九鼎記粉麵世家

营业中

休息中

揀咗牛雜河，嚟到成碗都係湯，完水浸，浸過晒所有餸，河粉成餅，就算幾忙都幫幫手撩開吓呀，我有比錢㗎！坐係間餐廳中間張加檯，都唔好問舒唔舒服，食咗唔知咩落肚就走，勸大家唔需要試，免得一肚氣啦！

住係紅磡附近，行過見到餐牌好似幾實惠就諗住試下午餐叫左崩沙腩加牛丸，兩者都正常無咩特別，湯頭淡左D ，不過其實$63 都可以接受。特別之處在於員工既態度，講野無尾音，唔講真係以為去佢地鋪到乞食。接受到比錢買難受先好幫襯

【油尖旺區】【九鼎記粉麵世家】做 1am紅館 系列我一向盡心盡力，為求得到更準確嘅用餐體驗，好多時都唔止幫襯一次。然而，呢間嘢就真係令我冇辦法再幫襯喇，嘢食問題事小，態度問題事大吖嘛。我食完都即刻上某個食評網站睇睇，原來都唔止我一個係咁，我都有必要出聲講吓。我叫咗 $63 嘅「牛魔王河粉」，加 $14 轉魚麵，除咗牛雜之外都冇乜見到其他嘢，原來所謂嘅牛魔王得牛雜、牛筋、牛腩，即係「腩雜河加牛筋」。咁唔緊要，講清楚就得，點知一疊起真係得一嚿牛筋兩嚿仔牛腩，同侍應講聲，佢仲好似覺得係我食咗咁。「牛魔王」同「牛雜」個差價係成十幾廿蚊嘅時候，我唔會 expect 佢畀得咁少我。不過又咁講，畀得少有畀得少嘅好，佢哋啲牛腩真係好難食，碗嘢放喺新加坡我驚佢犯法，因為近乎係牛味香口膠，畀兩嚿我又真係夠我嚼一晚。牛筋還好，不過得一嚿咋。嘢飲我加 $8 飲「凍檸茶走甜」，正常茶餐廳水準。叫埋 $35 嘅「炸墨魚丸」嚟食，都係合理嘅件事。原價 $120 做緊八八折埋單 $106 就落到樓，其實都唔可以算話好平，尤其係碗嘢可以引到我叫侍應過嚟問嘢已經好少有，再加上啲咁嘅態度，我就唔推薦喇。。。（地址：尖沙咀科

#九鼎記so faking hot summer today reaching 34°C what a melting temperature. i dont want walk to far to find food and let have a try on this place. as i said before, every resto deserve a chance.the place here small and narrow. quite not enuf air-con. not much people consider this a an appropriateplace to enjoy lunch.i order beef belly with rice. portion big for me. half bowl of viggie below make this thing healthy. tinder meat and juicy. strong cow taste. very good.in terms of location 70$ is reaso

九鼎記尼間係平時返工外賣比較常食既因為外賣平台自取優惠先抵食d平時午餐時間尖東真係多人都爆堂食真係無位加上覺得入面枱我覺得比較迫平台外賣自取比較好外賣都算大碗既湯麵分隔賣相都排得好好今次叫左牛腩牛肚河份量都足牛腩牛肚都軟硬合適味道不過不失啦如果再入味d就更好湯底都係一般不過不失如果唔係外賣自取優惠打工仔堂食個價位以雲吞麵鋪算貴真係未必試總括嚟講打工仔快抵食外賣平台自取好選擇

整個用餐過程非常不愉快，上至服務態度，下至餐廳環境都非常惡劣！本人禮貌地叫位男侍應落單寫野，點知個位男侍應反而惡言相向。唔知以為自己係黎乞食，而唔係黎消費！眼見呢位男侍應對其他客人呼呼喝喝，大呼小叫，情況令人側目，影響食慾！餐廳食物一般，而且坐位又迫又窄，衞生欠佳！黎呢到食嘢完全感受到何謂貼錢買難受，已列入黑名單，永不幫襯！

老闆或員工對客人態度非常惡劣！不予置評食物十分一般！由進餐廳開始到結帳員工態度都非常惡劣眼見他們對其他客人的態度也是不可理喻不可一世！不建議也永不會再光臨！希望他們反省！

響尖東同朋友做完嘢要講下一場，所以諗住響附近隨便搵個地方叫個外賣快啲搞掂佢就算，跟住同朋友再試吓食呢間牛腩，其實之前已經試過一次佢嘅魚麵，口感有啲偏韌，有種未煮熟嘅感覺，湯亦都偏向普通，最重要係幾個朋友食得我一個中獎，有隻中型嘅烏蠅響入邊，不過呢方面我覺得香港飲食唔會太大問題，我只係簡單撈走咗去繼續食落去，只不過重點味道真係比較普通。今次即管比多個機會試吓外賣牛腩牛雜飯，牛腩牛雜嘅份量一般般，只係生菜墊咗底睇落好似多啲咁。因為我唔係叫湯飯，所以佢真係冇湯嘅，不過唔緊要，但係佢都冇另外俾多少少牛汁或者其他配料，所以啲餸加落個飯度除咗有少少鹹味之外都係覺得好淡，唔係好明白點解可以咁樣就俾人食，所以基本是埋呢次之後應該都唔會再去食。

放工經過想食個粉麵，一入到去諗住坐卡位，明明有吉枱都逼要同其他人搭枱🥲都唔緊要喇，張餐牌攝係枱面玻璃下面仲要啲字對住對面食客，問佢拎張餐牌都要比個呀叔鬧，然後睇餐牌3分鐘都無就催人落單，不斷介紹有咩好食，但我只想靜靜地睇下有咩好食我落單會仲快😮‍💨上餐速度快，但叫左走青都唔記得走青，味道無特別，叫左牛三寶唔覺有咩特別，走既時嘅比錢見可以比卡，問清楚要唔要消費滿幾錢先用得，呀叔態度勁寸咁「你比一蚊都用得」，然後全程埋單語氣又係勁差，真係貼錢買難受☹️

中午放lunch去試下呢間，牛腩麵份量ok未到還可以，價錢都算相宜，熱咖啡麻麻地，同事都覺得啲嘢食還算ok ，尖東呢附近附近如果唔係去漆咸道嗰邊，科學館呢頭都冇乜呢類潮州粉麵牛腩感覺麵檔但係最大問題係服務態度同埋坐喺度食嘢非常之煩擾。啲位已經逼㗎啦，似係老細嘅男人除咗鬧自己啲員工做嘢慢唔夠醒，仲係咁喝罵啲顧客'坐呢度啦'爽手啲'快啲！''企喺度做乜，快啲坐低'之類，遊客又鬧本地客又鬧都唔知想點， 喺附近返工嘅人中午出街食個飯都要睇住個躁狂嘅人喺耳邊係咁嗌，勁嘈又煩真係以後都唔會幫襯。

見次次響紅磡站行落天橋之後食嚟食去都係果幾間，講咗好耐話試吓啲唔同嘅嘢，今次終於記得。所以就是咗九鼎記粉麵專家，其實已經經過好幾次，不過每次見到佢嘅人都比較多，所以就唔想花時間去等，不過人多亦都代表佢嘅嘢應該唔會太差。不過今次唔係試佢嘅牛腩，主要係想試吓佢嘅魚麵。另外再加左一份豬潤。湯嘅味道都可以嘅，豬膶都可以，味道夠唔夠鹹就視乎個人口味，魚麵嘅份量反而幾好，亦都食得出係一條條嘅魚蛋味道，都算做得唔錯。

Fish assortments with fish noodles 🐠魚皇魚麵 $58呢一款魚皇魚麵顧名思義面係由手打魚肉整成嘅🐟，有特色得來有心思✨，好考師傅功夫，而魚皇配料分別有自家製嘅爽口彈牙魚蛋🍢、唔會太鹹嘅炸魚片頭，非常高質😍，配埋清湯一齊食味道唔錯，值得推介👍🏻Signature beef door teeausres 皇牌牛四寶飯 🐮🍚 $72 餐廳嘅皇牌牛四寶飯好受歡迎，皇牌牛四寶分別係指牛腩🥩、牛筋、牛腱同埋牛肚， 牛肉texture 軟腍醃得入味，而牛肚爽滑， 牛腱就好有嚼勁，各有特色，sauce 可以揀加辣辣地嘅homemade 咖喱汁🥘，都幾惹味，連埋其他餸一齊食好開胃，而且性價比高啊！

尖東大份抵食牛腩粉麵／飯My families and I went to a restaurant called "九鼎記‘’located in 30-33, 35-36 Ground floor Shop B, New Mandarin Centre, Tsim Sha Tsui..This restaurant offers beef brisket,Beef offal noodles soup,rice and snacks...etcBeef brisket rice原汁牛腩飯HKD$52.Generous portion of beef brisket.The beef brisket has layered luscious fat.soft and tender.customer can order Curry sauce to pairing with the rice +HKD$10!!Beef brisket rice noodles soup牛腩米線HKD$40generous portion of beef tripe!.the beef tripe is

經過尖沙嘴見到有間新開嘅粉面舖，係出面睇落環境都算幾企理新淨，所以就入去試下。野食算唔錯，但係服務就唔太好啦。可能新開張人手唔夠，加上午市好忙，係入面食野氣氛好趕急，連下單都會俾人催，仲有啲趕客feel，服務態度亦都唔太友善。🥲🥕牛腩牛筋米線牛腩肉質幾嫩，牛味濃郁😋😋，但係就偏肥，牛筋入口即溶，煮的亦頗味入味。腩汁湯底都幾濃味，食落去亦都唔會好油好膩，米線硬度都啱啱好。

星期一至日都有既下午茶🫶🏻魚皮餃加雲吞粗麵 連凍飲$43～份量各兩粒 雲吞餡料滿滿麵底夠彈牙 湯底唔會好鹹喺尖東黎講價錢相宜👍🏻👍🏻開張唔係太耐都見佢長期好多人食～上班族首選😝