影片
营业时间
今日营业
06:30 - 23:00
星期一至日
06:30 - 23:00
以上资料只供参考，请与餐厅确认详情
成日去食早餐，好钟意佢嘅蕃茄汤底，好多蕃茄酸味味，今次叫左手撕鸡，比较清淡。到我好啱夏天食同事唔知系咪新来，比错隔离𠮶碗我，好彩佢回收之后都系倒咗佢。整体都唔错
继续阅读
天要下雨、人要食嘢。从西九龙中心行出嚟，本来要再去福荣街买嘢，但天空下著微丝细雨，肚子又饥肠辘辘，此时咁啱就望到呢间冰室，决定入去饮啖茶，食个包。打开餐牌就被呢几个字吸引“特大菠萝油餐”，睇埋价钱-- $33包埋饮品，OK! 落order个菠萝包真系好巨大，比成人手掌还要大，食落OK，面层都算松脆，包身亦够软绵绵。美中不足系个包唔够热，做唔到菠萝油嘅卖点--冰火，而牛油亦唔够香。整体评价系抵食，但未致于好食，不过唔系差。
继续阅读
环境窄，卫生麻麻，食物差，态度更差。叫咗个炸鸡脾薯条沙律下午茶餐，52蚊，比其他茶餐厅贵不特止，鸡脾炸到又㶶又干，又少咗忽肉咁。而薯条个口感好似隔夜再翻炸咁，沙律就普通，因为好难整得再难食。之后同话得事嘅伙记反映食物质素，佢一句「喺咁㗎㖞」就算，完全唔会想主动跟进，态度消极同负面，即刻无晒胃口。既然喺咁，就梗喺唔会再帮衬喇。
继续阅读
唔知以为去咗大排档, 好似80年代咁, 服务态度极差！啲职员嘈冤巴闭, 有手机落单都要大大声讲嘢, 若果要度噪音分贝, 起码70度以上, 食食下又要人调位, 就出面啲客入嚟坐, 服务态度差到冇人有！唔怪得啲香港人返晒内地饮饮食食, 对呢间餐厅非常失望！
继续阅读
九龙餐室，位于深水埗汝州街282号地舖。店内环境嘈吵，点了两个下午茶，瑞士汁牛肉炒河$56、芥末酱热狗$42、冻柠茶$3、热斋啡。📍瑞士汁牛肉炒河$56 ~ 牛肉份量好少，完全食唔到有瑞士汁嘅味道。📍芥末酱热狗$42 ~ 热狗包好㶶，连最简单的热狗都唔好食。📍冻柠茶$3 ~ 味道正常。📍热斋啡 ~ 反而斋啡算可以，起码够热。性价比低，唔会再嚟。🏷️温馨提示 ~ 整个用餐体验均属个人分享意见，只作参考。九龙餐室地址: 深水埗汝州街282号地舖
继续阅读