九頭鳥米線

营业中

休息中

今日又再食呢間人氣米線，之前試過重慶小面辣單拼魚肉春卷有5條，好誇張，飽到不得了。如果叫魚肉春卷外賣會淋哂。所以今日就揀豬軟骨，牛肉，配雲南酸辣小辣，有花生ok幾好味。foodcourt唔似鋪頭可以叫多酸，所以自己調節要小辣。墨魚頭小食冷盤就充滿辣椒籽都惹味。蒜泥白肉都係鐘意三哥既味道多啲。下次都想試下其他小食霸王雞亦，豬頸肉，海蜇，鵝腸。米線量好多，配菜都好味，lunch等既時間就耐啲要20mins。

係鰂魚涌番工真係好難揾野食一到lunch time就勁多人😵😵 太古城原來開左個新foodcourt即刻去試下先🤩🤩 個foodcourt其實唔算大但都有唔少餐廳選擇不過買完要揾位都唔容易😩😩 今日就揀左呢間米線黎食佢既選擇同譚仔都幾似😀😀最後我揀左5少麻辣雞肉墨丸米線 一食落去都幾失望個湯底唔夠辣,但就勁鹹😫😫雞肉頗碎,但好彩都算嫩滑墨丸反而係全碗最好味既野😇😇 唔連野飲都要$48其實都唔平🥶🥶食完一次,唔會想再食亦都唔推介大家去試😥😥

🍽️豬扒米線 (雲南酸辣 2小辣) +酸菜 $58豬扒新鮮炸好，食落好暖，肉質鬆軟😋雖然比較多油😣米線質感唔會太淋，2小辣無譚仔咁辣，食落整體唔錯😌🍽️招牌米線 (蕃茄湯 10小辣) +魚肉春卷 +豬大腸 $53番茄湯好蓉，10小啱啱好有少少辣味，唔食得辣嘅都可以試吓👍🏻魚肉春卷比較膠；另外豬大腸幾有內臟嘅味道👍🏻👍🏻🍽️香辣墨魚頭 $35非常驚喜，墨魚頭非常爽彈，辣汁啱啱夠好提味，越食越鍾意😍🍽️霸王雞翼 $29都ok， 但exactly係土匪雞翼嘅味道🤣🥤凍檸茶、凍奶茶不過不失，茶記嘅味道味道😋 7/10性價比💰 8/10環境🔎 - /10服務🫶🏻 6/10打卡指數📸 7/10٩(˃̶͈̀௰˂̶͈́)و 推薦指數🥰 7/10

加辣要加錢，但次次叫三少辣都既辣度都非常之唔同，有時要變「沾麵」先可以放入口，唔知係公司無俾足夠培訓或者指引啲員工定係員工求其加辣。希望會有改善，不然只會浪費食物。

知道有呢間嘢好耐，但係唔就腳，一直都冇試過，今朝一早行過太古城廣場food court竟然見到新開左間九頭鳥，害我坐咗超過半個鐘等到11點等佢開⋯我嗌咗雲南酸辣米線，五少辣，三餸炸醬、豬紅、牛肉，再加杯凍奶茶。結論係不枉我等佢超過半個鐘，係啱我口味嘅米線。首先講個湯底，多酸菜所以略帶酸（我鍾意），加咗好多花生（我鍾意），唔太油（我鍾意），唔係會肚痾嘅辣（我鍾意）。米線偏幼，唔係啲粗身同煮到發發地漲嘅米線（我鍾意）。炸醬同另一間出名米缐差唔多但辣少少（我鍾意）。D餸就一般，其中豬紅最令人失望，因為冇乜味，不過食米缐我覺得都係個湯底同米線重要啲。價錢都唔貴，六十零蚊連凍飲，不過啲服務就真係好一般⋯

收錢阿姐態度差到好似全世界欠咗佢，不停話人阻住佢收工，嗰時候先係8:20pm..但係間food court係關9pm！我問佢態度可唔可以好少少，就話咁你唔好買啦！食咗都背脊骨落！我話想同經理講幾句，佢話我哋冇經理，你快啲走啦！

呢排喺太古城做嘢，今日陰陰天有少少涼，同幾個同事商量之後想食啲麻辣嘢，但係又想Stay喺商場裏面。 check過太古城開咗間food court裏面有間九頭鳥米線，我哋嗱嗱聲過去。由於毛毛雨關係food court真係好多人。九頭鳥都排長龍。 我就叫咗個四川麻辣湯薯粉，腩肉再加牛肉，另外在叫咗份霸王雞翼同埋鵝腸。鵝腸爽脆，霸王雞翼有少少土肥雞翼feel，麻辣湯底香濃，腩肉同埋牛肉就普通。 整體嚟講都幾好味嘅。唔使出去喺商場裏面都有米線食。

Lunch近近地去買酸辣米線 滿滿既人龍😳等左20mins 先拎到碗米線同埋而家只收現金～有食過佢其他分店魚肉春卷同墨魚頭依然係甘好食😍下次試埋佢個海蜇頭同麻辣小食～