾大家！第一次食完有驚喜，所有菜式都係酒樓既味道！菜式味道值得一讚，價錢又不貴！現在已經變為我們的家庭，朋友聚會食堂，每次想不到吃什麼，就會回來這裏！

10月8日生日聚會選咗「二號廚房」作為我哋嘅飯聚之地，因為我哋都鐘意食辣。古唔到今次食物质素非常有驚喜，例如呢只清遠雞走地雞，用咗口水雞做法，非常有鮮辣味，而且新鮮，并不是雪藏雞的味道！好食到不得了！👍🏻👍🏻👍🏻值得推介。另外還有冰浸南非鮑魚😋😋鮮甜爽口，有一陣陣日本青酒的青香味食完個鮮未十足的冰浸南非鮑跟住夾塊辣子雞入口直程係味蕾的海市蜃樓香、辣、脆，原來聽大廚講辣子雞經過3⃣️次油炸再起鍋炒唔怪得咁嘢味脆口，食到個生日主角舔舔脷食完辣子雞烤魚眼見香味開始飄出來，緊係要趁熱食啦總之食完烤魚我哋只可以講以後食烤魚又多一個飯聚選擇啦！今次飯聚多謝朋友引薦二號廚房，而且真心良心價錢合理食物又有水准鐘意食辣或粵菜的朋友不妨去試試！另外餐廳服務員質素非常好，有禮貌又細心值得一贊