影片
呢间嘢个辣椒汁系一定要试。虽然佢嘅鱼蛋烧卖本身唔系特别好食，但如果配埋个辣汁之后真系加分好多。因为本人系辣椒控，所以只要佢个汁好食就已经好满足。以佢嘅汁香浓嘅程度真系令我觉得会食唔厌。
继续阅读
平时都有食开呢间二少鱼蛋，不过次次都系拣麻辣汁，今日谂住试吓佢个大辣嘅辣汁。一试发现，原来真系几辣。本身我都算食得辣嘅，所以唔会话食唔到，但系佢嘅辣汁真系好香同好开胃。同埋佢嘅翠玉瓜同厨师肠仲系做紧$4一条，真系超抵呀。
继续阅读
由于今晚屋企无饭食。系荃湾收工之后又唔想食重食。谂住小食当晚餐就算。呢间二少鱼蛋极近73x巴士站返大埔。咁就食住佢等车。烧卖8蚊5粒。10蚊7粒。如果当晚餐就食多啲。叫咗10蚊皇牌烧卖。叫咗姐姐要少少辣。烧卖一早蒸好咗系到。但无用盖冚住。系马路边好似唔系几卫生。烧卖系一般面粉烧卖。无咩味道。而佢加辣个pat我怀疑系沙嗲酱。但一啲辣味都无。整体感觉系一pat热嘅酱汁挞咗落一pat热嘅面粉团上面。可以唔洗试都得。
继续阅读
路徳围小小一个四方形地方，食肆多至近30间，香港也没多少地方如此。不少食店走了又有新的进场，新旧交替基本上每一个进场的都相信自己实力，二少就承接陈先后光顾两次。第一次食烧卖，大路货色，无咩特别，还好无蒸到过火茸茸烂烂，算合格吗？配自制的辣酱，也不见出色。第二次买鱼蛋，叫做有少少鱼腥味。酱汁轻微带苦涩，多数炒糊了。整体而言，本以为二少好似好架势，但出品只叫过得去，性价比也没有优势，在荃湾混，要更努力。
继续阅读
二少鱼蛋，顶手自上家鱼蛋舖，不过可以说是青出于蓝，不但保留有上手嘅少少辣咖哩酱，更有创新食品级酱料，其中二少麻辣酱更是出色，香味四溢，配上鱼蛋，魔芋丝等食物更加出色，更加好食👍而鱼肉汤，碗仔翅更是一绝👍👍😋
继续阅读