影片
以上资料只供参考，请与餐厅确认详情
深宵揾食，大围算多选择，有位有地方坐，但要食车仔面就难有，今日行过大围油站，有间以为系茶记，原来系车仔面主打铺，应该讲系车仔面加茶记，今次试油面加车仔面三宝配腩汁同沙嗲酱，味道清啖正常偏干净，但食唔出那渣面（车仔面另一名）风味，算系萝卜有萝卜味（3件），猪皮有猪皮味（3块），猪红有猪红味（多过5粒1），车仔面套餐最低消息要$62配热饮，将来食就要留意价钱，我今次食$58料都要俾$62，问过职员，佢只答我系套餐，叫我下次留意，今次已入单，厨房都出咗餐改唔到，食野都要食经验
继续阅读
见好耐无食，又挂住佢地个蒸饭天气冻冻地岩哂，除咗笼仔蒸饭、仲有炒粉面饭，车仔面等等。笼仔荷叶蒸龙趸片饭(一人份)即叫即整制作需时，要等15至20分钟，笼仔底部铺上荷叶，闻到啖啖嘅荷叶清香，份量十足，仲用上炒饭底，饭面上有虫草花、蒜粒和云耳，口感丰富又够香 ！龙趸片都几厚肉，好满足啊！下次试下其他款式。星洲炒米份量亦不少，配料有虾仁、叉烧丝、蛋、芽菜等等，镬气十足，炒得几干身，咖喱味又突出。冻柠茶大大杯，够哂解渴。
继续阅读
今日约咗朋友踩单车，还完架车喺大围店，喺附近揾间车仔面食吓先！呢间餐厅早上6:30就开门，营业到半夜3:30 ，长时间营业，落去食宵夜仲得😍大碗面，沙嗲汁 $69（有猪红，猪皮，萝卜，鱼蛋，鸡翼，鸡翼尖，红肠同菜）好多𩠌！猪红、萝卜够入味，薄猪皮爽口，鱼蛋好扎实，鸡翼同鸡翼尖都好入卤水味，的确唔错！仲要索晒沙嗲汁，好正！🤩朱小姐粗面牛腩汁$69（有猪红，猪皮，猪手，猪大肠，扎肉，贡丸 ）呢个猪大肠腌的好够味，猪手又够腍，扎肉同贡丸正常，所有配了索晒牛腩汁，掂呀！☺️鲍汁凤爪$36凤爪炆得好腍，好入味，而且食完之后仲有好多鲍汁，正呀！😙红豆奶茶 +$16第一次饮到红豆味嘅奶茶，几特别，啖啖红豆味😇红豆冰 +$10红豆几甜，加埋椰香，送车仔面一流😍📍二兄车面馆 (大围)大围大围道1-35号金山楼地下2号舖
继续阅读
今晚同朋友去左大围二兄车面馆食晚饭。原来二兄每日由早上11点做到凌晨3点半。适合大家嚟呢度食宵夜。我就叫咗牛大哥米粉：牛丸弹牙可口，汤底牛腩汤带著浓郁牛肉香气。牛筋经过慢火炖煮后非常软嫩。仲有牛柏叶厚实与牛腩鲜嫩。最后，清甜萝卜为整碗汤增添了一丝清新，像是一抹亮色在浓烈的牛肉风味中。我朋友拣咗星洲炒米米粉口感外脆内嫩，炒得恰到好处，带著微微的焦香。虾仁鲜美与丰富蔬菜形成绝妙搭配，虾仁弹牙，鲜香四溢，而其他配料清脆口感则为整体增添了层次感。星洲炒米该独特之处在于那股微妙香辣风味，让人感受到一丝刺激却不会过于辛辣。不过我觉得呢间餐厅座位非常舒服，好有空间，唔会俾人感觉逼夹。而且服务员态度非常好👍👍
继续阅读
笼仔荷叶蒸虾球饭份量十足！笼仔荷叶蒸虾球饭的炒饭色泽金黄，香气四溢，每一粒饭粒都炒得恰到好处。饭以笼仔盛着，带有微微的焦香，上面有虫草花、蒜片和葱，还有爽口弹牙且入味的虾球，一摆上枱香气四溢。最底的荷叶也很香，让人感受到一股淡淡的清新。虾卷王虾球外表金黄酥脆，内里则是弹牙的虾肉，口感爽口，让人忍不住一口接一口。虾肉亦腌得非常入味。再配合甜酸酱，口感一流。车仔面车仔面的价钱非常实惠，𩠌菜选择亦多。我们选了墨丸、鱿鱼、猪润、油面配沙嗲汁。汤底十分浓郁，味道入味，让人一口喝下去就能感受到丰富的层次感。沙嗲汁的微辣风味恰到好处，油面的口感滑顺，与浓郁的汤底相互辉映。每一口都能感受到油面的弹性，滑口的同时又不失嚼劲，让我们吃得非常满意。墨丸爽，鱿鱼鲜美，猪润的口感也十分丰富，让整碗车仔面的味道更加立体。这间小小的车仔面茶餐厅，食物款式多元化，还有「大胃王」扒餐，焗饭餐等任君选择。
继续阅读