影片
今晚试一试呢间。环境好一般般，入到去眼花撩乱！服务一般，冇解释！价格离地！明明上面写竹轮$12/3个，我就order三串加其他嘢。比咗店员之后，都冇同我讲呢个唔系竹轮！就问我要咩辣度。好了，整好了，睇到个价钱我呆咗！然后问店员，先话呢个唔系竹轮，系$12/串！好心你哋就唔好写系度误导消费者同埋唔解释！我可以讲我其他order：一串墨鱼丸、两份青菜和一份香菇！我反问D店员之后都冇进一步解释就话我order错！（你都冇讲清楚，店家有责任提醒消费者，要不然系人都默认呢个系$12/3个！）
继续阅读
以小细舖系界限街已经好想试，男友话咁迫点坐，又话热……本来想去马家庄，见到二家姐开左舖，地方干干净净，佢地既麦茶十分好饮，姐姐成日换热最衰我病左，好多麻辣野唔食得，唔系劲开心，食辣野有助心情愉快清清地只能叫呢几样野1，凉拌皮蛋 ~ 足足有3只$25咋，其他最多咪1.5只，个酱汁都好好味，青瓜丝托底，好食就好食啦，食完完全胆固醇超晒标，建议4个人先好叫呢碟2，韮菜炒粉丝 ~ $15唔好以为好少，2碗都有，睇晒青丁丁唔多吸引，食材新鲜韮菜味好甜，炒得又干身，底无油ga3, 江团鱼 ~ $128 食完鱼仲可以烚菜，肉质都几鲜，好多紫洋葱/娃娃菜垫底，都几抵食下去保鲜柜加菜 (自助) $8/份 (一小札都贵贵地) 买5送1 (只限素食类) 好就好在自选又一定食得晒
继续阅读
某天晚上，又经过她门口，见到个冻柜明显卖麻辣烫，自己又爱辣，又试下无妨。自助形式夹左几款食物便入内交比店员。小店，只有两个姐姐做野，环境卫生请勿太高要求。不过阿姐态度友善，招呼唔错。我食净𩠌、大辣。好似5款，$42包一盒饮品，唔贵。但系食物好一般，不麻不辣又不够烫，都几失望……再望望个menu,又有鸡煲又酸菜鱼又小炒又粉面，你得两个人，点处理到咁多出品？不如专注做好两三样重比较稳阵！起码做个麻辣烫先啦
继续阅读
我几年前已好喜欢食酸辣粉, 几年来返工地点转过好几次, 我每次都会去揾附近好食嘅酸辣粉, 而2年前我开始在太子返工~当然, 花园街𠮶边系有间好出名都好食嘅, 但奈何𠮶间系立食店。下下要企系度食, 冇得坐系度慢慢煲住剧食, 系差少少。最后, 畀我揾到呢间- 二姐家乡小食。呢间店其实都好细.. 店入面只系得几个位, 如果人客多过6个, 其实都会坐得好迫。所以如果我想食, 我会行去睇下多唔多人, So far唔太多人, 有位坐, 我就坐低食。店门口有部雪柜, 入面放好晒一份份/一串串的食材, 任君选择。你只系需要拎起放在旁边的篮同夹, 去夹你喜欢的𩠌菜就可。价钱分两个- 蔬菜$8/份, 肉类/粉面就$12/份。(我最初食, 分别系$6同$8, 但前阵子加左价了。)夹完你想要嘅𩠌~ 就可以拎入去店员姐姐度, 话畀佢知你要咩面底, 要咩辣。佢基本上系麻辣烫来, 但你可以叫酸辣, 佢就会加醋畀你变酸辣~我个人中意加左醋, 开胃D~另外, 佢仲有D自家制小云吞, 但冇放出来的~ 有分大同细, 细嘅连薯粉$22, 大嘅我未叫过我唔知如果想食可以叫面个阵叫埋~今日我叫左小云吞(细)薯粉($22), 生菜($8), 金菇($8), 豆卜($8), 小酸辣。 合共$46。汤底酸酸辣辣咁, 系四川嘅口味~ 好开胃, 好食!另外会有D芝麻, 葱同芫西, 同埋有D黄金豆! 应该系炸过嘅黄豆?D豆好味! 好香口!小云吞(细)有6粒~ 细细粒, 都几好食!食到有豉油味, 系家的感觉同埋相对起其他肉类, 我觉得小云吞比较抵食!好似丸类$12, 都系得3粒, 再加薯粉又$12, 都会$24了。所以小云吞(细)有6粒, 连薯粉都只系$22, 真系相对抵食好多。另外一样我比较觉得有特式嘅系豆卜, 呢度只系一条入面嘅其中一PART, 本身豆卜系一整条的~ 好得意~ 同埋呢个豆卜吸左D汤来食都好好味~所以我次次都会叫~总括来讲, 呢间野D野食味道唔错~但我个人就觉得其实偏贵左少少(相对起我几年来在唔同区食嘅),但而家HK租金贵, 小店生意难做, 就体谅下啦~总之我口痕想食酸辣粉就会行去帮衬
继续阅读
呢间野开左都有一段时间由于真系好近屋企 基本上谂唔到食咩都会过黎食呢度主要系食辣ge 当然都可走辣啦呢度系自助形式夹𩠌ge车仔面菜：$6 肉/面：$10除左面食 仲有好多其他野食ga 鸡煲 猪手 猪腰 贵妃鸡呢一日又同b先生黎食我：海带 南瓜 火腿薯粉B先生：波菜 汉堡排 斯华力肠 乌冬为左就b先生 我地汤㡳叫左唔辣 辣酱另上伴菜仲有九菜 芫茜同黄金豆我超钟意黄金豆 劲香口👍🏻👍🏻D𩠌其实就好普通 乌冬同薯粉质地mama地反而个汤底有惊喜 清汤甜而冇味精辣酱真系好正 钟意食辣ge朋友千祈唔好错过
继续阅读