影片
最近发现有间以鲜虾浓汤为招牌嘅面店，每日用100公斤新鲜虾头及其他海鲜配料熬制，每100公斤的虾头只可以熬制66碗虾汤！真系够晒足料🤤▪️海鲜浓虾汤面($98)🦐套餐(+$18)配料有鲍鱼、樱花虾、帆立贝、糖心蛋、蛋丝同紫菜，睇起嚟一啲都唔单调😋平时食虾汤拉面比较多，今次嘅面底系类似上海面相比起拉面更加容易入味，完全将虾汤嘅精髓融入到面内。加钱变套餐有小食同饮品~▪️配炸虾角🧡自家制炸虾角颇薄馅靓，里面全部都系虾肉，外皮香脆。▪️配热玫瑰蜜桃果茶🌹桃味同玫瑰嘅混合，散发住浓郁玫瑰嘅香味，冬天饮呢杯暖笠笠成个人都好舒服。▪️盐水鸭汤面($88)🦆盐水鸭口味比较清淡略带少少咸味，肉质松软腍身又唔会好肥腻。同样有蛋丝同紫菜，都系我嘅最爱😋▪️配川味金钱肚🤎川味金钱肚麻辣鲜香，唔会好大旧切得好幼，食得又方便~底下仲有大量木耳丝！▪️霸气玉油柑(+$3)🍹个名好霸气🤣饮起黎酸酸甜甜，味道有少少似杨桃汁。
继续阅读
人气浓虾汤面店，主打虾汤面及虾汁捞面，汤底每天用100公斤虾头熬制，绝对值得一试!!🦐🦐🦐- 海鲜浓虾汤面 HK$98 🦐🍜汤底浓郁，虾味源源不绝，质地浓厚配埋弹牙手工面条超挂汤!!配料有大大只入晒味鲍鱼及鲜味帆立贝，加上樱花虾干及紫菜碎，鲜味涌埋黎!!- 牛宝宝虾汁拌面 HK$98 🐂🦐🍜同样都有浓虾汤底可以拌面，而且仲加入虾籽增添鲜味。滑嫩清汤牛腩肉同脂肪层次分明，慢煮牛肩胛肉味浓，同时食到虾同牛味，超满足!!- 自家制炸虾角 HK$18 🥟🦐必试之选!虾角外脆内鲜，虾仲多过肉，超正!!
继续阅读
本身系喺社交媒体网站见到人广告介绍影到好吸引…今日咁啱喺𠮶头就去食左…点知就咁系咁中左伏..两个人一个叫左个叉烧煎蛋饭..呢个系Ok嘅 叉烧都几多几大旧嘅，都对得住个价钱..性价比唔差嘅….另一个叫左个猪猪虾汁拌面，一上枱已觉得中左伏…个虾汤底并非所讲嘅咁浓😫里面有两块豚肉，一块真系劲肥，食唔到D乜…另一块无咁肥，但直情咬唔到😅劲硬…唔知点解D人会推到咁…但个人觉得真系麻麻地好食，并非介绍中嘅咁好食🥲
继续阅读
见旺角开左间汤面店，今日同朋友经过，就谂住去试下，拌面同浓虾汤面今次都有试到。牛宝宝虾汁拌面拣左冷拌面，捞完虾汁的拌面几好食，跟一小碗虾汤，捞埋落面更香更浓，冷面好有弹性，拌面入面有牛肩胛肉、牛腩，配料有溏心蛋，紫菜碎，好丰富、好饱足。自家制炸虾角外层炸得很脆，饀料足，虾肉粒几大，很有底气。海鲜浓虾汤面新鲜熬制浓郁汤底，放左足料虾头精华，鲜味极致。配料有溏心蛋，帆立贝，份量比想像中多，十分足料，加上弹牙手工面，十分赞🥰
继续阅读
行开旺角见店员推介话呢间好食，一于比个机会试下佢，Menu选择唔算好多，不过款款都好吸引，叫面餐仲可以加钱配埋小食同饮品，佢哋连小食都系自家制，大满足💓二少卤肉饭上枱热辣辣好吸引，卤肉份量多，入口肥而不腻、甜咸适口、香浓四溢，送饭一流香烤鸡卷 见倒隔离枱食好吸引！外皮烤过更香口，鸡肉份量都好多，好惹味，如果想饱啲可以转面餐加钱转套餐个包支装汽水🥤同时都可以加钱转特饮，几款特饮都好吸引☺️下次有机会试埋佢个招牌海鲜浓汤面先😍
继续阅读