九龍坎麻辣火鍋

营业中

休息中

FD話想食麻辣火鍋，揀咗哩間古香古色嘅火鍋店。晚上唔算特別full，2個人都可以安排大台，唔錯。店鋪提供小料同水果，乜都有，啱曬所有人。經典鴛鴦湯底（高湯+麻辣），麻辣揀咗小辣，唔會特別辣，入口好溫和，食完唔會覺得辣嗓子。高湯落咗大量豬骨煲制，加埋白蘿蔔一齊，飲落好清甜。百香果檸檬茶，落咗數款檸檬，其中香水檸檬香味特別出眾，加埋百香果，味道層次更加豐富。雪花肥牛，睇到都O曬嘴，有成1米咁長。每件牛肉都勁大塊同厚身，最特別係牛肉帶埋少少脆骨，食落好特別。凍豆腐，每次食火鍋必叫。豆腐放落辣湯煮，嗦曬湯底辣味，食到停唔落口。鮮藕片同土豆片，都係微微涮下可以食，口感都係偏脆，可以食出本身甜味。特製魚皮餃，魚皮彈牙魚肉鮮甜，內餡好似落咗少少馬蹄，豐富咗口感。農家筍片王同幹貢菜，比較少見嘅配菜，兩個配菜點煮都係好脆。嫩玉米，玉米品種好好，食落爆曬汁水又好軟糯。皇帝菜，麻辣中和咗皇帝菜獨特味道，食落新鮮鮮甜。

一踏入就聞到辣椒與油香味道,引發食慾!火鍋店以中國風裝潢為題,木製屏風,面譜及用具都充滿特色.餐廳地方闊落,設多間獨立房間,更可於門口位置穿上宮延服打卡🔸招牌牛油紅鍋 及 高湯鍋底（$186)🔸茶水（$10/位)🔸調料（$36/位）招牌牛油紅鍋辣味濃郁.高湯配有粟米,杞子,蘿白🔸九格格($186)包括鵝腸,毛肚,鮮蝦,黃喉,牛丸,桂花蚌,毛肚,鮮蝦,牛柏葉共九種不同食材.每款份量不多,滿足到想試不同款式嘅朋友🔸凌王蝦滑($106) 🔸小郡肝($56/小）蝦滑雪白,內裏有很多蝦肉,有口感.亦非常有心思地將蝦滑整成心形造型.小郡肝係四川叫法,等於腎.一串一粒,爽脆🔸鵪鶉蛋($21/小)🔸8秒土豆絲($38)8秒土豆絲一絲絲,晶凝通透.溫馨提示大家,真係只可淥8-10秒!同朋友開懷聊天,一下忘懷🤣土豆絲就消失於湯底中

對自己好啲，放假要番餐好野，相約老友在油麻地，一間甚有特色的酒樓，品嘗一下正宗的四川火鍋店，進門已聞到麻辣香味，裝修甚格調。我地要了鴛鴦湯底，需則點了小辣，但我地都覺得巧辣啊😛，食得辣的朋友，可以去挑戰一下😊。打邊爐都要色香味俱全，今晚點左-必點的九龍坎打卡美食，賣相精緻的九格格，有9款菜色～桂花蚌、鮮蝦、鵝腸、肉丸、海帶苗、黃喉同埋毛肚，桂花蚌同牛柏葉，款款各有特色，喜歡桂花蚌、黃喉的爽脆又有有嚼勁。珊瑚蚌，老友喜歡食佢嘅質感，特別點多點，很快又清左佢啦😙。店長推薦～四菌子，菌類有金耳菌、竹笙、雞樅菌同繡球菌，我只食過竹笙，其他3款第一次品嘗，無論口感質地都唔錯，吸晒啲湯入口好正😊。准生、油麥菜、冬瓜同手工豆皮，健康養生，極之滋味。飲完啤酒🍻再叫多杯百香果檸檬茶,高纖又清爽解辣。

今日行開油麻地，唔知食乜好！行到新光商業大廈地下，有個派傳單嘅姨姨推介我哋試下食呢間<九龍坎麻辣火鍋>！就係咁我哋就入去咗食啦上到去嗰下眼前一亮🤩因為入到去個環境好中國宮廷，好靚，我同個朋友不停周圍打卡🥰舖頭仲好貼心，有埋充電位，唔怕電話冇電😜調味料係自助既，有隻醬料叫韭菜醬我覺得好特別，可以一試我哋叫咗個網紅套餐4經典鴛鴦湯底*招牌牛油紅鍋&高湯-招牌牛油紅鍋我哋叫咗小辣都覺得十分惹味，夠晒麻夠晒辣🔥-高湯湯底有蘿蔔、紅棗、杞子、粟米••••••夠晒清甜四菌子（店長推介）繡球菌/竹笙/金耳菌/雞檚菌打邊爐最鍾意食竹笙同埋繡球菌因為夠晒爽脆👍🏻*白鱔片魚肉新鮮肥美，厚身大片，咬落彈牙*小肥羊鮮嫩可口，有羊味🥰*蟹味棒（小份）有鮮甜味，唔會淡而無味*潮汕牛肉丸（小份）牛肉味香濃，有肉汁又十分彈牙👍🏻*特製魚皮餃（小份）肉質飽滿，有魚味好食生菜（小份）/葶葶玉米（小份）百果香檸檬茶兩杯食麻辣火鍋！當然唔少得百果香檸檬茶啦！可以解辣同解膩甜品有雀巢雪糕同埋自製冰粉*原來呢度有包房，可以一邊打邊爐，一邊打麻雀🀄️⼀邊唱卡拉OK，下次可以叫埋朋友一齊上去又玩又食，嗰度環境真係好靚😍

今日同朋友去咗油麻地新光商業大廈入面一間叫「九龍坎麻辣火鍋」食充滿四川成都風味嘅麻辣火鍋，餐廳嘅裝修非常華麗，四周都有唔同四川元素嘅裝飾，例如京劇面具、關公像、宮廷建築等等，餐廳環境充滿宮廷風，非常有特色。我哋嗌咗經典鴛鴦鍋底，一邊係麻辣牛油紅鍋，另一邊係高湯鍋，啱晒鍾意食麻辣嘅我同另一位唔食得辣嘅朋友。牛油紅鍋湯底鋪滿左一層厚厚嘅辣油，花椒同辣椒帶出好香嘅麻辣味，極度推介大家淥肥牛嘅時候用呢個湯底，淥熟咗之後塊肥牛直頭連豉油都唔使點就已經好夠味；高湯鍋入面有紅蘿蔔、白蘿蔔、粟米等等嘅配料，最啱用嚟淥蔬菜。我哋嗌咗一米雪花牛、爽脆鵝腸、龍蝦丸、石磨嫩豆腐、炸響鈴同油麥菜。雪花牛上枱嘅排場好震撼，用一塊一米長嘅木板放住大約十幾件嘅雪花肥牛，牛肉咬落去有口感，份量好充足，令我哋食得好滿足；爽脆鵝腸嘅份量唔少，內臟處理得幾乾淨，唔會黐住脂肪；龍蝦丸亦都爽口彈牙；石磨豆腐嘅外皮比較厚身，放落去火鍋入面淥都唔容易散開，食落去好重豆香味；炸響鈴幾新鮮；油麥菜吸晒湯底嘅精華。另外，食麻辣火鍋一定要嗌返杯凍飲解下辣同油膩感，我哋嗌咗百香果檸檬茶，味道酸酸甜甜，整體感覺唔會太甜得嚟又幾清新，食完咁多濃味

一入火鍋店，就聞到好大浸麻辣味，餐廳成個裝修到好別緻，有去返中國古代嘅感覺，門口仲擺放左幾件漢服，可以俾人著住影相！有少量水果可以任食，蕃茄、西柚、哈密瓜都甜！嗌咗個鴛鴦湯底，一邊係高湯，味道清淡，啱唔食辣嘅我，另一邊係小辣嘅牛油紅鍋，朋友話唔算太辣。嗌咗個九格格！可以每樣食少少咁試9款火鍋料，大部份款式都係特別嘅，牛丸多汁，黑柏葉、珊瑚蚌好爽脆，火鍋料都幾新鮮。嗌咗兩杯百香果檸檬茶，大杯同埋非常解渴！

午餐以$78人頭黎講性價比爆棚，店舖裝修勁靚，處處都可打卡，湯底可選鴛鴦煲，肉類質素都不差，自助區域選擇也挺多，為欠飲品選擇不多，午餐食飽還有幾款雪糕食，滿足。

食物⭐️今日叫咗鴛鴦鍋底，辣嗰邊真係辣得好過癮🥹🥹又有少少麻😍 好開胃，辣度都有得選擇⭐️醉雞，好滑，有小小酒味，落鍋超好食🥰⭐️鮮枝竹，好新鮮，浸左啲湯味超淋😍⭐️四菌拼盤，有4款菇類，可以一次過食到4種菇，好正⭐️皇帝菜，菜好新鮮好嫩，好清甜，另外都仲有好多其他菜選擇，例如生菜油麥菜等等店舖位於佐敦，地點超方便，而且裝修好古色古香，好有古代中國風味，勁靚，打卡都一流呀😀 另外辣度都有好多選擇，鍾意食辣嘅，你一定要去試吓☺️

#港女覓食到油麻地呢間食麻辣火鍋嘅餐廳，裝修勁中國風。而餐廳枱面都算大，嗌勁多嘢食都唔使驚冇位放😆✨經典鴛鴦湯底招牌牛油紅鍋(小辣)小辣都會越煮越濃味，入面有勁多花椒同辣椒。食落唔會話好油膩🤩香辣味一流。唔辣嘅就係高湯，食落都夠味道。入面有粟米、紅棗、紅蘿蔔、金菇&芫荽。✨四菌子幾乎枱枱都有點呢一個菌子食😙呢四款菇菌最常見嘅已經係竹笙，其他菇都比較少見🫣食落菇菌鮮甜。白色係竹笙，米色係繡球菌，黑色係黑皮雞樅菌，黃色係金耳。d菇菌唔好煮太耐，佢地會洽到淋身左😂食落口感就無咁好啦。金耳&繡球菌本身係口感軟身，食落有膠質。黑皮雞樅菌食落有咬口~竹笙索咗火鍋湯底嘅汁係最好食，我就鍾意放喺麻辣個邊🤣 爽口的竹笙跟麻辣湯底，辣得好過癮。其他打邊爐配料就有花雕件，午餐肉、鮮腐竹及皇帝菜啦😄都算係幾大碟啦！✨百香果檸檬茶飲落酸酸甜甜好開胃解辣一流👍🏻餐廳有另收醬料費(每位$36)及茶水(每位$10)。另外醬料區亦都有車厘茄、青瓜、西柚及橙用作餐前小食。✨總結人均消費💸：$400/1人(餐廳需收加一服務費)味道：🌕🌕🌕🌕🌑份量：🌕🌕🌕🌑🌑服務：🌕🌕🌕🌑🌑質素：🌕🌕🌕🌕🌑🍴 九龍坎麻辣火鍋 (新光商業大廈

We stumbled upon this remarkable Sichuan hotpot establishment, and we were thoroughly impressed by the exceptional quality of the food. The interior decoration of the place added to the overall experience, creating a fantastic ambiance. Among the dishes we tried, the mushroom set stood out as a must-try, offering an amazing taste. We highly recommend the sliced crisp flesh grass carp, which was incredibly fresh and had a delightful texture. The soup base had a spicy kick, and we particularly sug

好鍾意食麻辣火鍋嘅，我又搵到一間優質環境又靚嘅麻辣火鍋店，呢間位於佐敦嘅餐廳，一上到去就已經有好多特色嘅打卡位，風格走中式宮殿風，無論所有嘅擺設定係碗碟都好似置身於宮殿入面，好有特色，有提供古裝服飾比啲人打卡影相，好過癮鍾意食辣嘅我，嗌咗經典鴛鴦湯底，一半清湯，一半麻辣湯底，係四川麻辣風味，食落啲味越滾越入味，清湯配料都好足，又有蘿蔔粟米同埋啲配菜九格格特登點去呢個狗格格想覺得好精緻，而且又可以滿足食到唔同嘅食物，原來份量都幾足料，就咁食呢個九格格，都已經有五成飽，入面有唔同嘅海鮮，例如巴沙魚、鮮蝦、桂花蚌、毛肚、鮮蝦、鵝腸、黃喉、龍蝦丸、海帶苗海鮮全部都好甜鮮甜，而且枱面仲會有指示教你每個食材淥嘅時間係最新鮮～平時好少見啲有鵪鶉蛋呢個選項，叫咗嚟食吓份量超級多，而且好嫩口可以試吓另外仲叫咗啲配料，鮮鴨血、淮山同、牛舌同雪花肥牛，食到好飽～麻辣湯底越滾越辣，一定要點凍飲解辣～點咗佢嘅百香果檸檬茶，唔算好甜，幾清新

調味料喺自助吧自己拎$40/位, 另外佢茶飲$10/位🥢經典鴛鴦湯底我地叫左招牌牛油紅鍋同高湯, 當然叫左小辣先, 然後啲辣椒咁足料唔敢食太辣🤣
🥢九格格有哂我最鍾意既黃喉, 毛肚, 蝦, 象拔蚌, 貢丸, 鮮鴨血, 魚片!!! 岩哂每樣都想試既我地☺️ 魚片無骨太開心, 值得一提既係個鮮鴨血原來混合左牛奶整, 所以店員都建議即刻落鍋, 唔好室溫放太耐🤭
🥢鵪鶉蛋個人建議鵪鶉蛋可以放辣鍋, 淥幾耐都唔會好硬, 幾特別
🥢雪花肥牛舌+淮山呢度啲嘢食好好就係可以叫大份或細份, 個牛舌好出色, 爽口得黎唔腥🤪 淮山都建議可以落果邊, 吸下湯汁🤣
🥢微微炸饅頭饅頭岩岩炸起好香脆, 看似最普通但係永遠都係最好食😋
🧋百香果檸檬茶食辣野有杯廢水當然唔少得😏 飲茶，又唔會太飽同埋解油膩

平時食邊爐係肉多過菜，今次係蔬菜類意外吸引到我😋餐廳既招牌牛油紅鍋&高湯係最多人揀。牛油紅鍋有濃濃既牛油香氣、濃郁既口感令人回味。而高湯則清新爽口，保持食物既原味。邊爐菜既選擇非常豐富，特製魚皮餃帶有鮮嫩既口感和豐富既魚香味。凍豆腐和筍片王帶來清爽的口感，豆腐係類似豆卜既口感，吸左湯底既精華。而筍片王無論係爽口食定係浸淋d都一樣咁好味。鮮藕片有拉絲既口感，係新鮮既味道。貢菜平時好少食，口感特別，建議沾腐乳醬。呢間餐廳有多樣既邊爐菜類選擇，而且材料新鮮，服務態度友好，環境舒適，呢度係唔錯既選擇。🔹🔹🔹🔹🔹🔹🔹🔹🔹🔹#九龍坎麻辣火鍋 (新光商業大廈) (油麻地)油麻地彌敦道469號新光商業大廈3樓🔸🔸🔸🔸🔸🔸🔸🔸🔸🔸#油麻地好 #油麻地食好西

我最近去了九龍坎麻辣火鍋位於油麻地的分店，完全被他們的火鍋所征服。首先，這家餐廳的服務真是一流，工作人員熱情友善，提供了快速而周到的服務。他們非常樂於回答問題，並確保我們的用餐體驗愉快舒適。進入餐廳後，我們被它宮廷風的裝潢所吸引，這種氛圍讓整個用餐過程更加特別。菜單上有豐富多樣的火鍋選項，我們選擇了他們招牌的牛油紅鍋，這是用十多種香料製作的，香麻又惹味。火鍋配料超過80款，真是多元化的選擇，讓我們大呼過癮。他們還提供不同辣度的選擇，讓每個人都能根據自己的口味調整辣度。我們點了一些川菜和四川風味的火鍋料，每道菜都讓我們驚艷。鮮嫩的牛肉片、鮮蝦、豆腐和時令蔬菜都保持了原有的新鮮度和口感。湯底的味道濃郁，真的很開胃。而且他們還提供了冰粉作為餐後解辣的選擇，真是貼心。整體而言，我對九龍坎麻辣火鍋的用餐體驗非常滿意。他們的服務一流，環境舒適，食材新鮮，味道美味。如果你喜歡辣味火鍋和四川菜，我強烈推薦你來這家餐廳品嚐一番。我肯定會再次光顧九龍坎麻辣火鍋，期待下一次的美食之旅。

最近，我和朋友一起來九龍坎麻辣火鍋享用午餐，這是一家提供半自助式火鍋午餐的餐廳。餐廳的裝飾仿佛讓人穿越回古代中國的感覺。以紅色為背景，配上中國音樂，彷彿時光倒流回到古代。我們點了兩份午餐套餐：九龍坎至尊火鍋定食：- 招牌牛油紅鍋（高湯微辣）- 鮮蝦 🦐- 珊瑚蚌 🐚- 黑魚片 🐟- 桂花蚌 🐚- 澳洲安格斯牛板腱 🥩- 美國安格斯胛肥牛 🥩- 西班牙黑毛豬腩片 🥓- 美國安格斯慶胛肥牛 🥩📝 九龍坎麻辣火鍋以其豐富的湯底和優質的食材將火鍋體驗推向了新的高度。招牌牛油紅鍋搭配高湯，營造出濃郁香辣的湯底，鮮蝦、珊瑚蚌、黑魚片和桂花蚌等新鮮食材融合其中。套餐還包括澳洲安格斯牛板腱、美國安格斯胛肥牛和西班牙黑毛豬腩片等精選肉品。🍲🍤🐚🐟🥩🥓💰 總價：$420（包括10%服務費）