二兄車麵館

营业中

休息中

今日過左黎大圍行街搵野食見到一間門面好大間既茶餐廳睇左一眼個餐牌，超多種類選擇最後都同朋友仔簡左呢間餐廳食招牌大碗麵$69份量十足，內面有豬紅，豬皮，蘿蔔，雞翼，雞翼尖，菜心，紅腸，餸料都好入味，我最中意佢既咖喱豬皮，炆得好腍，蠔仔肉碎鮮蝦泡飯$65湯底鮮甜，加埋絲瓜同芫荽 口感十足蠔仔新鮮飽滿，蝦肉彈牙眼闊肚窄，餐廳實在太多種類嘅美食連籠仔蒸飯，原盅藥膳燉湯都有下次都係搵多幾個朋友一齊嚟試吓 其他美食二兄車麵館 (大圍)大圍大圍道1-35號金山樓地下2號舖

【大圍•二兄車麵館】@brothercartnoodleππππππππππππππππππππππππππππππ大圍人氣茶餐廳 主打車仔麵仲有角色飯麵 多野揀餐廳環境新淨有電視 湯飯 午餐有西多士紅豆冰、炸雞翼、薯條 等等龍仔荷葉蒸龍躉片飯 一人量98$ 跟熱飲龍躉片和荷葉的搭配構成了很好的視覺效果。龍躉片嫩滑鮮嫩，荷葉的清香能夠有效地提升整道菜的風味。鮑魚福建炒飯 98$ 跟熱飲用鮑魚和福建炒飯搭配，既有鮑魚的鮮美，又有福建炒飯的香脆，口感上非常有層次感。炒飯的香氣和鮑魚的鮮味完美地結合在一起。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 196✨✨✨✨✨✨✨✨✨✨✨✨✨#大圍美食 #二兄車麵館 #web3大圍二兄車麵館大圍大圍道1-35號金山樓地下2號舖

踩完單車🚴🏻‍♀️又係時候去搵食補充返啲體力😋本身想去大圍名店食湯麵🍜可惜遲咗步撞正中場休息😅行多幾步見到呢間餐廳菜式又幾多款，有車仔麵又有飯🤩就入去試吓😆🦪 炸蠔餅 (小) ($49) 雖然話小都真係唔小😂😂重點係啲蠔好大粒‼️嗰餅又炸得酥脆😋茶記嘅配置做到大排檔嘅質素，抵食👍🏻🥓 臘味籠仔飯 ($88) 冬日最啱就係食臘味😋籠仔飯用咗炒飯底，有基本調味得嚟又唔會蒸到啲飯濕濕爛爛😌臘味經過蒸煮後香氣滲哂落啲飯度，乜都唔洗加就已經好好食🤤🤤🍛 鮑魚福建炒飯 ($88) 最初冇留意到有鮑魚🫣所以上枱嗰吓都幾驚喜🤣炒飯夠乾食，醬汁唔會太鹹，餸又夠多，撈飯一流😆📌 二兄車麵館 大圍大圍道1-35號金山樓地下2號舖

和朋友光顧了鄰近大圍港鐵站的二兄茶餐廳。我們點了一碗大碗麵，裡面有滿滿的魚蛋、豬皮、豬紅、蘿蔔、雞翼和菜心。魚蛋鮮嫩，豬皮夠淋，豬紅爽滑，蘿蔔的甜味與粗麵搭配得天衣無縫。 鹵水雞翼肉嫩多汁，菜心則為整碗麵增添了清爽的口感。除此之外，我們還品嚐了炸雞翼、炸蠔餅和蠔油菜心。炸雞翼外皮酥脆，炸蠔餅則是外酥內嫩， 感覺是用雞蛋，鮮蠔仔和麵粉所組成，蠔的鮮味和麵糊的口感相輔相成，令人愛不釋口。菜心綠意盎然，配搭蠔油最好不過。

經過大圍入咗去呢間二兄車麵館，佢喺大圍火車站一直行去到油站嗰度，位置都算幾方便。今次同朋友去叫咗個咗個招牌大碗麵同埋籠仔荷葉蒸蝦球飯。招牌大碗麵有得揀湯底，我揀咗沙嗲湯底，個湯底好濃，入面啲餸有豬皮蘿蔔、紅腸、咖喱魚蛋、雞翼、雞翼尖，每樣餸個水準都唔差，個豬皮好入味，另外最好食嘅係雞翼尖，醃得好好食😋本身仲諗住專登叫個雞翼尖外賣，不過好可惜佢話雞翼尖淨係可以配車仔麵，冇得就咁嗌。另外嗌咗個籠仔飯，份量好足，一個人食嘅話超級飽。

係大圍番左3年工都未試過呢間聽朋友講籠仔飯好得今日同同事試下我地叫左籠仔蒸龍躉飯二人餐好足料起碼有8大塊以上既龍躉配料：雲耳、海量蟲草花、蒜蓉、蒜頭龍躉大大塊厚肉～魚肉一梳梳好新鮮炒飯吸晒荷葉味～兩個人剩係食呢個都夠飽餐茶要左凍啡多奶、凍奶茶多奶少冰、點解仲有一杯熱啡？就係因為同事想試埋流心西多，每人一杯半野飲，我杯奶茶飲左3份1倒咖啡落去變左鴛鴦😆😆一擺上枱已經好香牛油味好邪惡呀好大塊牛油加埋糖漿切開入面有溶左既芝士同埋蛋咸甜咸甜既口感我鍾意每人食一半加埋籠仔飯真係爆裙咁滯下次想再嚟試下籠仔臘味飯～問左如果唔食膶腸可唔可以走店員姐姐好好人話可以同廚房講睇下可唔可以轉臘腸好開心又多一個食晏好去處

食神話過：「只要有心，就人人都可以係食神。」今次俾我喺大圍搵到一間非常有心既車仔麵餐廳一定要推介俾各位試下車仔麵（牛丸、咖哩魚蛋、魷魚、花菇、麻辣雞翼尖、油麵） $86 🍜食車仔麵識叫一定要叫咖哩魚蛋 實肉彈牙花菇勁厚肉 勁香菇味 絕對唔係出面平價冬菇冒充辣汁既香且辣 唔係味精死辣 食到辣既朋友一定要嗌籠仔蒸蝦球飯 $78 🦐考下大家，一個籠仔蒸飯，最重要既係咩呢？冇錯！就係飯啦 呢到蒸飯既處理極度用心飯底先炒後蒸 粒粒分明蝦既size非常有誠意 絕對推薦份量有得揀一人份或者二人份小妹細食 一人份已經要同老公分先食得晒韭菜豬紅 $29 🥣諗住嗌多個小食過下癮 點知令我地都喜出望外豬紅口感實正 湯汁濃郁 絕對唔係小食咁簡單

大圍新開一輪嘅餐廳🙌🏻名就叫車仔麵，但其實入面咩都有得食👅不過我都食番招牌車仔麵🤣試吓咩料子先三餸車仔麵 配料：瑞士雞中翼，咖哩魚蛋，牛腩個麵底幾大，食落都唔錯，但不是特別驚喜跟餐有一杯熱飲☕️

大圍一向有好多小店，今次因為個籠仔蒸飯而來，坐低六點唔夠都仲有下午茶，但係太肚餓都係嗌正餐。嗌咗個招牌車仔麵沙嗲汁河粉同埋籠仔蒸蝦，兩個餐都包熱飲車仔麵好足料蘿蔔好大嚿好入味，鮮甜唔苦，豬皮豬紅都好爽，雞尖都好淋！沙嗲汁好惹味，河粉吸晒啲汁😍到重頭戲啦，呢個蒸飯非常驚喜，佢個飯係有炒底，所以就算蒸完都非常粒粒分明，唔會太濕，加埋好多蒜頭好香，仲有蟲草花同雲耳吸晒啲汁😍大蝦都俾咗好多隻絕對足夠兩人份量，由於非常開胃，真係食到一粒米都冇剩😂😂$200 三人份量好滿意，絕對係街坊平民小店，下次去試吓下午茶先

想不到這間位於大圍的二兄車麵館，竟然有炸蠔餅，而且仲可以揀大小，兩個人吃個小的份量剛剛好！蠔餅的蠔size很大，而且炸得非常酥脆，$55確實性價比高！另外還有籠仔荷葉蒸蝦球飯，也是有一人或二人的份量，籠仔的底部鋪上荷葉，配上炒得金黃香口的炒飯，還有蝦球、蟲草花、蒜粒等材料，放入籠仔上蒸。上枱時熱辣辣、香噴噴，十分美味！至於車仔麵，任選3款配料奉送熱飲盛惠$58，選了金錢肚、墨魚丸及咖哩魚蛋米線，這裏要特別讚一讚湯底，是濃香腩汁，真不錯！

服務態度差 撈麵一個鐘 衛生差 冇質素嘢食貴吾飽肚不斷漏單 火腿奄列凍 重要食完面先尼凍檸茶D冰都溶晒 主食都未嚟服務員 極蠢 超級差評 ………………………………………………..

入到嚟大圍，美食琳瑯滿目，但都比我留意到呢間隱世麵館，店員話車仔麵係招牌，所以我同朋友都叫咗兩碗自選三餸車仔麵 $58。除咗車仔麵都好多其他選擇，例如籠仔飯和港式茶餐。🍜牛丸+牛柏葉+豬紅 配沙嗲湯油麵車仔麵大大碗，沙嗲湯底味很濃郁，對於不吃辣的朋友仔也是個很好的選擇。牛柏葉很出色，爽口但不會很難咀嚼，比較易入口，豬紅亦沒有什麼怪味，口感柔軟且滑嫩。🍜鳳爪+豬耳+雞翼+魷魚(額外加配的) 配麻辣小辣湯米線這碗的全部餸都很好吃，很值得一試！ ！鳳爪很大隻！而且易脫骨，不會吃得很狼狽，還很入味。長條狀豬耳十分爽脆，邊位軟軟糯糯。雞翼很入味而且肉質嫩滑😍😍🦪炸蠔餅(小)個外皮炸到金黃酥脆，蠔肉即使炸後仍能保持鮮嫩，很creamy!!每一口咬下去都能吃到蠔肉的鮮美～

離遠見到招牌宣傳係車仔麵，咁啱又想食，於是特登行過去試試，可惜味道令人失望。車仔麵餸選擇唔算多，所以都係選咗比較大路的蘿蔔、咖哩魚蛋、豬紅。蘿蔔完全唔入味，唔甜甚至係冇味、而且偏硬、可能蘿蔔本身老，魚蛋味道奇怪、唔係咖喱味，豬紅太老、已經變硬，米粉正正常常，腩汁味道偏淡。整體來講，魚蛋同蘿蔔係車仔麵基本野，做得唔好真係叫人失望，應該不會再來食車仔麵。餐牌上仲有其他小菜，碟頭飯之類，簡單來說似係一間普通茶餐廳。

大圍出名多穩世美食，今晚就決定試呢間有飯有麵食的小店。大圍火車站出一條直路行幾分鐘就到，都叫易搵方便。晚飯時間，人數都唔少，但上菜速度都快手。🍜大碗麵🍜$65（油麵沙嗲汁）沙嗲味夠濃，但又唔會過咸，餸方面有豬紅豬皮魚旦雞翼雞翼尖蘿蔔同菜等，份量多到1個人都食唔哂。🐟籠仔蒸龍躉飯🐟1人份$88即叫即蒸，新鮮熱辣，係炒飯底，粒粒分明，荷葉香味同龍躉鮮味完美融入飯入面，魚肉夠厚又唔會腥，高質之選，值得推介。🦪炸蠔餅🦪細$55就算叫細份，都超級大份。蠔份量超多同超大粒，炸得鬆脆可口，配上魚露忍唔住一口接一口。評語待應有禮，做野快手食物抵食高質🐵推介🍌🍌🍌🍌🍌（5🍌為滿分）📌 二兄車都館地址：大圍大圍道1-35號金山樓地下2號鋪#Monkey#foodie#taiwai#美食#食評#外食#知己相聚#二兄車麵館#大圍#車仔麵#籠仔#蒸飯#龍躉#蠔餅#抵食#性價比高#沙嗲湯

由於怕環境污糟/坐得唔舒服，我平時都好少選食車仔麵。估唔到依間餐廳又大又乾淨，座位闊落，食物選擇都好多。🔶三餸車仔麵 包熱飲 $58 (少麵)我選了牛丸、牛柏葉和花菇牛丸不是街市最cheap那隻，而是餐廳獨家配方，咬下去不多筋，反而香軟有牛味，有驚喜雖然叫了少麵，但份量依然十足，一個女生都未必清得晒一碗🔶大碗麵餐 包熱飲 $65 (少麵)咩餸都有，咁樣食車仔麵最正。沙嗲汁不是花生味重的那種，而是淡淡的香辣口味，個人幾鍾意佢夠惹味。特別抵讚嘅係蘿蔔冇筋、夠淋，索晒湯汁🔶蠔油通菜 $25為健康而堅持出街盡量食菜份量夠多，洗得夠乾淨🔶另外因為天氣熱所以叫了特飲，紅豆冰和檸檬可樂都係加$10配的